Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 6:1-17

6  Yẹn sọ mọ whenue Lẹngbọvu lọ hùn dopo to hiadonu ṣinawe lọ lẹ mẹ, yẹn sọ sè bọ dopo to mẹdida ẹnẹ lẹ mẹ yí ogbè he taidi hẹviosò tọn do dọmọ: “Wá!”  Yẹn sọ mọ, podọ pọ́n! osọ́ wewe de; mẹhe sọ sinai to e ji tindo ogá de; jẹgbakun de sọ yin nina ẹn, e sọ tọ́nyi bo to awhàngba podọ nado dotana awhàngbigba etọn.  Podọ to whenue e hùn hiadonu awetọ, yẹn sè bọ mẹdida awetọ dọmọ: “Wá!”  Podọ osọ́ devo he tindo sinmẹ miyọnnọ de tọ́njẹgbonu; yè sọ nagbè mẹhe sinai to e ji nado de jijọho sẹ̀ sọn aigba ji na yé nido nọ hù ode awetọ; ohí daho de sọ yin nina ẹn.  Podọ to whenue e hùn hiadonu atọ̀ntọ, yẹn sè bọ mẹdida atọ̀ntọ dọmọ: “Wá!” Yẹn sọ mọ, podọ pọ́n! osọ́ yuu de; podọ mẹhe sinai to e ji tindo nujlẹgàn ovi awenọ de to alọ etọn mẹ.  Yẹn sọ sè ogbè de taidi sọn ṣẹnṣẹn mẹdida ẹnẹ lọ lẹ tọn dọmọ: “Kilo likun tọn dopo na denali* dopo, podọ kilo ballekun tọn atọ̀n na denali dopo; hiẹ sọ ṣì amì olivie tọn po ovẹn po zan blo.”  Podọ to whenue e hùn hiadonu ẹnẹtọ, yẹn sè ogbè mẹdida ẹnẹtọ tọn dọmọ: “Wá!”  Yẹn sọ mọ, podọ pọ́n! osọ́ wlanwlan de; podọ oyín mẹhe sinai to e ji tọn wẹ Okú. Hadẹs* sọ to hihodo e pẹkipẹki. Aṣẹ sọ yin nina yé do mado ẹnẹtọ aigba tọn ji nado nọ yí ohí gaa, núdùdù whèdomẹ, awutu ylankan, po gbekanlin aigba tọn lẹ po do hù.  Podọ to whenue e hùn hiadonu atọ́ntọ, yẹn mọ ohùn* mẹhe yin hùhù na ohó Jiwheyẹwhe tọn podọ na azọ́n kunnudide tọn he yé ko nọ wà wutu lẹ tọn to agbà lọ glọ. 10  Yé sọ dawhá po ogbè lélé po dọmọ: “Oklunọ Nupojipetọ, wiwe po nugbo po E, nawẹ e na dẹnsọ whẹpo hiẹ na dawhẹ bo na yiahọsu ohùn mítọn tọn to mẹhe nọ nọ̀ aigba ji lẹ go?” 11  Podọ tewu wewe de yin nina dopodopo yetọn; yè sọ dọna yé nado gbọjẹ na whenu vude dogọ, kakajẹ whenue sọha afanumẹ hatọ yetọn lẹ podọ mẹmẹsunnu yetọn he na yin hùhù to madẹnmẹ dile yelọsu ko yin hùhù do lẹ tọn lọsu na pé. 12  Yẹn sọ mọ whenue e hùn hiadonu ṣidopotọ, aigba sisọsisọ daho de sọ jọ; owhè sọ diyuu taidi odẹ́vọ̀ he yè yí kanlin-fún do basi, podọ osun blebu diọ bo taidi ohùn, 13  sunwhlẹvu olọn tọn lẹ sọ flẹ jẹ aigba, kẹdẹdile ovò sinsẹ́n he ma bia lẹ nọ ja kọnyinai to whenue jẹhọn sinsinyẹn whàn ovòtin de do. 14  Olọn sọ há sẹ̀ dile owe-hihá de nọ yin hihá do, podọ osó lẹpo gọna lopo lẹpo yin tẹnsẹna sọn otẹn yetọn lẹ mẹ. 15  Podọ ahọlu aigba ji tọn lẹ, omẹ gboogbo lẹ, awhàngán daho lẹ, adọkunnọ lẹ, omẹ huhlọnnọ lẹ, afanumẹ lẹpo gọna mẹhe to yedekannu lẹpo whlá yede do oslò lẹ mẹ podọ do osé gángán osó lẹ tọn lẹ mẹ. 16  Yé sọ to didọna osó lẹ podọ na osé gángán lẹ mapote dọmọ: “Mì họ́ jẹ mí ji bo whlá mí sọn nukọn Ewọ he sinai to ofìn lọ ji tọn podọ sọn homẹgble Lẹngbọvu lọ tọn mẹ, 17  na azán daho homẹgble yetọn tọn ko wá, podọ mẹnu wẹ penugo nado nọte?”

Nudọnamẹ Odò Tọn

Osọ 6:6* Pọ́n Mt 18:24, nudọnamẹ odò tọn.
Osọ 6:8* Pọ́n nudọnamẹ Dogọ 8.
Osọ 6:9* Gl., suke.