Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 8:1-13

8  Podọ to whenue e hùn hiadonu ṣinawetọ, abọẹninọ de tin to olọn mẹ na nudi gànhiho daa.  Yẹn sọ mọ angẹli ṣinawe to ote to Jiwheyẹwhe nukọn, opẹ̀n ṣinawe sọ yin nina yé.  Podọ angẹli devo wá bo ṣite to agbà lọ kọ̀n, bosọ tindo nuyọnwan-gbán sika tọn de; podọ nuyọnwan susu yin nina ẹn nado yí do sanvọ́ to agbà sika tọn he tin to ofìn lọ nukọn ji to whenue odẹ̀ omẹ wiwe lẹpo tọn yin sisè.  Azọ̀ nuyọnwan lọ tọn sọ hẹji sọn alọ angẹli lọ tọn mẹ gọna odẹ̀ omẹ wiwe lẹ tọn lẹ yì Jiwheyẹwhe nukọn.  Ṣigba, to afọdopolọji, angẹli lọ ze nuyọnwan-gbán lọ, bo yí delẹ to miyọ́n he to agbà lọ ji lẹ mẹ do gọ́ e mẹ bosọ dlan ẹn do aigba ji. Podọ hẹviosò lẹ, ogbè lẹ, abì lẹ po aigba sisọsisọ de po jọ.  Podọ angẹli ṣinawe lọ lẹ he tindo opẹ̀n ṣinawe lẹ wleawu nado kún yé.  Tintan sọ kún opẹ̀n etọn. Kẹnsu po miyọ́n po he flusọ́ hẹ ohùn sọ wá aimẹ, e sọ yin dindlan do aigba ji; mado atọ̀ntọ aigba tọn sọ fiọ, mado atọ̀ntọ atin lẹ tọn sọ fiọ, podọ ogbé-mú lẹpo fiọ.  Angẹli awetọ sọ kún opẹ̀n etọn. Podọ nude he taidi osó daho he to miyọ́nji de yin dindlan do ohù mẹ. Mado atọ̀ntọ ohù tọn sọ lẹzun ohùn;  mado atọ̀ntọ nudida he to ohù mẹ bo yin alindọn* lẹ tọn sọ kú, podọ mado atọ̀ntọ tọjihun lẹ tọn gbakija. 10  Angẹli atọ̀ntọ sọ kún opẹ̀n etọn. Podọ sunwhlẹvu daho he to jiji taidi miyọ́ngbán de flẹ sọn olọn, e sọ flẹ jẹ mado atọ̀ntọ tọ̀sisa lẹ po asisa osin tọn lẹ po ji. 11  Podọ sunwhlẹvu lọ nọ yin yiylọdọ Vivẹ́. Mado atọ̀ntọ osin lẹ tọn sọ diọ zun vivẹ́, osin lẹ sọ hù gbẹtọ susu lẹ, na yé ko yin hinhẹn vẹ́ wutu. 12  Angẹli ẹnẹtọ sọ kún opẹ̀n etọn. Yè sọ linú mado atọ̀ntọ owhè tọn, mado atọ̀ntọ osun tọn po mado atọ̀ntọ sunwhlẹvu lẹ tọn po, na mado atọ̀ntọ yetọn nido sọgan dózin bọ mado atọ̀ntọ okle tọn ma nado tindo hinhọ́n, e sọ yinmọ na ozán lọsu ga. 13  Yẹn sọ mọ, bo sè bọ akùn he to zinzlọn to agahomẹ de dọ po ogbè lélé po dọmọ: “Dindọn, dindọn, dindọn na mẹhe nọ nọ̀ aigba ji lẹ na nudidọ opẹ̀n angẹli atọ̀n he pò bo na kún opẹ̀n yetọn to madẹnmẹ lẹ tọn wutu!”

Nudọnamẹ Odò Tọn

Osọ 8:9* Kavi, “ogbẹ̀ lẹ.” Gl., suke; Lat., animas.