Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 9:1-21

9  Angẹli atọ́ntọ sọ kún opẹ̀n etọn. Yẹn sọ mọ sunwhlẹvu de he ko flẹ sọn olọn wá aigba ji, podọ họnhungan odò mapote tọn yin nina ẹn.  E sọ hùn odò mapote lọ, azọ̀ sọ tọ́njẹgbonu sọn odò lọ mẹ taidi azọ̀ zòhọ daho de tọn, podọ azọ̀ he tọ́n sọn odò lọ mẹ hẹn owhè po jẹhọn mẹ po dozinvlu.  Owẹ̀n lẹ sọ tọ́njẹgbonu sọn azọ̀ lọ mẹ wá aigba ji; aṣẹ sọ yin nina yé, yèdọ aṣẹ dopolọ he aklekle aigba ji tọn lẹ tindo.  Podọ yé yin didọna ma nado gbleawuna ogbé aigba ji tọn depope kavi onú depope he yin amamú kavi atin depope, adavo mẹhe yè ma yí hiadonu Jiwheyẹwhe tọn do dohia nukọn na lẹ kẹdẹ.  Podọ yè nagbè owẹ̀n lẹ, e ma yin nado hù yé gba, ṣigba dọ yé ni yin yasana na osun atọ́n, podọ yasanamẹ he wá yé ji lọ taidi yasanamẹ aklekle tọn to whenuena e mẹ̀n gbẹtọ.  Podọ gbẹtọ lẹ na dín okú to azán enẹlẹ gbè, ṣigba bo ma na mọ ẹn to aliho depope mẹ, yé nasọ jlo nado kú ṣigba okú na to hinhọnyi sọn yé dè.  Podọ awusọhia owẹ̀n lọ lẹ tọn taidi osọ́ he yin awuwlena na awhàn lẹ tọn; nuhe di jẹgbakun he taidi sika sọ tin to ota na yé, podọ nukunmẹ yetọn taidi nukunmẹ gbẹtọ tọn,  ṣigba yé tindo oda taidi oda yọnnu tọn. Adú yetọn lẹ sọ taidi kinnikinni lẹ tọn;  podọ yé tindo tùnudo he taidi tùnudo ogàn tọn lẹ. Nudidọ awà yetọn lẹ tọn sọ taidi nudidọ osọ́-kẹkẹ osọ́ susu he to wezunhọ̀n jei awhàn lẹ tọn. 10  Humọ, yé tindo osí po adí he taidi aklekle lẹ tọn po; podọ to osí yetọn lẹ go wẹ aṣẹ yetọn te nado gbleawuna gbẹtọ lẹ na osun atọ́n. 11  Yé tindo ahọlu de to yé ji, yèdọ angẹli odò mapote tọn lọ. Oyín etọn to Heblugbe mẹ wẹ Abadọni,* ṣigba e nọ yin Apoliọni* to Glẹkigbe mẹ. 12  Dindọn dopo ko juwayi. Pọ́n! Awe dogọ na wá to onú ehelẹ godo. 13  Angẹli ṣidopotọ sọ kún opẹ̀n etọn. Yẹn sọ sè ogbè de sọn azò agbà sika tọn he to Jiwheyẹwhe nukọn lọ lẹ mẹ 14  he dọna angẹli ṣidopotọ lọ he tindo opẹ̀n dọmọ: “Tún angẹli ẹnẹ he yin sìnsìn to otọ̀ daho Euflate tọn kọ̀n lẹ.” 15  Angẹli ẹnẹ lọ lẹ sọ yin túntún, he yè ko wleawuna na gànhiho, azán, osun podọ na owhe, nado hù mado atọ̀ntọ gbẹtọ lẹ tọn. 16  Podọ sọha awhànfuntọ osọ́ ji tọn lẹ yin fọtọ́n donu ko donu fọtọ́n ao*: yẹn sè sọha yetọn. 17  Podọ lehe yẹn mọ osọ́ lẹ to numimọ mẹ, gọna mẹhe sinai do yé ji lẹ do die: yé tindo tùnudo lẹ he divẹẹ di miyọ́n bo yin juju di hayakintu bosọ yin koklo-jonọ di whèmi; ota osọ́ lọ lẹ tọn sọ taidi ota kinnikinni lẹ tọn, podọ miyọ́n, azọ̀ po whèmi po tọ́n sọn onù yetọn mẹ. 18  Mado atọ̀ntọ gbẹtọ lẹ tọn sọ yin hùhù gbọn azọ̀nylankan atọ̀n ehelẹ dali, yèdọ gbọn miyọ́n, azọ̀ po whèmi he tọ́n sọn onù yetọn mẹ lẹ po dali. 19  Na aṣẹ osọ́ lọ lẹ tọn tin to onù yetọn mẹ podọ to osí yetọn go; na osí yetọn taidi odàn lẹ bo tindo ota lẹ, yé sọ nọ yí ehelẹ do gbleawunamẹ. 20  Ṣigba, mẹhe pò bo ma yin hùhù gbọn azọ̀nylankan ehelẹ dali ma lẹnvọjọ sọn azọ́n alọ yetọn lẹ tọn mẹ, ṣigba yé zindonukọn nado to aovi lẹ sẹ̀n, gọna boṣiọ sika tọn, fataka tọn, gànvẹẹ tọn, zannu tọn po atin tọn lẹ po, he ma sọgan mọnú kavi sènu kavi zinzọnlin; 21  yé masọ lẹnvọjọ sọn hlọnhuhu yetọn lẹ mẹ kavi sọn afinyọnnuwiwa yetọn lẹ mẹ kavi sọn galilọ yetọn mẹ kavi sọn ajojijẹ yetọn lẹ mẹ.

Nudọnamẹ Odò Tọn

Osọ 9:11* Zẹẹmẹdo, “vasudo” to Heblugbe mẹ
Osọ 9:11* Zẹẹmẹdo, “mẹvasudotọ” to Glẹkigbe mẹ.
Osọ 9:16* Enẹ wẹ, livi donu fọde.