Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Jakọbu 4:1-17

4  Fie wẹ awhàn lẹ wá sọn podọ fie wẹ avùn lẹ wá sọn to mì ṣẹnṣẹn? Be e ma yin onú ehe mẹ wẹ yé wá sọn, yèdọ, sọn ojlo zogbe mìtọn lẹ na gbẹ̀fẹdudu he nọ to avùnho to awutugonu mìtọn lẹ mẹ?  Mìwlẹ jlo, ṣogan mì ma tindo. Mì nọ to hlọ̀nhù bo nọ to nukunkẹndo mapote, ṣogan mì ma penugo nado mọyi. Mì nọ to avùnho bosọ nọ to awhànfun mapote. Mì ma tindo na mì ma biọ wutu.  Mì biọ, ṣogan mì ma mọyi, na mì nọ biọ na lẹndai he ma sọgbe wutu, na mì nido yí i zan na ojlo zogbe mìtọn lẹ na gbẹ̀fẹdudu.  Mì yọnnu ayọdetọ lẹ, be mì ma yọnẹn dọ họntọnjiji hẹ aihọn okẹ̀n wẹ e yin to Jiwheyẹwhe dè? Enẹwutu, mẹdepope he jlo na yin họntọn aihọn tọn to ede hẹn zun kẹntọ Jiwheyẹwhe tọn.  Kavi be mì lẹndọ ovọ́ mẹ wẹ adà Owe-wiwe tọn lọ dọ dọ: “Gbigbọ nuvẹun tọn he to mí mẹ nọ to onú voovo lẹ jlo vẹkuvẹku mapote” ya?  Ṣigba, nukundagbe majẹhẹ he ewọ nọ namẹ klo taun. Enẹwutu, owe-wiwe dọmọ: “Jiwheyẹwhe nọ diọnukunsọ saklanọ lẹ, ṣigba e nọ na nukundagbe majẹhẹ whiwhẹnọ lẹ.”  Enẹwutu, mì litaina Jiwheyẹwhe; ṣigba mì diọnukunsọ Lẹgba, podọ ewọ na họ̀n sọn mì dè.  Mì dọnsẹpọ Jiwheyẹwhe, podọ ewọ na dọnsẹpọ mì. Mì klọ́ alọ mìtọn lẹ wé, mì ylandonọ lẹ, bosọ lẹ̀ ahun mìtọn lẹ wé, mì ayihaawenọ lẹ.  Mì jẹ awubla ji bo biọ aluẹmẹ bosọ viavi. Mì dike nukiko mìtọn ni diọ zun aluẹmẹninọ, podọ ayajẹ mìtọn ni diọ zun flumẹjijẹ. 10  Mì whiwhẹ mìde to nukun Jehovah tọn mẹ, podọ ewọ na ze mì daga. 11  Mẹmẹsunnu lẹ emi, mì doalọtena hodidọ jẹagọdo ode awetọ. Ewọ he dọho jẹagọdo mẹmẹsunnu de kavi dawhẹna mẹmẹsunnu etọn dọho jẹagọdo osẹ́n bosọ dawhẹna osẹ́n. Todin eyin hiẹ dawhẹna osẹ́n, hiẹ ma yin basitọ osẹ́n tọn, ṣigba whẹdatọ de. 12  Omẹ dopo wẹ sẹ́nnamẹtọ podọ whẹdatọ, ewọ he penugo nado whlẹngán podọ nado vasudo. Ṣigba hiẹ, mẹnu wẹ hiẹ yin nado to whẹdana kọmẹnu towe? 13  Todin, mì wá, mì he nọ dọmọ: “To egbé kavi osọ he ja mí na zingbejizọnlin yì tòdaho ehe mẹ bo na zan owhe dopo, podọ mí na wàjọ bo duale,” 14  to whenuena e yindọ mì ma yọ́n nuhe ogbẹ̀ mìtọn na yin to osọ he ja. Na avìvì wẹ mìwlẹ he nọ sọawuhia na ojlẹ vude podọ to enẹgodo nọ busẹ. 15  Kakatimọ, mì dona nọ dọ dọ: “Eyin Jehovah jlo, mí na nọgbẹ̀ bo nasọ wà ehe kavi enẹ.” 16  Ṣigba todin, mì to awagundo to mẹdezedaga goyiyi tọn mìtọn lẹ mẹ. Onú ylankan wẹ awagundido mọnkọtọn lẹpo. 17  Enẹwutu, eyin mẹde yọ́n lehe e na wà nuhe sọgbe gbọn ṣogan bo ma wà ẹ, ylando de wẹ e yin na ẹn.

Nudọnamẹ Odò Tọn