Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 13:1-18

13  E sọ ṣite to tẹndo dopo mẹ to tọkẹ́n ohù tọn ji. Yẹn sọ mọ gbekanlin de he to tintọ́n sọn ohù mẹ, bo tindo azò ao podọ ota ṣinawe, jẹgbakun ao sọ tin to azò etọn lẹ ji, ṣigba oyín nùzinzan tọn lẹ tin to ota etọn lẹ ji.  Todin, gbekanlin he yẹn mọ lọ taidi opọ̀ de, ṣigba afọ etọn lẹ taidi beali tọn lẹ, onù etọn sọ taidi onù kinnikinni de tọn. Dlagọni lọ sọ yí huhlọn etọn, ofìn etọn po aṣẹpipa daho po na gbekanlin lọ.  Yẹn sọ mọ dopo to ota etọn lẹ mẹ taidi nuhe yin hùhù nkọ, ṣigba apà etọn he dibla hẹn okú wá lọ kú, podọ aigba pete yí sisi daho do hodo gbekanlin lọ.  Podọ yé sẹ̀n dlagọni lọ na e ko na aṣẹ gbekanlin lọ wutu, yé sọ sẹ̀n gbekanlin lọ po hogbe ehelẹ po: “Mẹnu wẹ taidi gbekanlin lọ, podọ mẹnu wẹ sọgan funawhàn hẹ ẹ?”  Onù he to onú daho lẹ dọ bosọ to nùzan yin nina ẹn, podọ aṣẹ nado yinuwa na osun kande-nukunawe yin nina ẹn.  Onù etọn sọ jẹ ohó nùzinzan tọn lẹ dọ ji sọta Jiwheyẹwhe, nado zánnu do oyín etọn po fininọ etọn po go, etlẹ yin do mẹhe nọ nọ̀ olọn mẹ lẹ go.  Podọ dotẹnmẹ yin nina ẹn nado funawhàn hẹ omẹ wiwe lẹ bo gbawhàn yetọn, aṣẹ sọ yin nina ẹn do hẹnnu lẹ, gbẹtọ lẹ, ogbè lẹ po akọta lẹpo po ji.  Mẹhe nọ nọ̀ aigba ji lẹpo nasọ nọ sẹ̀n ẹn; sọn didoai aihọn tọn gbọ́n, oyín dopo tata to yé mẹ tọn ma yin kinkàn do owe-hihá ogbẹ̀ tọn Lẹngbọvu he yè hù lọ tọn mẹ.  Eyin mẹdepope tindo otó, gbọ e ni sè. 10  Eyin mẹdepope tin na kanlinmọgbenu, e na yì kanlinmọgbenu. Eyin mẹdepope na yí ohí do hù, ewọ dona yin hùhù po ohí po. Ehe biọ akọndonanu po yise po to omẹ wiwe lẹ si. 11  Yẹn sọ mọ gbekanlin devo to tintọ́njẹgbonu sọn aigba mẹ, e sọ tindo azò awe he taidi lẹngbọvu de tọn, ṣigba e jẹ hodọ ji taidi dlagọni de. 12  Podọ e nọ yí aṣẹ gbekanlin tintan lọ tọn lẹpo zan to nukun etọn mẹ. E sọ nọ hẹn aigba po mẹhe nọ nọ̀ e ji lẹ po nado sẹ̀n gbekanlin tintan lọ, he apà etọn he dibla hẹn okú wá lọ kú. 13  Podọ e nọ basi ohia daho lẹ, sọmọ bọ e tlẹ nọ hẹn miyọ́n jẹte sọn olọn wá aigba ji to gbẹtọvi lẹ nukunmẹ. 14  E sọ nọ klọ mẹhe nọ nọ̀ aigba ji lẹ, na ohia he yè nagbè e nado basi to gbekanlin lọ nukunmẹ lẹ wutu, gbọn didọna mẹhe nọ nọ̀ aigba ji lẹ dali nado basi boṣiọ de hlan gbekanlin he ohí ko gbleawuna ṣogan bọ e gọwá ogbẹ̀ lọ. 15  Yè sọ nagbè e nado na gbigbọ ogbẹ̀ tọn boṣiọ gbekanlin lọ tọn, na boṣiọ gbekanlin lọ tọn nido dọho bo yin hinhẹn nado hù mẹdepope he ma na sẹ̀n boṣiọ gbekanlin lọ tọn to aliho depope mẹ lẹ. 16  E sọ hẹn ẹn zun dandan na mẹlẹpo, yèdọ pẹvi po daho po, adọkunnọ po wamọnọ po, mẹhe to yedekannu po afanumẹ lẹ po, dọ ohia de ni yin nina yé do alọ adusi tọn yetọn go kavi do nukọn na yé, 17  podọ na mẹdepope ni ma penugo nado họ̀ kavi sà blo adavo mẹhe tindo ohia lọ, yèdọ oyín gbekanlin lọ tọn kavi sọha oyín etọn tọn. 18  Ehe biọ nuyọnẹn: Mì gbọ mẹhe tindo zinzin ni hia sọha gbekanlin lọ tọn, na sọha gbẹtọ tọn wẹ; podọ sọha etọn wẹ nuọ̀ntọ̀n e lán kandeko-atọ́n-nukundopo.*

Nudọnamẹ Odò Tọn

Osọ 13:18* Kavi, “666.”