Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Lomunu lẹ 3:1-31

3  To whelọnu lo, etẹwẹ hẹn Ju lẹ yiaga hú mẹdevo lẹ, kavi etẹwẹ yin ale adàgbigbo tọn?  E sù taun to aliho lẹpo mẹ. Jẹnukọn whẹ́, na yewlẹ wẹ nulila wiwe Jiwheyẹwhe tọn lẹ yin zizedo alọmẹ na.  To whenẹnu, etẹwẹ yin whẹho lọ? Eyin mẹdelẹ ma do yise hia, be vlavo yise matindo yetọn na hẹn nugbonọ-yinyin Jiwheyẹwhe tọn zun ovọ́ wẹ?  Enẹ ni ma jọ gbede blo! Ṣigba, mì gbọ Jiwheyẹwhe ni yin mimọ di nugbonọ, dile etlẹ yindọ gbẹtọ lẹpo wẹ yin mimọ di lalonọ, yèdọ dile e yin kinkàndai do dọmọ: “Na hiẹ nido sọgan yin didohia di dodonọ to ohó towe lẹ mẹ bọ owhẹ̀ towe nido sọgan whẹ́n to whenuena yè to whẹdana we.”  Ṣigba, eyin mawadodo mítọn hẹn dodowiwa Jiwheyẹwhe tọn tọ́nta, etẹwẹ mí na dọ? Jiwheyẹwhe ma yin mawadodonọ to whenue e do homẹgble etọn hia, kavi e yin mọ wẹ? (Yẹn to hodọ di gbẹtọ de.)  Enẹ ni ma jọ gbede blo! Eyin e ma yinmọ, nawẹ Jiwheyẹwhe na dawhẹna aihọn do?  Ṣogan, eyin lalodo wẹ yẹn tlẹ te, nugbo Jiwheyẹwhe tọn ko yin hinhẹn gbayipe dogọ hlan gigo etọn, naegbọn yè gbẹsọ to whẹdana mi taidi ylandonọ de?  Podọ naegbọn e ma do yin didọ kẹdẹdile mẹdelẹ ko sawhẹ lalo dokọna mí do, bo to didọ dọ mí dọmọ: “Mì gbọ mí ni wà onú ylankan lẹ na onú dagbe lẹ nido sọgan wá”? Owhẹ̀ he yin didá sọta omẹ enẹlẹ tin to kọndopọ mẹ hẹ whẹdida dodo.  Etẹwẹ lo? Be míwlẹ tin to ninọmẹ he pọnte hú de mẹ wẹ? Paali! Na mí ko do e hia hezeheze wayi dọ Ju lẹ podọ Glẹkinu lẹ, yèdọ mẹlẹpo wẹ to ylando glọ; 10  kẹdẹdile e ko yin kinkàndai do dọmọ: “Dodonọ de ma tin, e ma tlẹ yin dopo tata; 11  mẹdepope ma tin he tindo zinzin, mẹdepope ma tin he nọ dín Jiwheyẹwhe. 12  Gbẹtọ lẹpo wẹ ko zẹ̀pá, yemẹpo to pọmẹ ko lẹzun nuvọ́nọ; mẹdepope ma tin he nọ do homẹdagbe hia, yèdọ omẹ dopo tata ma tlẹ tin.” 13  “Yọdò he to nùvo wẹ vẹgo yetọn, yé ko yí odẹ́ yetọn zan na oklọ.” “Adí jàpàtà tọn tin to nùflo yetọn lẹ glọ.” 14  “Podọ onù yetọn gọ́ na dẹ̀hodo po hogbe danudidọ tọn po.” 15  “Afọ yetọn lẹ nọ yawu nado kọ̀n ohùn dai.” 16  “Dindọn po awubla po tin to aliho yetọn lẹ ji, 17  podọ yé ma ko yọ́n aliho jijọho tọn.” 18  “Yé ma dibusi Jiwheyẹwhe.” 19  Todin, mí yọnẹn dọ nuhe Osẹ́n lọ dọ lẹpo wẹ nọ dlẹnalọdo mẹhe to Osẹ́n lọ glọ lẹ, na onù lẹpo nido sọgan nabọẹ bọ aihọn lọ pete nido sọgan jẹna yasanamẹ Jiwheyẹwhe tọn. 20  Enẹwutu, agbasalan depope ma na yin lilá di dodonọ gbọn azọ́n osẹ́n tọn lẹ dali to ewọ nukọn, na oyọnẹn he pegan gando ylando go nọ wá gbọn osẹ́n gblamẹ. 21  Ṣigba, todin, matin osẹ́n, dodowiwa Jiwheyẹwhe tọn ko yin hinhẹn sọawuhia, dile Osẹ́n lọ po Yẹwhegán lẹ po ko dekunnu gando e go do; 22  mọwẹ, dodowiwa Jiwheyẹwhe tọn gbọn yise to Jesu Klisti gblamẹ, na mẹhe tindo yise lẹpo. Na vogbingbọn depope ma tin. 23  Na mẹlẹpo wẹ ko waylando bo whete do gigo Jiwheyẹwhe tọn go, 24  podọ e taidi nunina vọnu de dọ yé yin lilá di dodonọ gbọn nukundagbe majẹhẹ etọn dali, gbọn ofligọ he Klisti Jesu suahọ etọn nado tún mí dote lọ dali. 25  Jiwheyẹwhe ze e jo taidi avọ́nunina oyẹsu tọn de gbọn yise to ohùn etọn mẹ dali. Ehe yinmọ na e nido do dodowiwa edetiti tọn hia, na Jiwheyẹwhe to ylando he ko yin wiwà wayi lẹ jonamẹ dile e to homẹfa dohia; 26  na e nido sọgan do dodowiwa edetiti tọn hia to ojlẹ ehe mẹ, na ewọ nido sọgan yin dodonọ, etlẹ yin to whenue mẹhe tindo yise to Jesu mẹ lẹ to yinyin lilá di dodonọ. 27  To whelọnu lo, fie wẹ awagundido lọ te lo? E ko busẹ sọn aimẹ. Gbọn osẹ́n tẹ dali? Be gbọn azọ́n lẹ dali wẹ? Paali, ṣigba gbọn osẹ́n yise tọn dali. 28  Na mí lẹndọ gbọn yise dali wẹ mẹde nọ yin lilá di dodonọ kakati ni yin gbọn azọ́n osẹ́n tọn lẹ dali. 29  Kavi be Jiwheyẹwhe Ju lẹ kẹdẹ tọn wẹ ewọ yin ya? Be ewọ ma yin akọta lẹ tọn ga ya? Mọwẹ, ewọ yin akọta lẹ tọn ga, 30  eyin nugbo wẹ dọ Jiwheyẹwhe dopo wẹ tin, ewọ he na lá mẹhe gboadà lẹ di dodonọ gbọn yise dali podọ mẹhe ma gboadà lẹ di dodonọ gbọn yise yetọn dali. 31  To whelọnu lo, be míwlẹ de osẹ́n sẹ̀ gbọn yise mítọn dali wẹ ya? Enẹ ni ma jọ gbede blo! Kakatimọ, osẹ́n wẹ mí hẹn lodo.

Nudọnamẹ Odò Tọn