Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Heblu lẹ 4:1-16

4  Enẹwutu, to whenuena e yindọ opagbe nado biọ gbọjẹ etọn mẹ gbẹ́ pò to ote, mì gbọ mí ni payi na depope to mì mẹ nikaa yin pinpọnhlan ma nado jẹna ẹn.  Na wẹndagbe lọ ko yin lilá na mílọsu ga, yèdọ dile yelọsu ko sè do; ṣigba ohó he yin sisè lọ ma hẹn ale wá na yé, na yise ma kọ̀n yewlẹ po mẹhe sè e lẹ po dopọ wutu.  Na mí mẹhe do yise hia lẹ wẹ nọ biọ gbọjẹ lọ mẹ, kẹdẹdile e ko dọ do dọmọ: “Enẹwutu wẹ yẹn whlé to homẹgble ṣie mẹ dọ, ‘Yé ma na biọ gbọjẹ ṣie mẹ,’” mahopọnna dọ azọ́n etọn lẹ ko yin tadona sọn whenue aihọn yin didoai.  Na e ko dọ to fide to Owe-wiwe mẹ gando azán ṣinawetọ go dọmọ: “Jiwheyẹwhe sọ gbọjẹ to azán ṣinawetọ gbè sọn azọ́n etọn lẹpo mẹ,”  humọ e ko sọ dọmọ: “Yé ma na biọ gbọjẹ ṣie mẹ.”  Enẹwutu, to whenuena e yindọ e pò mẹdelẹ nado biọ e mẹ, bọ mẹhe wẹndagbe lọ yin lilá na jẹnukọn lẹ ma biọ e mẹ na tolivivẹ wutu,  ewọ sọ de azán tangan de gbọn didọ to psalm Davidi tọn mẹ to ojlẹ dindẹn de godo dọ “Egbé”; kẹdẹdile e ko yin didọ to aga do dọmọ: “Egbé, eyin mìwlẹ dotoaina ogbè etọn titi, mì hẹn ahun mìtọn sinyẹn blo.”  Na eyin Jọṣua ko plan yé biọ otẹn gbọjẹ tọn de mẹ wẹ, Jiwheyẹwhe ma na ko dọho gando azán devo go to nukọn mẹ gba.  Enẹwutu, gbọjẹzan de gbẹ́ pò to aimẹ na omẹ Jiwheyẹwhe tọn lẹ. 10  Na mẹhe ko biọ gbọjẹ Jiwheyẹwhe tọn mẹ ko sọ gbọjẹ sọn azọ́n etọn titi lẹ mẹ ga, kẹdẹdile Jiwheyẹwhe ko wà do sọn etọn titi lẹ mẹ. 11  Enẹwutu, mì gbọ mí ni wà nuhe go mí pé lẹpo nado biọ gbọjẹ enẹ mẹ, na mẹdepope nikaa jai gbọn apajlẹ tolivivẹ tọn dopolọ hihodo dali. 12  Na ohó Jiwheyẹwhe tọn tin to ogbẹ̀ bo tindo huhlọn bosọ dá hú ohí onù awenọ depope bo nọ sọ́ omẹ, yèdọ jẹ obá lọ mẹ nado klan alindọn po gbigbọ po, podọ hupetẹn lẹ po ojó yetọn po dovo, e sọ penugo nado yọ́n linlẹn po ojlo ahun mẹ tọn lẹ po. 13  Podọ nudida depope ma tin he ma sọawuhia to nukọn etọn, ṣigba onú lẹpo wẹ to omẹ́ bo to wedede to nukun ewọ mẹhe mí dona dogbè na lọ tọn lẹ mẹ. 14  Enẹwutu, mimọ dọ mí tindo yẹwhenọ daho de he ko yì olọn mẹ, yèdọ Jesu Visunnu Jiwheyẹwhe tọn, mì gbọ mí ni tẹdo yise didohia mítọn to ewọ mẹ go. 15  Na e ma yin mẹhe ma sọgan vẹawu madogán mítọn lẹ wẹ mí tindo taidi yẹwhenọ daho gba, ṣigba mẹhe ko yin tintẹnpọn to adà lẹpo mẹ taidi mílọsu lẹ, ṣigba bo ma tindo ylando depope lọ wẹ. 16  Enẹwutu, mì gbọ mí ni yí awuvivo hodidọ tọn do dọnsẹpọ ofìn nukundagbe majẹhẹ tọn lọ, na mí nido sọgan mọ lẹblanu po nukundagbe majẹhẹ po yí na alọgọ to ojlẹ sisọ mẹ.

Nudọnamẹ Odò Tọn