Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Heblu lẹ 10:1-39

10  Na to whenuena e yindọ Osẹ́n lọ tindo oyẹ̀ onú dagbe he ja lẹ tọn, ṣigba bọ e ma yin onú lọ lẹ lọsu jọnun, gbẹtọ lẹ ma sọgan gbọn avọ́sinsan dopolọ lẹ he yé nọ to bibasi mapote sọn owhe de mẹ jẹ owhe de mẹ dali hẹn mẹhe to dindọnsẹpọ Jiwheyẹwhe lẹ zun pipé gbede gba.  Eyin e ma yinmọ, be avọ́sinsan lọ ma na ko doalọte, na mẹhe to sinsẹ̀nzọn wiwe basi lẹ he ko yin kiklọwé whladopo podọ kakadoi lẹ ma nasọ nọ mọ yedelẹ taidi ylandonọ lẹ ba wutu?  Kakatimọ, gbọn avọ́sinsan ehelẹ gblamẹ, yé nọ yin nuflin gando ylando lẹ go sọn owhe de mẹ jẹ owhe de mẹ,  na e ma yọnbasi na ohùn oyìnsú lẹ tọn podọ gbọgbọẹ lẹ tọn nado de ylando lẹ sẹ̀ gba.  Enẹwutu, to whenue ewọ wá aihọn mẹ, e dọmọ: “‘Hiẹ ma jlo avọ́sinsan po avọ́nunina po gba, ṣigba hiẹ wleawu agbasa de tọn na mi.  Hiẹ ma kẹalọyi avọ́nunina mimẹ̀ blebu po avọ́nunina ylando tọn lẹ po gba.’  To whenẹnu wẹ yẹn dọmọ, ‘Pọ́n! Yẹn wá (to owe-hihá owe lọ tọn mẹ wẹ e yin kinkàn do gando go e) nado wà ojlo towe, Jiwheyẹwhe E.’”  To whenue e ko dọ jẹnukọn dọmọ: “Hiẹ ma jlo kavi kẹalọyi avọ́sinsan lẹ po avọ́nunina lẹ po gọna avọ́nunina mimẹ̀ blebu po avọ́nunina ylando tọn lẹ po”—yèdọ avọ́sinsan lẹ he nọ yin bibasi sọgbe hẹ Osẹ́n lọ—  enẹgodo, na nugbo tọn, e dọmọ: “Pọ́n! Yẹn wá nado wà ojlo towe.” Ewọ hẹn nuhe yin tintan lọ zun ovọ́ na e nido sọgan do nuhe yin awetọ lọ ai. 10  Gbọn “ojlo” ehe lọ dali wẹ míwlẹ ko yin hinhẹn zun wiwe gbọn agbasa Jesu Klisti tọn yíyí do sanvọ́ whladopo podọ kakadoi gblamẹ. 11  Humọ, yẹwhenọ dopodopo wẹ nọ yì otẹn etọn mẹ sọn azán de ji jẹ azán de ji nado wà sinsẹ̀nzọn gbangba tọn podọ nado basi avọ́sinsan dopolọ lẹ gbọzangbọzan, na ehelẹ ma penugo to ojlẹ depope mẹ nado de ylando lẹ sẹ̀ mlẹnmlẹn wutu. 12  Ṣigba, dawe ehe basi avọ́sinsan dopo na ylando lẹ kakadoi bo sinai to adusilọ Jiwheyẹwhe tọn mẹ, 13  sọn ojlẹ enẹ mẹ sọyi, e to tenọpọn whenue kẹntọ etọn lẹ na yin yíyí do tokloafọligbe afọ etọn lẹ tọn. 14  Na gbọn avọ́sinsan dopo bibasi dali wẹ ewọ ko hẹn mẹhe to yinyin hinhẹn zun wiwe lẹ zun pipé kakadoi. 15  Humọ, gbigbọ wiwe sọ dekunnu gando mí go ga, na to whenue e ko dọ godo dọmọ: 16  “‘Ehe wẹ alẹnu he yẹn na basi gando yé go to azán enẹlẹ godo,’ wẹ Jehovah dọ. ‘Yẹn na ze osẹ́n ṣie lẹ do ahun yetọn mẹ, podọ ayiha yetọn mẹ wẹ yẹn na kàn yé do,’” 17  e dọ to enẹgodo dọmọ: “Yẹn ma nasọ flin ylando yetọn lẹ podọ sẹ́nhẹngba yetọn lẹ to aliho depope mẹ ba.” 18  Todin, fihe jona ehelẹ tọn tin te, avọ́nunina de masọ tin na ylando ba. 19  Enẹwutu, mẹmẹsunnu lẹ emi, to whenuena e yindọ míwlẹ tindo adọgbigbo dọ aliho lọ na planmẹ yì ofi wiwe lọ mẹ gbọn ohùn Jesu tọn dali, 20  ehe ewọ ko doai na mí taidi aliho yọyọ podọ ogbẹ̀nọ de gbọn họmẹgbòvọ̀ lọ gblamẹ, enẹ wẹ agbasalan etọn, 21  podọ na míwlẹ tindo yẹwhenọ daho de do owhé Jiwheyẹwhe tọn ji wutu, 22  mì gbọ mí ni yí ahun jijlọ do dọnsẹpọ po jidide mlẹnmlẹn yise tọn po, na ahun mítọn ko yin kiklọwé* sọn ayihadawhẹnamẹnu ylankan de mẹ podọ agbasa mítọn ko yin lilẹ̀wé po osin he wé po. 23  Mì gbọ mí ni tẹdo gbeyiyi gbangba tọn todido mítọn tọn go gligli bo ma tindo ayihaawe, na nugbonọ wẹ mẹhe dopagbe lọ. 24  Podọ mì gbọ mí ni nọ lẹn ode awetọ tọn pọ́n nado nọ whàn mídelẹ hlan owanyi po azọ́n dagbe lẹ po kọ̀n, 25  e ma yin nado nọ gbẹkọ pipli dopọ mítọn lẹ go, dile mẹdelẹ tindo aṣa lọ do gba, ṣigba nado nọ na tuli ode awetọ, podọ humọ dile mì mọdọ azán lọ to dindọnsẹpọ. 26  Na eyin mí nọ hẹn ylando zun aṣa sọn ojlo mẹ wá to whenue mí ko mọ oyọnẹn he pegan nugbo lọ tọn yí godo, avọ́sinsan devo depope ma pò na ylando mítọn lẹ ba, 27  ṣigba teninọpọn whẹdida to obu mẹ wẹ yin nuhe pò gọna awuwhàn zogbe de he na hù mẹhe yin agọjẹdomẹtọ lẹ sudo. 28  Omẹ depope he ko gbẹkọ osẹ́n Mose tọn go nọ kú matin lẹblanu, gbọn kunnudide omẹ awe kavi atọ̀n tọn gblamẹ. 29  Yasanamẹ he sinyẹn taun humọ tẹwẹ mìwlẹ lẹndọ e na jẹna mẹhe ko tùnafọ Visunnu Jiwheyẹwhe tọn ji podọ mẹhe ko pọ́n nuhọakuẹ ohùn alẹnu he hẹn ewọ lọsu titi zun wiwe lọ tọn hlan di onú tata, podọ mẹhe ko yí wangbẹna do vlẹ gbigbọ nukundagbe majẹhẹ tọn lọ kò lẹ? 30  Na mí yọ́n omẹ lọ he dọmọ: “Ṣie wẹ ahọsuyi; yẹn na suahọ etọn”; podọ ga: “Jehovah na dawhẹna omẹ etọn lẹ.” 31  Onú dobu de wẹ e yin nado jai jẹ alọ Jiwheyẹwhe ogbẹ̀nọ lọ tọn lẹ mẹ. 32  Ṣigba, mì nọ to azán he wayi lẹ flin, yèdọ ojlẹ he mẹ hinhọ́n ko họ́n do mì ji godo, bọ mì doakọnna ahididi daho de to yajiji lẹ glọ, 33  to whedelẹnu he mì nọ yin nukunbiana bo nọ yin vivlẹko to gbangba taidi to nupọntẹn de, podọ to whedelẹnu he mì nọ jiya hẹ mẹhe to numimọ onú dopolọ tọn tindo lẹ. 34  Na mì do awuvẹmẹ hia na mẹhe tin to gànpamẹ lẹ bo yí ayajẹ do doakọnna to whenue nutindo mìtọn lẹ yin bibẹ yì, to yinyọnẹn mẹ dọ mìlọsu tindo nutindo he yọ́n hugan bo nọ gbọṣi aimẹ tẹgbẹ de. 35  Enẹwutu, mì hẹn awuvivo hodidọ tọn mìtọn bu blo, ehe tindo ale daho de he na yin ninamẹ. 36  Na mì tindo nuhudo akọndonanu tọn, bọ to whenue mì ko wà ojlo Jiwheyẹwhe tọn godo, mì sọgan mọ hẹndi opagbe lọ tọn yí. 37  Na “whenu vude dogọ” wẹ e pò, bọ “ewọ he ja lọ na wá bo ma na dọngbàn.” 38  “Ṣigba, dodonọ ṣie na nọgbẹ̀ gbọn yise dali,” podọ, “eyin ewọ joagọyigodo alindọn ṣie ma na tindo homẹhun to ewọ mẹ.” 39  Todin, míwlẹ ma yin mẹhe nọ joagọyigodo hlan dindọn mẹ lẹ gba, ṣigba mẹhe tindo yise na hinhẹn do ogbẹ̀ alindọn tọn lẹ.

Nudọnamẹ Odò Tọn

Heb 10:22* To paa mẹ, “húnhún,” enẹ wẹ, ohùn Jesu tọn he yin yiyizan.