Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Jakọbu 2:1-26

2  Mẹmẹsunnu ṣie lẹ emi, be nugbo wẹ dọ mìwlẹ to yise Oklunọ mítọn Jesu Klisti, yèdọ gigo mítọn tọn kọndopọ po nuyiwa mẹnukuntahihopọn tọn lẹ po ya?  Na, eyin sunnu de wá pipli mìtọn de tẹnmẹ bo tindo alọkẹ sika tọn lẹ to alọ bosọ dó avọ̀ whanpẹnọ, ṣigba bọ wamọnọ de he dó avọ̀ he kudiho sọ wá ga,  ṣogan bọ mìwlẹ do nukundagbe hia ewọ he dó avọ̀ whanpẹnọ lọ bo dọmọ: “Hiẹ sinai tofi to otẹn dagbe de mẹ,” bọ mì sọ dọna wamọnọ lọ dọ: “Hiẹ gbọṣi ote,” kavi: “Sinai to dọ́n to tokloafọligbe ṣie glọ,”  hagbẹ ṣinyan wẹ mì te to mìde ṣẹnṣẹn podọ mì ko lẹzun whẹdatọ he to owhẹ̀ ylankan dá lẹ, kavi e ma yin mọ wẹ?  Mì dotoai, mẹmẹsunnu mẹyiwanna ṣie lẹ emi. Jiwheyẹwhe de mẹhe yin wamọnọ to pọndohlan aihọn tọn mẹ lẹ nado yin adọkunnọ to yise mẹ podọ gudutọ ahọluduta lọ tọn lẹ, ehe e dopagbe etọn na mẹhe yiwanna ẹn lẹ, kavi e ma yin mọ wẹ?  Ṣigba, mìwlẹ ko dowinyan wamọnọ lọ. Adọkunnọ lẹ nọ gbidikọna mì, podọ yé nọ dọ̀n mì yì owhẹ̀ nukọn, kavi yé ma nọ wàmọ wẹ?  Yé nọ zánnu do oyín dagbe he yè yí do ylọ mì lọ go, kavi yé ma nọ wàmọ wẹ?  Todin, eyin mì to tonusena osẹ́n ahọlu tọn lọ dile adà Owe-wiwe tọn lọ dọ do dọmọ: “Hiẹ dona yiwanna kọmẹnu towe di dewe,” mì wà dagbe taun.  Ṣigba eyin mì zindonukọn nado to mẹnukuntahopọn dohia, azọ́n ylando tọn wà wẹ mì te, na mì yin wiwọhẹ gbọn osẹ́n dali taidi sẹ́nhẹngbatọ lẹ. 10  Na mẹdepope he payi Osẹ́n lọ lẹpo go ṣigba bo ṣì afọ ze to onú dopo mẹ, ewọ ko hùwhẹ to popolẹpo mẹ. 11  Na ewọ he dọ dọ: “Hiẹ ma dona deayọ,” sọ dọ ga dọ: “Hiẹ ma dona hùhlọ̀n.” Todin, eyin hiẹ ma deayọ ṣigba bo ka hùhlọ̀n, hiẹ ko gbà osẹ́n. 12  Mì zindonukọn nado nọ dọho domọ bosọ zindonukọn nado nọ yinuwa domọ dile mẹhe na yin whẹdana gbọn osẹ́n mẹhe to yedekannu lẹ tọn dali lẹ nọ wà do. 13  Na ewọ he ma nọ do lẹblanu hia na mọ whẹdida etọn yí matin lẹblanu. Lẹblanu nọ duto whẹdida ji. 14  Ale tẹwẹ tin to e mẹ, mẹmẹsunnu ṣie lẹ emi, eyin mẹde dọ dọ emi tindo yise ṣigba bo ma tindo azọ́n lẹ? Yise enẹ ma sọgan whlẹn ẹn gán, kavi e sọgan wàmọ wẹ? 15  Eyin mẹmẹsunnu kavi mẹmẹyọnnu de tin to ninọmẹ omẹ́-jijẹ tọn mẹ bo ma tindo núdùdù he na pé na gbèdopo, 16  ṣogan bọ mẹde to mì mẹ dọna ẹn dọmọ: “Yì to jijọho mẹ, agbasa towe ni hùnmiyọ́n na a ni dùnú gọ́ho,” ṣigba bọ mì ma na ẹn nuhe agbasa etọn tindo nuhudo etọn lẹ, ale tẹwẹ tin to e mẹ? 17  Mọdopolọ ga, yise, eyin e ma tindo azọ́n lẹ, yin oṣiọ to ede mẹ. 18  Etomọṣo, mẹde na dọmọ: “Hiẹ tindo yise, bọ yẹn tindo azọ́n lẹ. Do yise towe hia mi matin azọ́n lẹ, podọ yẹn na do yise ṣie hia we gbọn azọ́n ṣie lẹ dali.” 19  Hiẹ yise dọ Jiwheyẹwhe dopo wẹ tin, kavi e ma yin mọ wẹ? Hiẹ wà dagbe taun. Ṣogan aovi lẹ yise ga bosọ sisọ́. 20  Ṣigba be hiẹ jlo na yọnẹn, hiẹ omẹ vọnu E, dọ yise he ma tindo azọ́n lẹ ma nọ de sinsẹ́n tọ́n ya? 21  Be e ma yin gbọn azọ́n lẹ dali wẹ Ablaham otọ́ mítọn yin lilá di dodonọ to whenuena e ko yí Isaki visunnu etọn do sanvọ́ to agbà lọ ji godo ya? 22  Hiẹ mọdọ yise etọn wazọ́n to pọmẹ hẹ azọ́n etọn lẹ podọ gbọn azọ́n etọn lẹ dali yise etọn yin hinhẹn zun pipé, 23  podọ adà Owe-wiwe tọn lọ yin hinhẹndi he dọmọ: “Ablaham tindo yise to Jehovah mẹ, bọ e yin hihia hlan ẹn di dodowiwa,” podọ e wá yin yiylọdọ “họntọn Jehovah tọn.” 24  Mì mọdọ gbọn azọ́n lẹ dali wẹ omẹ de na yin lilá di dodonọ, e ma yin gbọn yise kẹdẹ dali gba. 25  To aliho dopolọ mẹ, be e ma yin gbọn azọ́n lẹ dali wẹ Lahabi galọtọ lọ yin lilá di dodonọ ga, to whenuena e ko yí wẹnsagun lẹ bo do gbigbọ johẹmẹ tọn hia yé bosọ do yé hlan gbonu gbọn aliho devo ji godo ya? 26  Na nugbo tọn, dile agbasa matin gbigbọ yin oṣiọ, mọkẹdẹ wẹ yise matin azọ́n lẹ yin oṣiọ do ga.

Nudọnamẹ Odò Tọn