Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Lomunu lẹ 10:1-21

10  Mẹmẹsunnu lẹ emi, na nugbo tọn, ojlo dagbe ahun ṣie mẹ tọn podọ ovẹvivẹ ṣie hlan Jiwheyẹwhe do ota yetọn mẹ wẹ yindọ yé ni yin whinwhlẹngán.  Na yẹn dekunnu gando yé go dọ yé tindo zohunhun na Jiwheyẹwhe; ṣigba e ma yin sọgbe hẹ oyọnẹn he pegan gba;  na yé ma yọ́n dodowiwa Jiwheyẹwhe tọn ṣigba bo nọ to tintẹnpọn nado ze yetọn titi doai wutu, yé ma litaina dodowiwa Jiwheyẹwhe tọn gba.  Na Klisti wẹ opodo Osẹ́n lọ tọn, na mẹdepope he to yise dohia nido sọgan jẹ dodowiwa kọ̀n.  Na Mose kandai dọ mẹhe ko tẹdo dodowiwa Osẹ́n lọ tọn go na nọgbẹ̀ gbọn dali etọn.  Ṣigba, e yin didọ gando dodowiwa he nọ dekọtọn sọn yise mẹ go dọmọ: “Hiẹ dọ to ahun towe mẹ blo dọ, ‘Mẹnu wẹ na hẹji yì olọn?’ yèdọ nado hẹn Klisti jẹte wá;  kavi, ‘Mẹnu wẹ na jẹte yì odò mapote mẹ?’ yèdọ nado hẹn Klisti wá sọn oṣiọ lẹ mẹ.”  Ṣigba, etẹwẹ Owe-wiwe dọ? E dọ dọ, “Ohó lọ to dè we, to onù towe titi mẹ podọ to ahun towe titi mẹ”; yèdọ “ohó” yise tọn lọ, he mí to yẹwheho etọn dọ.  Na eyin hiẹ lá ‘ohó he to onù towe titi mẹ’ enẹ to gbangba, dọ Jesu wẹ Oklunọ, bo tindo yise to ahun towe mẹ dọ Jiwheyẹwhe fọ́n ẹn sọn oṣiọ lẹ mẹ, hiẹ na yin whinwhlẹngán. 10  Na ahun wẹ gbẹtọ nọ yí do do yise hia na dodowiwa, ṣigba onù wẹ gbẹtọ nọ yí do basi gbeyiyi gbangba tọn na whlẹngán. 11  Na Owe-wiwe dọmọ: “Mẹdepope he ze yise etọn sinai do ewọ ji ma na jẹflumẹ.” 12  Na vogbingbọn de ma tin to Ju po Glẹkinu po ṣẹnṣẹn, na Oklunọ dopolọ wẹ yemẹpo tindo, ewọ he nọ dona mẹhe to awhádo ylọ ẹ lẹpo susugege. 13  Na “mẹdepope he dawhá ylọ oyín Jehovah tọn na yin whinwhlẹngán.” 14  Etomọṣo, nawẹ yé na dawhá ylọ mẹhe mẹ yé ma ko tindo yise te lọ gbọn? Podọ nawẹ yé na tindo yise to mẹhe yé ma ko sè ohó etọn mẹ gbọn? Podọ nawẹ yé na sè gbọn eyin mẹde ma dọyẹwheho na yé? 15  Podọ nawẹ yé na dọyẹwheho gbọn eyin yé ma ko yin didohlan? Kẹdẹdile e ko yin kinkàndai do dọmọ: “Lehe afọ mẹhe to wẹndagbe onú dagbe lẹ tọn lá tọn lẹ yọnwhanpẹ do sọ!” 16  Etomọṣo, e ma yin yemẹpo wẹ setonuna wẹndagbe lọ gba. Na Isaia dọmọ: “Jehovah, mẹnu wẹ tindo yise to nuhe yin sisè sọn mí dè lọ mẹ?” 17  Enẹwutu, yise nọ bọdo nuhe yin sisè lọ go. Podọ ohó lọ nọ yin sisè to whenue mẹde dọho gando Klisti go. 18  Etomọṣo, yẹn kanse dọ, Yé ma gboawupo nado sè, kavi yé wàmọ wẹ? Eyọn, na nugbo tọn, “ogbè yetọn tọ́nyi aigba lẹpo ji, podọ ohó yetọn lẹ yì opodo aigba fininọ lẹ tọn ji.” 19  Etomọṣo, yẹn kanse dọ, Islaeli ma gboawupo nado yọnẹn, kavi yé wàmọ wẹ? Mose dọ jẹnukọn dọmọ: “Yẹn na fọ́n awuwhàn mì gbẹtọ lẹ tọn dote gbọn enẹ he ma yin akọta de gblamẹ; yẹn na fọ́n homẹgble sinsinyẹn mìtọn dote gbọn akọta nulunọ de gblamẹ.” 20  Ṣigba, Isaia lẹzun adọgbotọ taun bo dọmọ: “Mẹhe ma to dindin mi lẹ wẹ mọ mi; mẹhe ma kàn mi biọ lẹ wẹ yẹn sọawuhia.” 21  Ṣigba, e dọ gando Islaeli go dọmọ: “Na azán lọ blebu wẹ yẹn ko dlẹnalọ ṣie lẹ hlan gbẹtọ he yin tasinyẹntọ bo nọ dọho jẹagọ lẹ.”

Nudọnamẹ Odò Tọn