Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 4:1-11

4  To onú ehelẹ godo, yẹn mọ, podọ, pọ́n! ohọ̀n de he hùndonuvo to olọn mẹ, podọ ogbè tintan he yẹn sè taidi opẹ̀n de tọn, he to hodọ hẹ mi dọmọ: “Hẹji wáfi, yẹn nasọ do nuhe dona jọ lẹ hia we.”  To onú ehelẹ godo, yẹn wá nuyiwadomẹji gbigbọ tọn glọ to afọdopolọji: podọ, pọ́n! ofìn de tin to finẹ to olọn, bọ mẹde sinai do ofìn lọ ji.  Podọ awusọhia mẹhe sinai to e ji lọ tọn taidi zannu jaspali po zannu akuẹgegenu sinmẹ vẹẹ de tọn po, aidowhẹdo de he awusọhia etọn taidi emẹlaldi sọ tin lẹdo ofìn lọ pé.  Podọ ofìn konukunẹnẹ tin lẹdo ofìn lọ pé, yẹn sọ mọ mẹho konukunẹnẹ he dó awugbó wewe lẹ to aisinsin to ofìn ehelẹ ji, bo tindo jẹgbakun sika tọn lẹ to ota.  Podọ abì lẹ, ogbè lẹ po hẹviosò lẹ po to tintọ́njẹgbonu wá sọn ofìn lọ kọ̀n; podọ miyọ́ngbán ṣinawe to titá to ofìn lọ nukọn, ehelẹ sọ zẹẹmẹdo gbigbọ ṣinawe Jiwheyẹwhe tọn lẹ.  Podọ nuhe taidi ohù mẹpọ́nnu tọn de bo taidi klistali tin to ofìn lọ nukọn. Podọ mẹdida ẹnẹ lẹ he gọ́ na nukun to nukọn po godo po tin to ofìn lọ ṣẹnṣẹn podọ lẹdo ofìn lọ pé.  Mẹdida tintan taidi kinnikinni de, mẹdida awetọ taidi oyìnsú winyanwinyan de, mẹdida atọ̀ntọ tindo nukunmẹ he taidi gbẹtọ de tọn, podọ mẹdida ẹnẹtọ taidi akùn he to zinzlọn de.  Podọ na nuhe dù mẹdida ẹnẹ lọ lẹ, dopodopo yetọn tindo awà ṣidopo; yé gọ́ na nukun lẹ lẹdo pé podọ to awà lọ lẹ glọ. Yé masọ tindo gbọjẹ to okle po ozán po dile yé nọ to didọ dọmọ: “Wiwe, wiwe, wiwe wẹ Jehovah Jiwheyẹwhe, Ganhunupotọ lọ, mẹhe ko tin bo tin bosọ ja.”  Podọ whedepopenu he mẹdida lọ lẹ na gigo, gbégbò po pẹdido po Ewọ he sinai do ofìn lọ ji, yèdọ Omẹ lọ he to ogbẹ̀ kakadoi podọ doidoi lọ, 10  mẹho konukunẹnẹ lọ lẹ nọ ṣinyọ́n nukunmẹ ai to Ewọ he sinai to ofìn lọ ji nukọn bo nọ sẹ̀n Omẹ lọ he to ogbẹ̀ kakadoi podọ doidoi, yé sọ nọ hùn jẹgbakun yetọn lẹ dlan to ofìn lọ nukọn, bo nọ to didọmọ: 11  “Jehovah, yèdọ Jiwheyẹwhe mítọn, hiẹ wẹ jẹ nado mọ gigo, gbégbò po huhlọn po yí, na hiẹ wẹ dá onú lẹpo, podọ to ojlo towe mẹ wẹ yé tin bosọ yin didá.”

Nudọnamẹ Odò Tọn