Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 11:1-19

11  Podọ ofán he taidi opò de yin nina mi bọ ogbè de dọmọ: “Fọ́n bo jlẹ fiwiwe tẹmpli Jiwheyẹwhe tọn lọ po agbà lọ po gọna mẹhe to sinsẹ̀n basi to e mẹ lẹ.  Ṣigba, na nuhe dù awánu he to gbonu fiwiwe tẹmpli lọ tọn, jo e do pete, a sọ jlẹ ẹ blo, na e ko yin nina akọta lẹ, yé nasọ tùnafọ tòdaho wiwe lọ ji họ̀ osun kande-nukunawe.  Podọ yẹn na hẹn kunnudetọ ṣie awe lẹ nado dọ dọdai na azán fọtọ́n fọde kandeko to odẹ́vọ̀ mẹ.”  Omẹ ehelẹ nọtena atin olivie tọn awe lẹ podọ miyọ́ngbántin awe lẹ bo to ote to Oklunọ aigba tọn nukọn.  Podọ eyin mẹdepope jlo nado gbleawuna yé, miyọ́n nọ tọ́njẹgbonu sọn onù yetọn mẹ bo nọ fiọ kẹntọ yetọn lẹ; podọ eyin mẹdepope jlo nado gbleawuna yé janwẹ, e dona yin hùhù to aliho ehe mẹ.  Yé tindo aṣẹ nado sú olọn bọ jikun depope ma nado ja to azán dọdai didọ tọn yetọn lẹ gbè, yé sọ tindo aṣẹ do osin lẹ ji nado diọ yé zun ohùn podọ nado yí azọ̀nylankan wunmẹ lẹpo do hò aigba to whedepopenu he yé jlo.  Podọ to whenue yé ko dotana kunnudide yetọn, gbekanlin he tọ́n sọn odò mapote lọ mẹ na funawhàn hẹ yé bo gbawhàn yetọn bosọ hù yé.  Oṣiọ yetọn nasọ tin to alihogbó otò daho lọ tọn ji ehe nọ yin yiylọ to gbigbọ-liho dọ Sodọmi po Egipti po, fihe Oklunọ yetọn lọsu yin whiwhè do núgo te.  Podọ gbẹtọ lẹ, hẹnnu lẹ, ogbè lẹ po akọta lẹ po na pọ́n oṣiọ yetọn na azán atọ̀n daa, yé masọ dike oṣiọ lọ lẹ ni yin titẹ́ do yọdò de mẹ. 10  Podọ mẹhe nọ nọ̀ aigba ji lẹ hùnhomẹ bo jaya do yé ji, yé nasọ nọ na nunina lẹ ode awetọ, na yẹwhegán awe ehelẹ ko sayana mẹhe nọ nọ̀ aigba ji lẹ wutu. 11  Podọ to azán atọ̀n daa lọ lẹ godo, gbigbọ ogbẹ̀ tọn sọn Jiwheyẹwhe dè biọ yé mẹ, yé sọ fọnṣite to afọ yetọn lẹ ji, obu daho sọ jẹ mẹhe to pinpọn yé lẹ ji. 12  Yé sọ sè ogbè lélé de sọn olọn mẹ he dọna yé dọmọ: “Mì hẹji wáfi.” Yé sọ hẹji yì olọn mẹ to aslọ mẹ, kẹntọ yetọn lẹ sọ mọ yé. 13  Podọ to gànhiho enẹ mẹ aigba sisọsisọ daho de jọ, madaotọ tòdaho lọ tọn sọ họliai; aigba sisọsisọ lọ sọ hù gbẹtọ fọtọ́n donu ṣinawe, podọ mẹhe pò lẹ dibu bosọ na gigo Jiwheyẹwhe olọn tọn. 14  Dindọn awetọ ko juwayi. Pọ́n! Dindọn atọ̀ntọ ja to niyaniya mẹ. 15  Angẹli ṣinawetọ sọ kún opẹ̀n etọn. Ogbè lélé sọ dọnú to olọn mẹ dọmọ: “Ahọluduta aihọn tọn lẹzun ahọluduta Oklunọ mítọn tọn po Klisti etọn tọn po, ewọ nasọ duahọlu kakadoi podọ doidoi.” 16  Podọ mẹho konukunẹnẹ he to aisinsin to Jiwheyẹwhe nukọn to ofìn yetọn ji lẹ ṣinyọ́n nukunmẹ yetọn ai bo sẹ̀n Jiwheyẹwhe, 17  bo dọmọ: “Mí dopẹna we, Jehovah Jiwheyẹwhe, Ganhunupotọ, Mẹhe tin bo ko tin, na hiẹ ko yí huhlọn daho towe bo ko jẹ gandu ji taidi ahọlu. 18  Ṣigba, homẹgble akọta lẹ, homẹgble towe sọ wá, ojlẹ dide lọ sọ wá nado dawhẹna oṣiọ lẹ, podọ nado na ale afanumẹ towe lẹ, yèdọ yẹwhegán lẹ po omẹ wiwe lẹ po gọna mẹhe dibusi oyín towe lẹ, yèdọ pẹvi po daho po, podọ nado husudo mẹhe to aigba husudo lẹ.” 19  Podọ, fiwiwe tẹmpli Jiwheyẹwhe tọn he tin to olọn mẹ lọ yin hùnhùn, bọ aki alẹnu tọn etọn yin mimọ to fiwiwe tẹmpli etọn tọn mẹ. Abì lẹ, ogbè lẹ, hẹviosò lẹ, aigba sisọsisọ de po kẹnsu daho de po sọ wá aimẹ.

Nudọnamẹ Odò Tọn