Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 15:1-8

15  Yẹn sọ mọ ohia devo he jẹna ayidego bo jiawu to olọn mẹ, yèdọ angẹli ṣinawe he tindo azọ̀nylankan ṣinawe lẹ. Ehelẹ wẹ yin godo tọn lẹ, na gbọn yé dali wẹ homẹgble Jiwheyẹwhe tọn yin tadona.  Yẹn sọ mọ nuhe taidi ohù mẹpọ́nnu tọn de he flusọ́ hẹ miyọ́n, podọ mẹhe gbawhàn gbekanlin lọ tọn podọ boṣiọ etọn tọn podọ sọha oyín etọn tọn lẹ ṣite to ohù mẹpọ́nnu tọn lọ kọ̀n, bo tindo ajalẹn Jiwheyẹwhe tọn lẹ.  Yé sọ to ohàn Mose afanumẹ Jiwheyẹwhe tọn lọ tọn po ohàn Lẹngbọvu lọ tọn po ji, dọmọ: “Daho po jiawu po wẹ azọ́n towe lẹ, Jehovah Jiwheyẹwhe, Ganhunupotọ. Dodo po nugbo po wẹ aliho towe lẹ, Ahọlu madopodo.  Mẹnu na taun tọn wẹ ma na dibusi we, Jehovah, bo ma na pagigona oyín towe, na hiẹ kẹdẹ wẹ nugbonọ? Na akọta lẹpo wẹ na wá nado sẹ̀n to nukọn towe, na osẹ́ndoai dodo tọn towe lẹ ko yin hinhẹn họnwun wutu.”  Podọ to onú ehelẹ godo, yẹn mọ bọ fiwiwe gòhọ kunnudide tọn lọ yin hùnhùn to olọn mẹ,  podọ angẹli ṣinawe he tindo azọ̀nylankan ṣinawe lẹ tọ́n sọn fiwiwe lọ, bo dó alavọ he wé bosọ to sisẹ́, yé sọ yí homẹblanu sika tọn do blá akọ́nnu.  Dopo to mẹdida ẹnẹ lẹ mẹ sọ yí agbán sika tọn ṣinawe he gọ́ na homẹgble Jiwheyẹwhe, he to ogbẹ̀ kakadoi podọ doidoi lọ tọn lẹ na angẹli ṣinawe lọ lẹ.  Azọ̀ sọ gọ́ fiwiwe lọ na gigo Jiwheyẹwhe tọn wutu podọ na huhlọn etọn wutu, bọ mẹdepope ma penugo nado biọ fiwiwe lọ kakajẹ whenue azọ̀nylankan ṣinawe angẹli ṣinawe lọ lẹ tọn yin tadona.

Nudọnamẹ Odò Tọn