Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Heblu lẹ 2:1-18

2  Enẹwutu wẹ e do yin dandannu dọ mí ni na ayidonugo vonọtaun hlan nuhe mí ko sè lẹ, bọ mí ma nado danbú pọ́n gbede.  Na eyin ohó he yin didọ gbọn angẹli lẹ gblamẹ sọawuhia nado hẹnai, bọ yè suahọ walọ sẹ́nhẹngba tọn po tolivivẹ tọn lẹpo po to kọndopọ mẹ hẹ whẹdida dodo;  nawẹ míwlẹ na họ̀ngán do eyin mí ko gbẹkọ whlẹngán daho mọnkọtọn go to whenuena e yindọ Oklunọ mítọn gblamẹ wẹ ohó etọn bẹjẹeji sọn bọ mẹhe sè ohó etọn lẹ dekunnu gandego na mí,  to whenuena Jiwheyẹwhe kọnawudopọ hẹ yé to kunnudide lọ mẹ gbọn ohia lẹ, nudabla lẹ, azọ́n huhlọnnọ voovo lẹ podọ gbigbọ wiwe mimá namẹ sọgbe hẹ ojlo etọn dali?  Na e ma yin angẹli lẹ glọ wẹ e ze aigba fininọ he ja ehe mí to ohó etọn dọ lọ do gba.  Ṣigba, kunnudetọ de ko kàn to ojlẹ de mẹ wayi dọmọ: “Etẹwẹ gbẹtọ yin bọ hiẹ do nọ hẹn ẹn do ayiha mẹ, kavi visunnu gbẹtọ tọn bọ hiẹ do nọ penukundo e go?  Hiẹ hẹn ẹn whè vude hú angẹli lẹ; hiẹ yí gigo po gbégbò po do ṣinyọ́n jẹgbakun na ẹn, bo de e do azọ́n alọ towe tọn lẹ ji.  Hiẹ ko hẹn onú lẹpo zun mẹmẹglọ to afọ etọn lẹ glọ.” Na ewọ ko hẹn onú lẹpo zun mẹmẹglọ na ẹn wutu, Jiwheyẹwhe ma jo nudepope do he ma yin mẹmẹglọ na ẹn. Ṣigba, mí ma ko mọdọ onú lẹpo yin mẹmẹglọ na ẹn todin gba;  ṣigba mí mọdọ Jesu, mẹhe ko yin hinhẹn whè vude hú angẹli lẹ, yin jẹgbakun gigo po gbégbò po tọn ṣinyọ́n na, na e ko jiya okú tọn, na ewọ nido gbọn nukundagbe majẹhẹ Jiwheyẹwhe tọn dali dọ́ okú pọ́n na gbẹtọ lẹpo. 10  Na e jẹ dọ omẹ lọ he wutu onú lẹpo do tin podọ mẹhe gblamẹ onú lẹpo gbọn do tin, ni hẹn visunnu susu wá gigo mẹ, nado hẹn Afọzedaitọ-gán whlẹngán yetọn tọn zun pipé gbọn yajiji lẹ gblamẹ. 11  Na ewọ he to omẹ hẹn zun wiwe podọ mẹhe to yinyin hinhẹn zun wiwe lẹ, omẹ dopo dè wẹ yemẹpo wá sọn, podọ na ehe wutu, winyan ma hù i nado ylọ yé dọ “nọvisunnu lẹ,” 12  to whenuena e dọmọ: “Yẹn na lá oyín towe na nọvisunnu ṣie lẹ; to agun lọ ṣẹnṣẹn wẹ yẹn na yí ohàn do pà we te.” 13  E sọ dọmọ: “Yẹn na dejido ewọ go.” Podọ ga: “Pọ́n! Yẹn po ovi pẹvi he Jehovah ko na mi lẹ po.” 14  Enẹwutu, to whenuena e yindọ “ovi pẹvi” lọ lẹ yin mimátọ to ohùn po agbasalan po mẹ, ewọ lọsu ga tindo mahẹ to onú dopolọ lẹ mẹ, na gbọn okú etọn gblamẹ, ewọ nido sọgan hẹn mẹhe tindo huhlọn nado hẹn okú wá lọ, yèdọ Lẹgba, zun ovọ́; 15  podọ na ewọ nido sọgan tún mẹlẹpo he ko lẹzun afanumẹ to gbẹzan yetọn lẹpo mẹ na obu okú tọn wutu dote. 16  Na e ma yin angẹli lẹ wẹ ewọ to alọgọna na taun tọn gba, ṣigba okún Ablaham tọn wẹ e to alọgọna. 17  Enẹwutu, e lẹzun dandan na ẹn nado taidi “nọvisunnu” etọn lẹ to aliho lẹpo mẹ, na ewọ nido sọgan lẹzun yẹwhenọ daho lẹblanunọ podọ nugbonọ de to nuhe gando Jiwheyẹwhe go lẹ mẹ, nado sọgan basi avọ́sinsan oyẹsu tọn na ylando gbẹtọ lẹ tọn. 18  Na ewọ lọsu ko jiya to whenuena e to yinyin whiwhlepọn wutu, e penugo nado gọalọna mẹhe to yinyin whiwhlepọn lẹ.

Nudọnamẹ Odò Tọn