Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 5:1-14

5  Yẹn sọ mọ owe-hihá he yè kannu do e mẹ to homẹ po godo po bo yí hiadonu ṣinawe do tlẹ́ gbanun-gbanun de to adusilọ Ewọ he sinai to ofìn lọ ji tọn mẹ.  Yẹn sọ mọ angẹli huhlọnnọ de he to lilá po ogbè lélé po dọmọ: “Mẹnu wẹ jẹ nado hùn owe-hihá lọ bo tún hiadonu etọn lẹ sẹ̀?”  Ṣigba, omẹ dopo tata ma tin to olọn mẹ kavi to aigba ji kavi to aigba glọ he penugo nado hùn owe-hihá lọ kavi nado hia ẹ.  Yẹn sọ viavi badabada na mẹdepope ma yin mimọ he jẹ nado hùn owe-hihá lọ kavi nado hia ẹ wutu.  Ṣigba, dopo to mẹho lọ lẹ mẹ dọna mi dọmọ: “A viavi ba blo. Pọ́n! Kinnikinni he wá sọn whẹndo Juda tọn mẹ, yèdọ adọ̀ Davidi tọn lọ, ko gbawhàn nado sọgan hùn owe-hihá lọ po hiadonu ṣinawe etọn lẹ po.”  Yẹn sọ mọ lẹngbọvu de ṣite to ofìn lọ ṣẹnṣẹn podọ to mẹdida ẹnẹ lọ lẹ ṣẹnṣẹn podọ to mẹho lọ lẹ ṣẹnṣẹn taidi dọ e ko yin hùhù wẹ nkọ, bo tindo azò ṣinawe po nukun ṣinawe po, nukun ehelẹ nọtena gbigbọ Jiwheyẹwhe tọn ṣinawe lẹ he ko yin didohlan aigba lọ pete ji.  Ewọ sọ yì bo yí i to afọdopolọji sọn adusilọ Ewọ he sinai to ofìn lọ ji tọn mẹ.  Podọ to whenue e yí owe-hihá lọ, mẹdida ẹnẹ lọ lẹ po mẹho konukunẹnẹ lọ lẹ po ṣinyọ́n nukunmẹ ai to Lẹngbọvu lọ nukọn, dopodopo yetọn tindo ajalẹn de po agbán sika tọn lẹ po he gọ́ na nuyọnwan, podọ nuyọnwan lọ nọtena odẹ̀ omẹ wiwe lẹ tọn lẹ.  Yé sọ to ohàn yọyọ de ji dọmọ: “Hiẹ wẹ jẹ nado yí owe-hihá lọ bo hùn hiadonu etọn lẹ, na hiẹ ko yin hùhù podọ ohùn towe wẹ hiẹ yí do họ̀ gbẹtọ lẹ na Jiwheyẹwhe sọn hẹnnu lẹ, ogbè lẹ, gbẹtọ lẹ, podọ sọn akọta lẹpo mẹ, 10  hiẹ sọ hẹn yé zun ahọluduta de po yẹwhenọ lẹ po hlan Jiwheyẹwhe mítọn, bọ yé na duahọlu do aigba ji.” 11  Podọ yẹn mọ, bosọ sè ogbè angẹli susu tọn lẹdo ofìn lọ pé podọ lẹdo mẹdida lọ lẹ po mẹho lọ lẹ po pé, sọha yetọn yin fọtọ́n ao donu fọtọ́n ao lẹ podọ fọtọ́n donu fọtọ́n lẹ, 12  yé to didọ po ogbè lélé po dọmọ: “Lẹngbọvu lọ he ko yin hùhù wẹ jẹ nado mọ huhlọn, adọkun, nuyọnẹn, hlọnhlọn, gbégbò, gigo, po pipà po yí.” 13  Yẹn sọ sè bọ nudida lẹpo he tin to olọn mẹ, to aigba ji, to aigba glọ, podọ to ohù ji, yèdọ nuhe tin to yé mẹ lẹpo to didọmọ: “Pipà, gbégbò, gigo, po hlọnhlọn po ni tin hlan Ewọ he sinai do ofìn lọ ji podọ hlan Lẹngbọvu lọ kakadoi podọ doidoi.” 14  Mẹdida ẹnẹ lọ lẹ sọ to didọmọ: “Niṣẹ!”* bọ mẹho lọ lẹ ṣinyọ́n nukunmẹ ai bo sẹ̀n.

Nudọnamẹ Odò Tọn

Osọ 5:14* Pọ́n Lo 1:25, nudọnamẹ odò tọn.