Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Osọhia 10:1-11

10  Yẹn sọ mọ angẹli huhlọnnọ devo to tejẹ sọn olọn, he yè yí aslọ do doaṣọ́na, aidowhẹdo sọ tin to ota etọn, nukunmẹ etọn sọ taidi owhè, afọ etọn lẹ sọ taidi dòtin miyọ́n tọn lẹ,  e sọ tindo owe-hihá pẹvi de he to hùnhùn to alọ etọn mẹ. Podọ e ze afọ adusi tọn etọn do ohù ji, ṣigba amiyọn tọn etọn do aigba ji,  e sọ dawhá po ogbè lélé po taidi to whenue kinnikinni de gbó. Podọ to whenue e dawhá jẹgbonu, hẹviosò ṣinawe lọ lẹ yí ogbè yetọn do dọnú.  Todin, to whenue hẹviosò ṣinawe lọ lẹ dọnú, yẹn ko jlo na basi kandai; ṣigba yẹn sè ogbè de sọn olọn mẹ dọmọ: “Yí hiadonu do tlẹ́ nuhe hẹviosò ṣinawe lọ lẹ dọ, a sọ basi kandai yetọn blo.”  Podọ angẹli he yẹn mọ to ote to ohù ji podọ to aigba ji lọ ze alọ adusi tọn etọn daga hlan olọn,  bo yí Omẹ lọ he to ogbẹ̀ kakadoi podọ doidoi, he dá olọn po nuhe tin to e mẹ lẹ po, aigba po nuhe tin to e ji lẹ po, gọna ohù po nuhe tin to e mẹ lẹ po do whlé dọmọ: “Gbàndindọn depope ma na tin ba;  ṣigba to azán nudidọ angẹli ṣinawetọ lọ tọn lẹ gbè, to whenue e jlo na kún opẹ̀n etọn, na nugbo tọn, aṣli wiwe Jiwheyẹwhe tọn kẹdẹdi wẹndagbe he e lá hlan afanumẹ etọn titi lẹ, yèdọ yẹwhegán lẹ yin hinhẹnwa vivọnu.”  Podọ ogbè he yẹn sè sọn olọn lọ sọ vọ́ jẹ hodọ hẹ mi ji dọmọ: “Yì, bo yí owe-hihá he to hùnhùn bo to alọ angẹli he to ote to ohù ji podọ to aigba ji lọ tọn mẹ.”  Yẹn sọ yì angẹli lọ dè bo dọna ẹn nado na mi owe-hihá pẹvi lọ. Ewọ sọ dọna mi dọmọ: “Yí i bo dù i, e nasọ vẹ́ to ohò towe mẹ, ṣigba e na vivi taidi owín to onù towe mẹ.” 10  Yẹn sọ yí owe-hihá pẹvi lọ sọn alọ angẹli lọ tọn mẹ bo dù i, e sọ vivi taidi owín to onù ṣie mẹ; ṣigba to whenue yẹn dù i pó, e vẹ́ to ohò ṣie mẹ. 11  Yé sọ dọna mi dọmọ: “Hiẹ dona vọ́ dọdai dọ gando gbẹtọ lẹ, akọta lẹ, ogbè lẹ po ahọlu susu po go.”

Nudọnamẹ Odò Tọn