Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 18:1-24

18  To onú ehelẹ godo, yẹn mọ angẹli devo to tejẹ sọn olọn, bo tindo aṣẹpipa daho; gigo etọn sọ hẹn aigba họ́n.  E sọ yí huhlọn do dawhá dọmọ: “E ko họ́! Babilọni Daho lọ ko họ́, podọ e ko lẹzun fininọ de na aovi lẹ podọ fiwhiwhlá de na jẹhọn adínọ lẹpo podọ fiwhiwhlá de na ohẹ̀ mawé podọ dehe yin wangbẹna lẹpo!  Na akọta lẹpo ko nùmú na ovẹn homẹgble galilọ etọn tọn wutu, podọ ahọlu aigba ji tọn lẹ ko lọga hẹ ẹ, podọ ajọwatọ tomẹyitọ aigba ji tọn lẹ ko lẹzun adọkunnọ na huhlọn gbẹzan fẹẹmẹninọ matin winyan etọn tọn wutu.”  Yẹn sọ sè ogbè devo sọn olọn mẹ dọmọ: “Mì tọ́n sọn e mẹ, omẹ ṣie lẹ emi, eyin mì ma jlo nado tindo mimá hẹ ẹ to ylando etọn lẹ mẹ, podọ eyin mì ma jlo nado yí to azọ̀nylankan etọn lẹ mẹ.  Na ylando etọn lẹ ko hòpli dopọ kakajẹ olọn, podọ Jiwheyẹwhe ko flin nuyiwa mawadodo tọn etọn lẹ.  Gbọ e ni yin wiwà na ẹn, yèdọ dile ewọ lọsu ko wà do, podọ ni yin wiwà na ẹn do whla awe ji, mọwẹ, yèdọ whla awe nuhe e wà lẹ tọn; to kọfo he mẹ e kọ̀n ovẹn flusọ́ gọ́, yí ovẹn flusọ́ do gọ́ ẹ na ẹn do whla awe ji.  Obá he mẹ e pagigona ede bo zan gbẹzan fẹẹmẹninọ matin winyan tọn jẹ, na ẹn yasanamẹ po aluẹmẹninọ po jẹ obá enẹ mẹ. Na e nọ to didọ to ahun etọn mẹ dọmọ, ‘Ai ahọsi tọn wẹ yẹn sin, yẹn masọ yin asuṣiọsi, podọ yẹn ma na nọ aluẹmẹ pọ́n gbede.’  Enẹwutu wẹ azọ̀nylankan etọn lẹ na wá to gbèdopo, yèdọ okú, aluẹmẹninọ po huvẹ po, yè nasọ yí miyọ́n do fiọ ẹ gbidigbidi, na huhlọnnọ wẹ Jehovah Jiwheyẹwhe, mẹhe dawhẹ etọn.  “Podọ ahọlu aigba ji tọn lẹ he lọga hẹ ẹ bo zan gbẹzan fẹẹmẹninọ matin winyan tọn lẹ na viavi bo na do awubla hia do e ji, to whenue yé pọ́n azọ̀ fifiọ etọn tọn hlan, 10  dile yé ṣite to olá na obu oyà he to yinyin sisá na ẹn tọn wutu bo to didọ dọ, ‘Ṣo, ṣo, hiẹ otò daho lọ, yèdọ Babilọni hiẹ tòdaho huhlọnnọ lọ, na to gànhiho dopo mẹ wẹ whẹdida towe wá!’ 11  “Humọ, ajọwatọ tomẹyitọ aigba ji tọn lẹ to avivi bo to aluẹmẹ do ewọ ji, na mẹdepope ma tin nado họ̀ ajọnu yetọn lẹpo wutu, 12  yèdọ ajọnu sika tọn, fataka tọn, zannu he họakuẹ tọn, peali lẹ tọn, alavọ dagbedagbe tọn, sopẹ́-vọ̀ tọn, avọ̀ sẹ́da tọn, po avọ̀ vẹẹ ṣẹ́ṣẹ́ tọn lẹpo po; podọ nulẹpo he yin owhlẹ owán gblingblinnọ lẹ, núzinzan ajinnaku-dú tọn wunmẹ lẹpo, núzinzan owhlẹ he họakuẹ hugan tọn wunmẹ lẹpo, gànvẹẹ tọn, ogàn tọn po mabli tọn po; 13  humọ, kinamọni, nuwhẹ́nwan gblingblin, nuyọnwan, amisisa owán gblingblinnọ, nuyọnwan gblingblin, ovẹn, amì olivie tọn, linfin dagbedagbe, likun, oyìn, lẹngbọ, osọ́ lẹ, agbàn-kẹkẹ lẹ, afanumẹ lẹ po alindọn gbẹtọ tọn lẹ po. 14  Mọwẹ, yèdọ atin sinsẹ́n dagbedagbe he alindọn towe jlo ko yì sọn dè we, podọ onú vivinamẹ lẹ po onú whanpẹnọ lẹpo po ko dọ̀n, gbẹtọ lẹ ma nasọ vọ́ mọ yé gbede ba. 15  “Ajọwatọ tomẹyitọ onú ehelẹ tọn, he ko lẹzun adọkunnọ sọn ewọ dè lẹ, na ṣite to olá na obu oyà he to yinyin sisá na ẹn tọn wutu bo na viavi bosọ biọ aluẹmẹ, 16  bo na to didọ dọ, ‘Ṣo, ṣo—otò daho lọ, he dó alavọ dagbedagbe podọ sopẹ́-vọ̀ po avọ̀ vẹẹ ṣẹ́ṣẹ́ po, bo yí aṣọ́donu sika tọn, zannu he họakuẹ po peali po do doaṣọ́, 17  na to gànhiho dopo mẹ wẹ adọkunnu daho mọnkọ lẹ ko yin vivasudo!’ “Podọ húnkùntọ-gán lẹpo, mẹhe nọ zingbejizọnlin yì fidepope lẹpo, azọ́nwatọ ohún mẹ tọn lẹ podọ mẹhe nọ mọ dùdù gbọn ohù dali lẹpo, ṣite to olá 18  bo to awhádo dile yé pọ́n azọ̀ fifiọ etọn tọn hlan bo dọmọ, ‘Tòdaho tẹwẹ taidi otò daho ehe?’ 19  Yé sọ kọ̀n kọ́gudu do ota bo dawhá bosọ viavi bo biọ aluẹmẹ, bosọ dọmọ, ‘Ṣo, ṣo—otò daho lọ, ehe mẹ mẹhe tindo tọjihun to ohù ji lẹpo lẹzun adọkunnọ gbọn onú akuẹgegenu etọn tọn lẹ dali, na to gànhiho dopo mẹ wẹ e ko yin vivasudo!’ 20  “Jaya do e ji, hiẹ olọn E, podọ mì omẹ wiwe lẹ, mì apọsteli lẹ po mì yẹwhegán lẹ po, na Jiwheyẹwhe ko hẹn whẹdida yasanamẹ tọn wá ewọ ji do ota mìtọn mẹ!” 21  Podọ angẹli huhlọnnọ de ze zannu he taidi gilisé daho de daga bo dlan ẹn do ohù mẹ, bosọ dọmọ: “Mọ wẹ yè na dlan Babilọni, yèdọ otò daho lọ do odò po awuyiya po do, ewọ ma nasọ yin mimọ pọ́n gbede. 22  Podọ ogbè hànjitọ he to ajalẹn yetọn lẹ yizan tọn, hànsinọ lẹ tọn, ován-kúntọ lẹ tọn po opẹ̀n-kúntọ lẹ tọn po ma nasọ yin sisè to hiẹ mẹ gbede ba, podọ alọnuzọ́nwatọ azọ́n depope tọn ma nasọ vọ́ yin mimọ to hiẹ mẹ gbede ba, podọ nudidọ gilisé tọn depope ma nasọ vọ́ yin sisè to hiẹ mẹ gbede ba, 23  podọ hinhọ́n miyọ́ngbán tọn depope ma nasọ vọ́ họ́n to hiẹ mẹ gbede ba, podọ ogbè asisunọ yọyọ po asiyọyọ tọn depope po ma nasọ vọ́ yin sisè to hiẹ mẹ gbede ba; na ajọwatọ tomẹyitọ towe lẹ wẹ omẹ gboogbo aigba ji tọn lẹ, na akọta lẹpo wẹ yin kiklọ gbọn afinyọnnuwiwa towe dali. 24  Mọwẹ, ewọ mẹ wẹ yè mọ ohùn yẹwhegán lẹ tọn, omẹ wiwe lẹ tọn podọ mẹhe yin hùhù to aigba ji lẹpo tọn te.”

Nudọnamẹ Odò Tọn