Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Lomunu lẹ 12:1-21

12  Enẹwutu, mẹmẹsunnu lẹ emi, yẹn yí awuvẹmẹ Jiwheyẹwhe tọn do vẹ̀ mì, nado yí agbasa mìtọn do basi avọ́sinsan he to ogbẹ̀, wiwe, he yin alọkẹyi na Jiwheyẹwhe, yèdọ sinsẹ̀nzọn wiwe he yin bibasi po huhlọn nulẹnpọn tọn mìtọn po.  Podọ mì hodo titonu ehe ba blo, ṣigba mì yin adadiọna gbọn ayiha mìtọn didiọ dali, na mì nido sọgan mọdona ojlo Jiwheyẹwhe tọn he yọ́n, bo yin alọkẹyi bosọ yin pipé lọ.  Na gbọn nukundagbe majẹhẹ he yin nina mi lọ gblamẹ, yẹn dọna mẹhe to mì ṣẹnṣẹn to finẹ lẹpo ma nado nọ lẹn ede tọn glanglan hú lehe e jẹ nado nọ lẹn do; ṣigba nado nọ lẹnnupọn to aliho de mẹ he na dohia dọ mì tindo wunza, yèdọ omẹ dopodopo jẹ obá he mẹ Jiwheyẹwhe ko na ẹn yise jẹ.  Na kẹdẹdile mí tindo awutugonu susu to agbasa dopo go, ṣigba bọ awutugonu lọ lẹpo ma nọ wà azọ́n dopolọ lẹ do,  mọdopolọ dile míwlẹ tlẹ sù, agbasa dopo wẹ mí yin to kọndopọ mẹ hẹ Klisti, ṣigba bo yin awutugonu lẹ he to kọndopọ mẹ hẹ ode awetọ.  To whenue e yindọ mí tindo nunina voovo lẹ sọgbe hẹ nukundagbe majẹhẹ he yin nina mí, eyin dọdai didọ wẹ, mì gbọ mí ni dọ dọdai sọgbe hẹ yise he yin nina mí;  kavi eyin lizọnyizọn wẹ, mì gbọ mí ni zindonukọn to lizọnyizọn ehe mẹ; kavi ewọ he to mẹplọn, mì gbọ e ni zindonukọn to mẹpinplọn etọn mẹ;  kavi ewọ he to tudohomẹnamẹ, mì gbọ e ni zindonukọn to tudohomẹnamẹ etọn mẹ; ewọ he to mimá, mì gbọ e ni basi i po alọtútlú po; ewọ he to nukunpedonugo, mì gbọ e ni basi i po vivẹnu nujọnu tọn po; ewọ he to lẹblanu dohia, mì gbọ e ni basi i po homẹhunhun po.  Mì gbọ owanyi mìtọn ni tin matin yẹnuwiwa. Mì tindo wangbẹna sinsinyẹn na nuhe yin ylankan, bo tẹdo nuhe yin dagbe go. 10  Na nuhe dù owanyi mẹmẹsunnu tọn, mì tindo owanyi sisosiso na ode awetọ. Mì yin nukọntọ to gbégbò didohia ode awetọ mẹ. 11  Mì wàdidọ to azọ́n mìtọn kọ̀n blo. Mì hunzo to gbigbọ mẹ. Mì wazọ́n di afanumẹ Jehovah tọn. 12  Mì jaya to todido mẹ. Mì doakọnnanu to nukunbibia mẹ. Mì sinyẹnlin to odẹ̀ mẹ. 13  Mì má hẹ omẹ wiwe lẹ sọgbe hẹ nuhudo yetọn. Mì hodo aliho johẹmẹ tọn. 14  Mì nọ dona mẹhe to homẹkẹndo mì lẹ; mì dona bo masọ hodẹ̀do mẹde blo. 15  Mì jaya hẹ mẹhe to ayajẹ lẹ; mì viavi hẹ mẹhe to avivi lẹ. 16  Mì lẹn mẹdevo lẹ tọn pọ́n dile mì nọ lẹn mìtọn titi pọ́n do; mì tindo linlẹn mẹdezedaga tọn blo, ṣigba mì tindo walọ mẹdezewhè tọn. Mì lẹzun nuyọnẹntọ to nukun mìtọn titi lẹ mẹ blo. 17  Mì yí oylan do suahọ oylan tọn na mẹdepope blo. Mì nọ wleawu nuhe yin dagbe to nukun gbẹtọ lẹpo tọn mẹ na yé. 18  Eyin e yọnbasi, dile mì penugo do, mì nọ nọ̀ jijọho mẹ hẹ gbẹtọ lẹpo. 19  Mẹyiwanna lẹ emi, mì yiahọsu na mìde blo, ṣigba mì natẹn homẹgble Jiwheyẹwhe tọn; na e ko yin kinkàndai dọmọ: “Ṣie wẹ ahọsuyi; yẹn na yiahọsu, wẹ Jehovah dọ.” 20  Ṣigba, “eyin huvẹ hù kẹntọ towe, na núdùdù i; eyin nugbla hù i, na ẹn nude nado nù; na gbọn ehe wiwà dali, hiẹ na bẹ akán he to jiji do ota na ẹn.” 21  A dike oylan gbawhàn towe blo, ṣigba nọ yí dagbe do gbawhàn oylan tọn.

Nudọnamẹ Odò Tọn