Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Heblu lẹ 5:1-14

5  Na yẹwhenọ daho he yin didesọn gbẹtọ lẹ ṣẹnṣẹn lẹpo wẹ nọ yin dide nado wà sinsẹ̀nzọn Jiwheyẹwhe tọn do ota gbẹtọ lẹ tọn mẹ, na ewọ nido sọgan basi nunina lẹ po avọ́sinsan lẹ po na ylando lẹ wutu.  Ewọ penugo nado yinuwa po walọmimiọn po hẹ mẹhe to wunvi mẹ po mẹhe to nuṣiwa lẹ po na ewọ lọsu yin madogánnọ wutu,  podọ na ehe wutu, e lẹzun dandan na ewọ nado basi avọ́nunina lẹ na ylando edetiti tọn lẹ podọ na gbẹtọ lẹ tọn.  Humọ, mẹde ma nọ ze ede do otẹn gbégbò tọn ehe mẹ gba, adavo eyin ewọ yin dide gbọn Jiwheyẹwhe dali, kẹdẹdile Aalọn yin dide do.  Mọdopolọ ga, Klisti ma pagigona ede gbọn lilẹzun yẹwhenọ daho de dali gba, ṣigba ewọ yin gigopana gbọn omẹ lọ he dọho gando ewọ go lọ dali dọmọ: “Hiẹ wẹ visunnu ṣie; to egbé, yẹn ko lẹzun otọ́ towe.”  Kẹdẹdile ewọ sọ dọ to fidevo do ga dọmọ: “Hiẹ yin yẹwhenọ de kakadoi taidi Mẹlkizedẹki.”  To whenue Klisti tin to agbasalan mẹ, ewọ yí avi sinsinyẹn po dasin lẹ po do basi ovẹvivẹ po obiọ lẹ po hlan Omẹ lọ he penugo nado whlẹn ẹn sọn okú si, e sọ sè etọn na ewọ dibusi Jiwheyẹwhe wutu.  Dile etlẹ yindọ Visunnu etọn wẹ ewọ yin, e plọn tonusise sọn nuhe e jiya etọn lẹ mẹ;  podọ to whenue e ko yin hinhẹn zun pipé godo, e lẹzun aliho whlẹngán madopodo tọn na mẹhe to tonusena ẹn lẹpo, 10  na ewọ ko yin dide tlọlọ gbọn Jiwheyẹwhe dali nado yin yẹwhenọ daho de taidi Mẹlkizedẹki. 11  Mí tindo nususu nado dọ gando ewọ go podọ e vẹawu nado basi zẹẹmẹ etọn, na mì ko lẹzun tótlitọ to sisè mìtọn mẹ wutu. 12  Na nugbo tọn, dile etlẹ yindọ kakajẹ din mìwlẹ dona ko yin mẹplọntọ lẹ, mìwlẹ gbẹsọ vọ́ tindo nuhudo mẹde tọn nado plọn mì onú dodonu nulila wiwe Jiwheyẹwhe tọn lẹ tọn sọn bẹjẹeji; mì ko sọ lẹzun mẹhe tindo nuhudo anọ́sin tọn, e ma yin núdùdù sinsinyẹn tọn gba. 13  Na mẹdepope he nọ nù anọ́sin ma jẹakọ hẹ ohó dodo tọn lọ, na ovivu de wẹ ewọ. 14  Ṣigba, núdùdù sinsinyẹn yin mẹhe ko whẹ́n lẹ tọn, mẹhe ko plọn huhlọn wuntuntun tọn yetọn gbọn yíyí i zan dali nado nọ yọ́n vogbingbọn to dagbe po oylan po ṣẹnṣẹn.

Nudọnamẹ Odò Tọn