Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Lomunu lẹ 5:1-21

5  Enẹwutu, todin he mí ko yin lilá di dodonọ gbọn yise dali, mì gbọ mí ni gbọṣi jijọho mẹ hẹ Jiwheyẹwhe gbọn Oklunọ mítọn Jesu Klisti gblamẹ,  yèdọ mẹhe gblamẹ ga míwlẹ gbọn yise dali penugo nado biọ nukundagbe majẹhẹ he mẹ mí tin te todin lọ mẹ; podọ mì gbọ mí ni jẹaglin, na todido to gigo Jiwheyẹwhe tọn mẹ wutu.  Podọ e ma yin enẹ kẹdẹ, ṣigba mì gbọ mí ni jẹaglin to whenue mí tin to nukunbibia lẹ mẹ, dile mí yọnẹn dọ nukunbibia nọ hẹn akọndonanu wá;  akọndonanu, to godo mẹ, nọ hẹn ninọmẹ he yin alọkẹyi wá; ninọmẹ he yin alọkẹyi, to godo mẹ, nọ hẹn todido wá,  podọ todido ma nọ hẹn flumẹjijẹ wá; na ahun mítọn ko yin hinhẹn gọ́ po owanyi Jiwheyẹwhe tọn po gbọn gbigbọ wiwe he ko yin nina mí lọ gblamẹ.  Na nugbo tọn, dile mí gbẹ́ yin madogánnọ,* Klisti kú na mẹhe tindo jijọ-madi-Jiwheyẹwhe tọn lẹ to ojlẹ dide lọ mẹ.  E ma yá bọ mẹde na kú do dodonọ tamẹ; na nugbo tọn, vlavo wẹ mẹde na tlẹ gboadọ nado kú do omẹ dagbe de tamẹ.  Ṣigba, Jiwheyẹwhe do owanyi ede tọn hia mí to enẹ mẹ dọ, dile mí gbẹ́ to ylandonọ yin, Klisti kú na mí.  Enẹwutu, to whenue e yindọ mí ko yin lilá di dodonọ gbọn ohùn etọn dali todin, nẹmunẹmu wẹ ewọ ma na whlẹn mí gán sọn homẹgble mẹ. 10  Na eyin mí lẹzun mẹhe gbọwhẹ hẹ Jiwheyẹwhe gbọn okú Visunnu etọn tọn gblamẹ to whenue mí gbẹ́ yin kẹntọ lẹ, todin he mí ko lẹzun mẹhe gbọwhẹ, nẹmunẹmu wẹ mí ma na yin whinwhlẹngán gbọn ogbẹ̀ etọn dali. 11  Podọ e ma yin enẹ kẹdẹ, ṣigba mí sọ to aglinjẹ to Jiwheyẹwhe mẹ gbọn Oklunọ mítọn Jesu Klisti gblamẹ, yèdọ mẹhe gblamẹ míwlẹ ko penugo nado gbọwhẹ todin. 12  Enẹwutu, kẹdẹdile ylando gbọn omẹ dopo gblamẹ biọ aihọn mẹ podọ okú gbọn ylando gblamẹ wá, gbọnmọ dali, okú dlẹnkan jẹ mẹlẹpo dè, na yemẹpo wẹ ko waylando wutu—. 13  Na ylando ko tin to aihọn mẹ jẹnukọnna Osẹ́n lọ, ṣigba owhẹ̀ ylando tọn ma yin sisadokọna mẹdepope to whenue osẹ́n de ma ko tin. 14  Etomọṣo, okú dugán taidi ahọlu sọn Adam ji kakajẹ Mose ji, etlẹ yin do mẹhe ma ko waylando he taidi sẹ́nhẹngba Adam tọn nkọtọn lẹ ji, yèdọ mẹhe taidi ewọ he na wá lọ nkọ. 15  Ṣigba, kọdetọn nunina lọ tọn ma taidi kọdetọn sẹ́nmẹjijẹ lọ tọn gba. Na eyin mẹsusu kú na sẹ́nmẹjijẹ omẹ dopo tọn wutu, be nukundagbe majẹhẹ Jiwheyẹwhe tọn po nunina vọnu etọn po gọna nukundagbe majẹhẹ omẹ dopo lọ, yèdọ Jesu Klisti tọn, ko hẹn ale susugege wá na mẹsusu. 16  Humọ, kọdetọn nunina vọnu lọ tọn ma taidi kọdetọn ylando omẹ dopo lọ tọn. Na whẹdida sẹ́nmẹjijẹ dopo tọn dekọtọn do whẹgbledo mẹ, ṣigba na sẹ́nmẹjijẹ susu wutu, nunina lọ dekọtọn do mẹsusu lilá di dodonọ mẹ. 17  Na gbọn sẹ́nmẹjijẹ omẹ dopo tọn dali, eyin okú dugán taidi ahọlu gbọn omẹ enẹ gblamẹ, nẹmunẹmu wẹ mẹhe mọ nukundagbe majẹhẹ susugege po nunina vọnu dodowiwa tọn po yí lẹ ma na tin to ogbẹ̀ bo dugán taidi ahọlu lẹ gbọn omẹ lọ, yèdọ Jesu Klisti gblamẹ. 18  Enẹwutu, to whelọnu lo, dile gbẹtọ wunmẹ lẹpo yin whẹgbledo gbọn sẹ́nmẹjijẹ dopo dali, mọdopolọ ga wẹ gbẹtọ wunmẹ lẹpo yin lilá di dodonọ na ogbẹ̀ do, gbọn nuyiwa whẹsunamẹ omẹ dopo tọn dali. 19  Na kẹdẹdile mẹsusu lẹzun ylandonọ gbọn tolivivẹ omẹ dopo tọn gblamẹ, mọdopolọ ga wẹ mẹsusu na lẹzun dodonọ do, gbọn tonusise omẹ dopo tọn gblamẹ. 20  Todin, Osẹ́n lọ wá aimẹ to godo mẹ na sẹ́nmẹjijẹ nido sọgan jideji. Ṣigba, fihe ylando ko jideji te, nukundagbe majẹhẹ ko sudeji dogọ ga. 21  Na lẹndai tẹ wutu? Na kẹdẹdile ylando po okú po dugán taidi ahọlu, mọdopolọ ga wẹ nukundagbe majẹhẹ dona dugán taidi ahọlu do, gbọn dodowiwa gblamẹ to pọndohlan mẹ na ogbẹ̀ madopodo gbọn Jesu Klisti Oklunọ mítọn gblamẹ.

Nudọnamẹ Odò Tọn

Lo 5:6* Kavi, “ylandonọ.”