Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 12:1-17

12  Ohia ayidego tọn de sọ yin mimọ to olọn mẹ, yèdọ yọnnu he yè yí owhè do doaṣọ́na de, osun sọ tin to afọ etọn lẹ glọ, podọ jẹgbakun de he tindo sunwhlẹvu wiawe tin to ota etọn,  e sọ tin to ohò. E sọ dawhá jẹgbonu to awuvẹ etọn mẹ podọ to awufiẹsa etọn nado jivi mẹ.  Ohia devo sọ yin mimọ to olọn mẹ, podọ, pọ́n! dlagọni* daho de he tindo sinmẹ miyọnnọ, bo tindo ota ṣinawe po azò ao po, jẹgbakun ṣinawe sọ tin to ota etọn;  osí etọn sọ dọ̀n mado atọ̀ntọ sunwhlẹvu olọn tọn lẹ, e sọ dlan yé do aigba ji. Podọ dlagọni lọ gbọṣi ote to yọnnu he jlo na jivi lọ nukọn, na to whenue e na jivi, ewọ nido sọgan tlẹ́n ovi etọn dù.  E sọ ji visunnu de, yèdọ sunnu de, he na yí opò ogàn tọn do dugán* do akọta lẹpo ji. Ovi etọn sọ yin zize po awuyiya po yì Jiwheyẹwhe dè podọ yì ofìn etọn kọ̀n.  Yọnnu lọ sọ họnyi danfafa ji, fihe Jiwheyẹwhe ko wleawu otẹn de tọn dai na ẹn do, na yé nido na núdùdù i to finẹ họ̀ azán fọtọ́n fọde kandeko.  Awhàn de sọ gbajẹgbonu to olọn mẹ: Mikaẹli po angẹli etọn lẹ po funawhàn hẹ dlagọni lọ, dlagọni lọ po angẹli etọn lẹ po sọ funawhàn  ṣigba e ma duto e ji, mọdopolọ otẹn de masọ yin mimọ na yé to olọn mẹ ba.  Enẹwutu, dlagọni daho lọ yin dindlan do odò, yèdọ odàn hoho lọ, he nọ yin yiylọdọ Lẹgba podọ Satani, he nọ to aigba fininọ lẹpo klọ; ewọ yin dindlan do aigba ji, podọ angẹli etọn lẹ yin dindlan do odò po e po. 10  Yẹn sọ sè ogbè lélé de to olọn mẹ dọmọ: “Todin, whlẹngán, huhlọn po ahọluduta Jiwheyẹwhe mítọn tọn po ko wá aimẹ gọna aṣẹpipa Klisti etọn tọn, na whẹsadokọnamẹtọ mẹmẹsunnu mítọn lẹ tọn ko yin dindlan do odò, mẹhe nọ to whẹsadokọna yé to okle po ozán po to Jiwheyẹwhe mítọn nukọn! 11  Podọ yé gbawhàn etọn na ohùn Lẹngbọvu lọ tọn wutu podọ na ohó kunnudide tọn yetọn wutu, alindọn yetọn masọ vẹna yé etlẹ yin to whenue yé pannukọn okú. 12  Na ehe wutu, mì jaya, mì olọn lẹ po mì mẹhe nọ nọ̀ e mẹ lẹ po! Dindọn na aigba podọ na ohù, na Lẹgba ko jẹte wá mì dè, po homẹgble daho po, na e yọnẹn dọ whenu gli de wẹ emi tindo wutu.” 13  Todin, to whenue dlagọni lọ mọdọ emi ko yin dindlan do aigba ji, e dohomẹkẹn yọnnu he ji ovi sunnu lọ. 14  Ṣigba, awà awe akùn daho lọ tọn lẹ yin nina yọnnu lọ, na ewọ nido sọgan zlọn yì otẹn etọn mẹ to danfafa ji; finẹ wẹ fihe ewọ yin núdùdù na te họ̀ ojlẹ dopo, ojlẹ awe po odaa ojlẹ tọn po sọn odàn lọ nukọn. 15  Odàn lọ sọ tún osin he taidi otọ̀ jẹgbonu sọn onù etọn mẹ jẹgodona yọnnu lọ, na otọ̀ lọ nido dọ̀n ẹn yì. 16  Ṣigba, aigba gọalọna yọnnu lọ, aigba sọ kẹnù bo nù otọ̀ he dlagọni lọ tún jẹgbonu sọn onù etọn mẹ. 17  Podọ dlagọni lọ gblehomẹ do yọnnu lọ go, bo yì nado funawhàn hẹ okún yọnnu lọ tọn he pò lẹ, he to gbedide Jiwheyẹwhe tọn lẹ yìn bosọ yin azọ́ndena nado dekunnu gando Jesu go lẹ.

Nudọnamẹ Odò Tọn

Osọ 12:3* Kavi, “odàn daho.”
Osọ 12:5* To paa mẹ, “yìn.”