Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 7:1-17

7  To ehe godo, yẹn mọ angẹli ẹnẹ to ote to agosu ẹnẹ aigba tọn lẹ ji bo hẹn jẹhọn ẹnẹ aigba tọn lẹ go gligli, na jẹhọn nikaa yìn do aigba ji kavi do ohù ji kavi do atin depope go.  Yẹn sọ mọ angẹli devo to oji hẹ sọn whèzẹtẹn, bo tindo hiadonu Jiwheyẹwhe ogbẹ̀nọ lọ tọn de; e sọ dawhá po ogbè lélé po hlan angẹli ẹnẹ lọ lẹ he yè ko nagbè nado gbleawuna aigba po ohù po,  dọmọ: “Mì gbleawuna aigba kavi ohù kavi atin lẹ blo, kakajẹ whenue mí na ko yí hiadonu do dohia nukọn na afanumẹ Jiwheyẹwhe mítọn tọn lẹ godo.”  Yẹn sọ sè sọha mẹhe yè yí hiadonu do dohiagona lẹ tọn, yèdọ fọtọ́n donu kantọ̀n-konukunẹnẹ wẹ yè yí hiadonu do dohiagona sọn whẹndo ovi Islaeli tọn lẹ tọn lẹpo mẹ:  Sọn whẹndo Juda tọn mẹ, fọtọ́n donu wiawe wẹ yè yí hiadonu do dohiagona; sọn whẹndo Leubẹni tọn mẹ, fọtọ́n donu wiawe; sọn whẹndo Gadi tọn mẹ, fọtọ́n donu wiawe;  sọn whẹndo Aṣeli tọn mẹ, fọtọ́n donu wiawe; sọn whẹndo Naftali tọn mẹ, fọtọ́n donu wiawe; sọn whẹndo Manasse tọn mẹ, fọtọ́n donu wiawe;  sọn whẹndo Simeoni tọn mẹ, fọtọ́n donu wiawe; sọn whẹndo Levi tọn mẹ, fọtọ́n donu wiawe; sọn whẹndo Issakali tọn mẹ, fọtọ́n donu wiawe;  sọn whẹndo Zebuluni tọn mẹ, fọtọ́n donu wiawe; sọn whẹndo Josẹfu tọn mẹ, fọtọ́n donu wiawe; sọn whẹndo Bẹnjamini tọn mẹ, fọtọ́n donu wiawe wẹ yè yí hiadonu do dohiagona.  To onú ehelẹ godo, yẹn mọ, podọ pọ́n! gbẹtọ susugege de, he mẹdepope ma penugo nado hia, sọn akọta lẹpo mẹ, sọn whẹndo lẹpo mẹ, sọn gbẹtọ lẹpo mẹ podọ sọn ogbè lẹpo mẹ to ote to ofìn lọ nukọn podọ to Lẹngbọvu lọ nukọn, bo dó tewu wewe; odéma lẹ sọ tin to alọ yetọn lẹ mẹ. 10  Yé sọ to awhádo po ogbè lélé po mapote dọmọ: “Jiwheyẹwhe mítọn he sinai to ofìn lọ ji podọ Lẹngbọvu lọ dè wẹ whlẹngán mítọn wá sọn.” 11  Podọ angẹli lẹpo to ote lẹdo ofìn lọ podọ lẹdo mẹho lọ lẹ podọ lẹdo mẹdida ẹnẹ lọ lẹ pé, yé sọ ṣinyọ́n nukunmẹ yetọn ai to ofìn lọ nukọn bo sẹ̀n Jiwheyẹwhe, 12  bo dọmọ: “Niṣẹ!* Pipà, gigo, nuyọnẹn, pẹdido, gbégbò, huhlọn, po hlọnhlọn po ni tin hlan Jiwheyẹwhe mítọn kakadoi podọ doidoi. Niṣẹ.” 13  Dopo to mẹho lọ lẹ mẹ sọ gblọnna mi dọmọ: “Mẹhe dó tewu wewe ehelẹ, mẹnu wẹ yé yin podọ fie wẹ yé wá sọn?” 14  Enẹwutu, yẹn dọna ẹn to afọdopolọji dọmọ: “Oklunọ ṣie, hiẹ wẹ yọnẹn.” E sọ dọna mi dọmọ: “Omẹ ehelẹ wẹ jugbọn nukunbibia daho lọ mẹ, podọ yé ko yàn tewu yetọn lẹ bo ko hẹn yé zun wewe to ohùn Lẹngbọvu lọ tọn mẹ. 15  Enẹwutu wẹ yé do tin to ofìn Jiwheyẹwhe tọn nukọn; yé sọ to sinsẹ̀nzọn wiwe basi na ẹn to okle po ozán po to tẹmpli etọn mẹ; podọ Ewọ he sinai to ofìn lọ ji na dlẹn gòhọ etọn do yé ji. 16  Huvẹ ma na hù yé ba mọjanwẹ nugbla ma na hù yé, mọdopolọ owhè ma na vẹ́ do yé ji kavi yozò sinsinyẹn depope, 17  na Lẹngbọvu lọ he to ofìn lọ ṣẹnṣẹn na yin lẹngbọhọtọ yetọn, bo na deanana yé yì asisa osin ogbẹ̀ tọn lẹ kọ̀n. Jiwheyẹwhe nasọ súnsún dasin lẹpo sẹ̀ sọn nukun yetọn lẹ mẹ.”

Nudọnamẹ Odò Tọn

Osọ 7:12* Pọ́n Lo 1:25, nudọnamẹ odò tọn.