Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 14:1-20

14  Yẹn sọ mọ, podọ pọ́n! Lẹngbọvu lọ ṣite to Osó Ziọni ji, gbẹtọ fọtọ́n donu kantọ̀n-konukunẹnẹ he yè kàn oyín etọn po Otọ́ etọn tọn po do nukọn na lẹ sọ tin po e po.  Yẹn sọ sè nudidọ de sọn olọn mẹ taidi nudidọ osin susu lẹ tọn podọ taidi nudidọ daho hẹviosò tọn; nudidọ he yẹn sè sọ taidi hànjitọ he to ajalẹn yizan bo to ajalẹn yetọn lẹ hò tọn nkọ.  Yé sọ to hànji taidi ohàn yọyọ de to ofìn lọ nukọn podọ to mẹdida ẹnẹ lẹ po mẹho lọ lẹ po nukọn; mẹdepope masọ penugo nado plọn ohàn enẹ to gigọ́ mẹ adavo gbẹtọ fọtọ́n donu kantọ̀n-konukunẹnẹ lọ lẹ, he ko yin hihọ̀ sọn aigba ji.  Omẹ ehelẹ wẹ ma ko yí yọnnu do hẹn yede flu; na nugbo tọn, alọji wẹ yé te. Omẹ ehelẹ wẹ nọ to hihodo Lẹngbọvu lọ yì fidepope he e yì. Yewlẹ wẹ yin hihọ̀ sọn gbẹtọvi lẹ mẹ taidi sinsẹ́n tintan lẹ hlan Jiwheyẹwhe podọ hlan Lẹngbọvu lọ,  podọ lalo depope ma yin mimọ to onù yetọn mẹ; yé ma tindo oblọ.  Yẹn sọ mọ angẹli devo to zinzlọn to agahomẹ, podọ e tindo wẹndagbe madopodo nado lá taidi owẹ̀n ayajẹ tọn na mẹhe nọ nọ̀ aigba ji lẹ, yèdọ na akọta lẹpo, hẹnnu lẹpo, ogbè lẹpo podọ gbẹtọ lẹpo,  bo to didọ po ogbè lélé po dọmọ: “Mì dibusi Jiwheyẹwhe bo na gigo e, na ojlẹ whẹdida etọn tọn ko wá, enẹwutu mì sẹ̀n Omẹ lọ he dá olọn, aigba, ohù po asisa osin tọn lẹ po.”  Podọ angẹli devo, yèdọ awetọ hodo e, bo to didọmọ: “E ko họ́! Babilọni Daho lọ ko họ́, ewọ he hẹn akọta lẹpo nado nù ovẹn homẹgble galilọ etọn tọn!”  Podọ angẹli devo, yèdọ atọ̀ntọ hodo yé, bo to didọ po ogbè lélé po dọmọ: “Eyin mẹdepope nọ sẹ̀n gbekanlin lọ po boṣiọ etọn po, bo mọ ohia de yí do nukọn kavi do alọ etọn go, 10  ewọ nasọ nù ovẹn homẹgble Jiwheyẹwhe tọn tọn he akú etọn yin kinkọ̀n do kọfo homẹgble etọn tọn mẹ, podọ yè na yí miyọ́n po whèmi po do sayana ẹn to nukun angẹli wiwe lẹ tọn mẹ podọ to nukun Lẹngbọvu lọ tọn mẹ. 11  Podọ azọ̀ yasanamẹ yetọn tọn na to tìtì yiaga kakadoi podọ doidoi, bọ mẹhe nọ sẹ̀n gbekanlin lọ po boṣiọ etọn po lẹ, podọ mẹdepope he mọ ohia oyín etọn tọn yí lẹ ma na tindo gbọjẹ depope to okle po ozán po. 12  Ehe biọ akọndonanu sọn omẹ wiwe lẹ si, yèdọ mẹhe to gbedide Jiwheyẹwhe tọn lẹ yìn bo to yise Jesu tọn hodo lẹ.” 13  Yẹn sọ sè ogbè de sọn olọn mẹ dọ: “Kanwe dọmọ: Ayajẹnọ wẹ mẹhe kú to Oklunọ mẹ sọn ojlẹ ehe mẹ sọyi lẹ. Gbigbọ lọ dọ, mọwẹ, mì gbọ yé ni gbọjẹ sọn tuklajijẹ yetọn lẹ mẹ, na nuhe yé wà lẹ to hihodo yé to afọdopolọji.” 14  Yẹn sọ mọ, podọ pọ́n! aslọ wewe de, mẹde he taidi visunnu gbẹtọ tọn de sọ sinai to aslọ lọ ji, bọ jẹgbakun sika tọn de to ota na ẹn bosọ tindo agbogọdọẹ didá de to alọ etọn mẹ. 15  Angẹli devo sọ tọ́n sọn fiwiwe tẹmpli lọ tọn mẹ bo yí ogbè lélé do to awhádo hlan omẹ lọ he sinai to aslọ lọ ji dọmọ: “Zín agbogọdọẹ towe do e mẹ bo gbẹ̀n, na ojlẹ ko sọ̀ nado gbẹ̀n, na ojì aigba tọn bia pete.” 16  Podọ omẹ lọ he sinai to aslọ lọ ji zín agbogọdọẹ etọn do aigba ji, bọ aigba yin gbingbẹ̀n. 17  Podọ angẹli devo sọ tọ́n sọn fiwiwe tẹmpli lọ he to olọn mẹ tọn mẹ, ewọ lọsu tindo agbogọdọẹ didá de. 18  Podọ angẹli devo sọ tọ́n sọn agbà lọ kọ̀n, bọ ewọ tindo aṣẹ do miyọ́n ji. E sọ yí ogbè lélé do ylọ omẹ lọ he tindo agbogọdọẹ didá lọ, bo dọmọ: “Zín agbogọdọẹ didá towe do e mẹ bo bẹ ohín ovẹn sinsẹ́n aigba ji tọn lẹ pli, na ovẹn sinsẹ́n lẹ ko bia wutu.” 19  Angẹli lọ sọ zín agbogọdọẹ etọn do aigba ji bo bẹ ovẹn sinsẹ́n aigba ji tọn lẹ pli, ewọ sọ dọ̀n ẹn dlan ovẹn-finyọ́ndo daho homẹgble Jiwheyẹwhe tọn tọn mẹ. 20  Ovẹn sinsẹ́n lẹ sọ yin finfinyọ́n to gbonu tòdaho lọ tọn, ohùn sọ tọ́njẹgbonu sọn ovẹn-finyọ́ndo lọ mẹ bo yiaga jẹ ogàn he yin didó onù na osọ́ lẹ kọ̀n, yèdọ na stade fọtọ́n-nuọ̀ntọ̀n.*

Nudọnamẹ Odò Tọn

Osọ 14:20* Enẹ wẹ, kilomẹtlu 296. Stade dopo yin nujlẹpo Glẹki hohowhenu tọn de he tedidi etọn yin mẹtlu 185.