Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Heblu lẹ 7:1-28

7  Na Mẹlkizedẹki ehe, yèdọ ahọlu Salẹm tọn, yẹwhenọ Jiwheyẹwhe Gigogán lọ tọn, mẹhe Ablaham pé to whenue ewọ ko gbawhàn ahọlu lẹ tọn bo lẹkọja bọ e sọ dona ẹn  podọ mẹhe Ablaham na madao onú lẹpo tọn, mẹhe lẹdogbedevomẹ oyín etọn tọn, jẹnukọn whẹ́ zẹẹmẹdo, “Ahọlu Dodo tọn,” podọ enẹgodo ahọlu Salẹm tọn ga, enẹ wẹ, “Ahọlu Jijọho tọn.”  Na ewọ ma tindo otọ́, bo ma tindo onọ̀, bo masọ tindo kúnkan whẹndo tọn, mọjanwẹ e masọ tindo bẹjẹeji azán lẹ tọn kavi opodo gbẹzan tọn, ṣigba na ewọ yin hinhẹn nado taidi Visunnu Jiwheyẹwhe tọn wutu, e yin yẹwhenọ de kakadoi.  Enẹwutu, mì pọ́n lehe dawe ehe klo sọ, mẹhe Ablaham, tatọ́ whẹndo tọn lọ, na madao nuhe yọ́n hugan to ogblànnu lẹ mẹ tọn.  Nugbo wẹ dọ mẹhe wá sọn visunnu Levi tọn lẹ mẹ he mọ azọ́n yẹwhenọ tọn yetọn yí lẹ mọ gbedide de yí nado yí madao lẹ sọn gbẹtọ lẹ dè sọgbe hẹ Osẹ́n lọ, enẹ wẹ, sọn mẹmẹsunnu yetọn lẹ dè, eyin omẹ ehelẹ tlẹ wá sọn kúnkan Ablaham tọn mẹ;  ṣigba dawe lọ he ma wá sọn kúnkan whẹndo tọn yetọn mẹ yí madao sọn Ablaham si bo dona omẹ lọ he opagbe lẹ ko yin didó na.  Todin, matin nudindọn depope, mẹhe whè lọ wẹ yin didona gbọn mẹhe klo lọ dali.  Podọ to whẹho tintan lọ mẹ, mẹhe nọ kú lẹ wẹ mọ madao yí, ṣigba to whẹho awetọ lọ mẹ, mẹhe kunnu yin dide gandego dọ e to ogbẹ̀ lọ wẹ.  Podọ, eyin yẹn sọgan dọ ẹ dole, etlẹ yin Levi he nọ mọ madao yí ko sú madao gbọn Ablaham gblamẹ, 10  na ewọ ma ko yin jiji gbọn tọgbo etọn dali to whenue Mẹlkizedẹki pé e wutu. 11  To whelọnu lo, eyin yẹwhenọduta Levi tọn gblamẹ wẹ pipé-yinyin nọ wá sọn nugbonugbo, (na e yin dopo to adà Osẹ́n lọ tọn he yin nina gbẹtọ lẹ mẹ,) nuhudo tẹwẹ na gbẹsọ tin na yẹwhenọ devo nado wá aimẹ, mẹhe go e yin didọ gando dọ e taidi Mẹlkizedẹki bọ e ma yin taidi Aalọn? 12  Na to whenue yẹwhenọduta lọ to yinyin didiọ, e lẹzun dandan nado diọ osẹ́n lọsu ga. 13  Na omẹ lọ he go onú ehelẹ yin didọ gando yin hagbẹ whẹndo devo tọn, dehe mẹ mẹdepope ma ko tọ́n sọn bo wadevizọn to agbà lọ kọ̀n. 14  Na e họnwun hezeheze dọ Oklunọ mítọn wá sọn kúnkan Juda tọn mẹ, yèdọ whẹndo de he Mose ma dọho yẹwhenọ lẹ tọn depope gandego. 15  Podọ e sọ họnwun hezeheze dogọ dọ yẹwhenọ devo he taidi Mẹlkizedẹki sọ wá, 16  mẹhe ma lẹzun mọ to gbesisọ mẹ hẹ osẹ́n gbedide agbasalan tọn, ṣigba to gbesisọ mẹ hẹ huhlọn he nọ hẹnmẹ penugo nado tindo ogbẹ̀ he ma sọgan yin vivasudo, 17  na e yin didọ to adà Owe-wiwe tọn de mẹ dọmọ: “Hiẹ yin yẹwhenọ de kakadoi taidi Mẹlkizedẹki.” 18  Enẹwutu, e họnwun dọ gbedide he jẹnukọn lọ ko yin didesẹ na madogán po awugbopo etọn po wutu. 19  Na Osẹ́n lọ ma hẹn nudepope zun pipé, ṣigba todido dagbe hugan he yin hinhẹnwa lọ wẹ wàmọ, gbọn ehe gblamẹ míwlẹ to dindọnsẹpọ Jiwheyẹwhe te. 20  Humọ, kẹdẹdile e ma nọma tindo whiwhle de, 21  (na nugbo tọn, omẹ delẹ tin he ko lẹzun yẹwhenọ matin whiwhle de, ṣigba mẹde tin he go e ko yin whiwhle gando gbọn Omẹ lọ he dọ gando ewọ go dali dọmọ: “Jehovah ko whlé (podọ e ma na vẹna ẹn) dọ, ‘Hiẹ yin yẹwhenọ de kakadoi,’”) 22  mọdopolọ, Jesu ko lẹzun omẹ lọ he yin yíyí do súafà na alẹnu he yọ́n hugan de. 23  Humọ, mẹsusu dona lẹzun yẹwhenọ debọdo-dego na yinyin aliglọnna gbọn okú dali nado zindonukọn domọ wutu, 24  ṣigba na ewọ to ogbẹ̀ kakadoi wutu, yẹwhenọduta etọn ma tindo mẹjẹmẹtẹnmẹ lẹ depope. 25  Enẹwutu wẹ ewọ do penugo ga nado whlẹn mẹhe to dindọnsẹpọ Jiwheyẹwhe gbọn ewọ gblamẹ lẹ gán mlẹnmlẹn, na ewọ tin to ogbẹ̀ to whepoponu nado vẹvẹ do ota yetọn mẹ wutu. 26  Na yẹwhenọ daho mọnkọtọn taidi ehe wẹ jẹna mí, yèdọ nugbonọ, homẹvọnọ, maflu, he gbọnvona ylandonọ lẹ, bo lẹzun mẹhe yiaga hú olọn. 27  Ewọ ma tindo nuhudo nado nọ basi avọ́sinsan lẹ egbesọegbesọ dile yẹwhenọ daho enẹlẹ nọ wà do, tintan na ylando etọn titi lẹ podọ enẹgodo na gbẹtọ lẹ tọn: (na ewọ ko wà ehe whladopo podọ kakadoi to whenue e yí edetiti do sanvọ́;) 28  na Osẹ́n lọ nọ de mẹhe tindo madogán lẹ nado yin yẹwhenọ daho lẹ, ṣigba ohó whiwhle lọ tọn he wá aimẹ to Osẹ́n lọ godo de Visunnu de, mẹhe yin hinhẹn zun pipé kakadoi.

Nudọnamẹ Odò Tọn