Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 22:1-21

22  E sọ do tọ̀sisa osin ogbẹ̀ tọn de hia mi, he wé taidi klistali, bo to sisà jẹgbonu sọn ofìn Jiwheyẹwhe tọn po Lẹngbọvu lọ tọn po kọ̀n  gbọn ṣẹnṣẹn alihogbó tòdaho lọ tọn. Podọ to awà tọ̀sisa lọ tọn awe lẹ ji wẹ atin ogbẹ̀ tọn lẹ tin te he nọ sẹ́n sinsẹ́n wiawe, bo nọ to sinsẹ́n yetọn detọ́n to sunmẹsunmẹ. Amà atin lọ lẹ tọn lẹ sọ tin na azọ̀nhẹngbọ akọta lẹ tọn.  Podọ dẹ̀hodo depope ma na tin ba. Ṣigba, ofìn Jiwheyẹwhe tọn po Lẹngbọvu lọ tọn po na tin to tòdaho lọ mẹ, afanumẹ etọn lẹ nasọ nọ wà sinsẹ̀nzọn wiwe na ẹn;  yé nasọ mọ nukunmẹ etọn, oyín etọn nasọ tin to nukọn na yé.  Humọ, ozán ma na nọ kú ba, yé ma nasọ tindo nuhudo hinhọ́n miyọ́ngbán tọn kavi hinhọ́n owhè tọn ba, na Jehovah Jiwheyẹwhe na tá hinhọ́n do yé ji, yé nasọ duahọlu kakadoi podọ doidoi.  Ewọ sọ dọna mi dọmọ: “Ohó ehelẹ tindo jidide bo yin nugbo; mọwẹ, Jehovah Jiwheyẹwhe he nọ gbọdo yẹwhegán lẹ nado dọho, do angẹli etọn hlan nado do nuhe dona jọ to madẹnmẹ lẹ hia afanumẹ etọn lẹ.  Podọ, pọ́n! Yẹn ja to niyaniya mẹ. Ayajẹnọ wẹ mẹdepope he nọ payi ohó dọdai tọn he to owe-hihá ehe mẹ go lẹ.”  Todin, yẹn Johanu wẹ omẹ lọ he to onú ehelẹ sè bosọ to yé mọ. Podọ, to whenue yẹn ko sè bo ko mọ, yẹn ṣinyọ́n nukunmẹ ai nado sẹ̀n to afọ angẹli he to onú ehelẹ dohia mi tọn lẹ kọ̀n.  Ṣigba, e dọna mi dọmọ: “Ṣọ́ dewe! A wàmọ blo! Afanumẹ de poun wẹ yẹn kẹdẹdi hiẹ po mẹmẹsunnu towe lẹ po he yin yẹwhegán lẹ gọna mẹhe to ohó he tin to owe-hihá ehe mẹ yìn lẹ. Sẹ̀n Jiwheyẹwhe.” 10  Ewọ sọ dọna mi ga dọmọ: “Hiẹ yí hiadonu do tlẹ́ ohó dọdai tọn lẹ he tin to owe-hihá ehe mẹ blo, na ojlẹ dide lọ ko sẹpọ. 11  Ewọ he yin mawadodonọ, gbọ e ni to mawadodo wà zọnmii; podọ gbọ mẹhe yin dihonọ ni to dihonọ yin zọnmii; ṣigba gbọ mẹhe yin dodonọ ni to dodo wà zọnmii, podọ gbọ mẹhe yin wiwe ni to wiwenọ yin zọnmii. 12  “‘Pọ́n! Yẹn ja to niyaniya mẹ, podọ ale he yẹn na na tin to dè e, nado na omẹ dopodopo dile azọ́n etọn te. 13  Yẹn wẹ Alfa podọ Omega,* tintan podọ godo tọn, yèdọ bẹjẹeji po opodo po. 14  Ayajẹnọ wẹ mẹhe yàn tewu yetọn lẹ, na yé nido sọgan tindo jlọjẹ nado yì atin ogbẹ̀ tọn lọ lẹ kọ̀n podọ na yé nido sọgan gbọn họngbo tòdaho lọ tọn lẹ nù biọ e mẹ. 15  Gbonu wẹ avún lẹ nọ nọ̀ podọ mẹhe nọ tindo mahẹ to afinyọnnuwiwa mẹ lẹ, galọtọ lẹ, hlọnhutọ lẹ, boṣiọ-sẹ̀ntọ lẹ gọna mẹdepope he yiwanna lalo bo nọ to lalodo.’ 16  “‘Yẹn Jesu do angẹli ṣie hlan nado dekunnu na mì gbẹtọ lẹ gando onú ehelẹ go na agun lẹ. Yẹn wẹ adọ̀ po ovi Davidi tọn po, podọ sunwhlẹvu afọnnu tọn he to sisẹ́.’” 17  Gbigbọ po asiyọyọ po sọ to didọ mapote dọmọ: “Wá!” Podọ gbọ mẹdepope he to sisè ni dọmọ: “Wá!” Podọ gbọ mẹdepope he nugbla to hùhù ni wá; gbọ mẹdepope he jlo ni yí osin ogbẹ̀ tọn vọnu. 18  “Yẹn to kunnude na mẹlẹpo he sè ohó dọdai tọn he tin to owe-hihá ehe mẹ lẹ dọmọ: Eyin mẹdepope yidogọna onú ehelẹ, Jiwheyẹwhe na yí azọ̀nylankan he yin kinkàn do owe-hihá ehe mẹ lẹ dogọna ẹn; 19  podọ eyin mẹdepope de nudepope sẹ̀ sọn ohó lọ lẹ he tin to owe-hihá dọdai ehe tọn mẹ, Jiwheyẹwhe na de otẹn etọn sẹ̀ sọn atin ogbẹ̀ tọn lọ lẹ kọ̀n podọ sọn tòdaho wiwe lọ mẹ, yèdọ nuhe yin kinkàn do owe-hihá ehe mẹ lẹ. 20  “Ewọ he dekunnu gando onú ehelẹ go dọ, ‘Mọwẹ; yẹn ja to niyaniya mẹ.’” “Niṣẹ!* Wá, Oklunọ Jesu.” 21  Na nukundagbe majẹhẹ Oklunọ Jesu Klisti tọn ni tin hẹ omẹ wiwe lẹ.

Nudọnamẹ Odò Tọn

Osọ 22:13* Alfa po Omega po yin wekun tintan po godo tọn po to wekun Glẹki tọn lẹ mẹ.
Osọ 22:20* Pọ́n Lo 1:25, nudọnamẹ odò tọn.