Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Lomunu lẹ 16:1-27

16  Yẹn pà Febe hlan mì, yèdọ mẹmẹyọnnu mítọn he yin lizọnyizọnwatọ de to agun he tin to Kẹnklea mẹ,  na mì nido sọgan kẹalọyi i to Oklunọ mẹ to aliho he jẹna omẹ wiwe lẹ mẹ, podọ na mì nido sọgan gọalọna ẹn to onú depope he mẹ e na tindo nuhudo mìtọn te, na ewọ lọsu ko do ede hia nado yin avùnlọyitọ na mẹsusu, mọwẹ na yẹnlọsu ga.  Mì yí nudọdomẹ ṣie na Pliska po Akuila po he yin azọ́nwatọ hatọ ṣie lẹ to Klisti Jesu mẹ,  mẹhe ko yí ogbẹ̀ yetọn do owù mẹ na alindọn ṣie, e ma yin yẹn dopo kẹdẹ wẹ to pẹdona yé gba, ṣigba agun he tin to akọta lẹ mẹ lẹpo ga;  podọ mì dọnudo agun lọ he tin to owhé yetọn gbè. Mì dọnudo mẹyiwanna ṣie Epenetu, he yin dopo to sinsẹ́n tintan Asia* tọn lẹ mẹ na Klisti.  Mì dọnudo Malia, mẹhe ko jẹtukla susu do ota mìtọn mẹ.  Mì dọnudo Andloniku po Junia po, mẹhe yin hẹnnumẹ ṣie lẹ po gàntọ hatọ ṣie lẹ po, yèdọ mẹhe tindo oyín dagbe to apọsteli lẹ dè bo ko tin to kọndopọ mẹ hẹ Klisti na ojlẹ dindẹn hú mi.  Mì yí nudọdomẹ ṣie na Ampliatu mẹyiwanna ṣie to Oklunọ mẹ.  Mì dọnudo Ulbanu, azọ́nwatọ hatọ mítọn to Klisti mẹ, podọ mẹyiwanna ṣie Staki. 10  Mì dọnudo Apele, mẹhe yin alọkẹyi to Klisti mẹ. Mì dọnudo whédo Alistobulu tọn. 11  Mì dọnudo Hẹlọdioni hẹnnumẹ ṣie. Mì dọnudo whédo Nasisi tọn he tin to Oklunọ mẹ. 12  Mì dọnudo Tlifena po Tlifosa po, yèdọ yọnnu lọ lẹ he to azọ́n sinsinyẹn wà to Oklunọ mẹ. Mì dọnudo Pelsi mẹyiwanna mítọn, na ewọ ko jẹtukla susu to Oklunọ mẹ. 13  Mì dọnudo Lufu, mẹdide lọ to Oklunọ mẹ, podọ onọ̀ etọn he sọ yin onọ̀ de na mi. 14  Mì dọnudo Asinklitu, Flegoni, Helme, Patloba, Helma podọ mẹmẹsunnu he tin po yé po lẹ. 15  Mì dọnudo Filologu po Julia po, Neleu po nọviyọnnu etọn po, podọ Olimpa gọna omẹ wiwe he tin po yé po lẹpo. 16  Mì yí nùdonùgo wiwe do dọnudo ode awetọ. Agun Klisti tọn lẹpo dọnudo mì. 17  Todin, mẹmẹsunnu lẹ emi, yẹn dotuhomẹna mì nado nọ payi mẹhe nọ hẹn kinklan lẹ po ninọmẹ mẹhẹn dahli tọn he jẹagọdo nuhe mì ko plọn lẹ po wá lẹ go bo dapana yé. 18  Na omẹ mọnkọtọn lẹ yin afanumẹ, e ma yin na Oklunọ mítọn Klisti, ṣigba na adọgo yetọn titi lẹ; podọ yé nọ gbọn ohó vivi po mẹpipa oklọ tọn po dali do doyẹklọ ahun homẹvọnọ lẹ tọn. 19  Na tonusise mìtọn ko yin ayidego na mẹlẹpo. Enẹwutu, yẹn jaya na mìtọn wutu. Ṣigba, yẹn jlo dọ mì ni yin nuyọnẹntọ gando nuhe yin dagbe go, ṣigba homẹvọnọ gando nuhe yin oylan go. 20  Podọ Jiwheyẹwhe he nọ namẹ jijọho na gídí Satani to afọ mìtọn lẹ glọ to madẹnmẹ. Na nukundagbe majẹhẹ Oklunọ mítọn Jesu tọn ni tin hẹ mì. 21  Timoti, azọ́nwatọ hatọ ṣie dọnudo mì, podọ Lukiu, Jasoni po Sosipateli po he yin hẹnnumẹ ṣie lẹ wàmọ ga. 22  Yẹn, Teltiu, he basi kandai wekanhlanmẹ ehe tọn, dọnudo mì to Oklunọ mẹ. 23  Gaiu, mẹhe yí mi do whégbè podọ owhé mẹhe tọn gbè agun lọ pete nọ pli do dọnudo mì. Elastu, họ̀nkọnsi tòdaho lọ tọn dọnudo mì, podọ Kualtu nọvisunnu etọn wàmọ ga. 24  ——* 25  Todin, hlan omẹ lọ he sọgan hẹn mì lodo to kọndopọ mẹ hẹ wẹndagbe lọ he yẹn to lilá podọ yẹwheho he yin didọ gando Jesu Klisti go, sọgbe hẹ osọhia aṣli wiwe he ko yin whiwhla na ojlẹ dindẹn lọ tọn 26  ṣigba he ko yin didehia todin bo ko yin hinhẹn zun yinyọnẹn gbọn dọdai owe-wiwe tọn lẹ gblamẹ to akọta lẹpo ṣẹnṣẹn to kọndopọ mẹ hẹ gbedide Jiwheyẹwhe madopodo lọ tọn nado nọgodona tonusise gbọn yise dali; 27  na gigo ni tin hlan Jiwheyẹwhe, nuyọnẹntọ dopo lọ gbọn Jesu Klisti gblamẹ kakadoi. Niṣẹ.*

Nudọnamẹ Odò Tọn

Lo 16:5* Pọ́n Ow 2:9, nudọnamẹ odò tọn.
Lo 16:24* Alọnuwe Glẹkigbe tọn he dohó hugan lẹ de hogbe he bọdego helẹ sẹ̀ “Na nukundagbe majẹhẹ Oklunọ mítọn Jesu Klisti tọn ni tin hẹ mìmẹpo. Niṣẹ,” ehe sọgbe hẹ vivọnu wefọ 20tọ lọ tọn.
Lo 16:27* Pọ́n Lo 1:25, nudọnamẹ odò tọn.