Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Heblu lẹ 1:1-14

1  Jiwheyẹwhe, mẹhe ko dọho to ninọmẹ susu mẹ podọ to aliho susu mẹ hlan tọgbo mítọn lẹ gbọn yẹwhegán lẹ gblamẹ,  ko dọhona mí to azán opodo tọn ehelẹ mẹ gbọn Visunnu de gblamẹ, mẹhe ewọ ko de taidi gudutọ onú lẹpo tọn, podọ mẹhe gblamẹ ewọ gbọn do basi titonu lẹ.  Ewọ wẹ nọ do gigo etọn hia bosọ yin apajlẹ pipé Jiwheyẹwhe lọsu tọn, podọ ewọ wẹ nọ hẹn onú lẹpo do ogbẹ̀ gbọn ohó huhlọnnọ etọn tọn dali; podọ to whenue e ko lẹ̀ mí wé sọn ylando mítọn lẹ mẹ godo e sinai do adusilọ Gigonọ Daho lọ tọn mẹ to otẹn he yiaga lẹ mẹ.  Enẹwutu, ewọ ko wá pọnte hú angẹli lẹ, yèdọ jẹ obá lọ mẹ bọ ewọ ko dugu oyín de tọn he yọ́n tlala hugan yewlẹ tọn.  Di apajlẹ, detẹ to angẹli lẹ mẹ wẹ ewọ ko dọna pọ́n dọmọ: “Hiẹ wẹ visunnu ṣie; yẹn, to egbé, yẹn ko lẹzun otọ́ towe”? Podọ, bosọ dọna dọmọ: “Yẹnlọsu na lẹzun otọ́ etọn, podọ ewọ lọsu na lẹzun visunnu ṣie”?  Ṣigba, to whenuena ewọ vọ́ hẹn Plọnji etọn wá aigba fininọ lọ ji, e dọmọ: “Podọ gbọ angẹli Jiwheyẹwhe tọn lẹpo ni litaina ẹn.”  Humọ, ewọ dọ gando angẹli lẹ go dọmọ: “Podọ e yí angẹli etọn lẹ do basi gbigbọ lẹ, podọ devizọnwatọ gbangba tọn etọn lẹ do basi miyọ́n he to jiji de.”  Ṣigba, e dọ gando Visunnu lọ go dọmọ: “Jiwheyẹwhe wẹ ofìn towe kakadoi podọ doidoi, podọ ogánpò ahọluduta towe tọn wẹ ogánpò dodowiwa tọn.  Hiẹ yiwanna dodowiwa, podọ hiẹ gbẹwanna sẹ́nhẹngba. Enẹ wẹ zọ́n bọ Jiwheyẹwhe, yèdọ Jiwheyẹwhe towe do yiamisisadode we po amì aglinjijẹ tọn po hú hatọ towe lẹ.” 10  Podọ: “To bẹjẹeji, Oklunọ E, hiẹ ko do dodonu aigba lọ lọsu tọn lẹ ai, podọ olọn yin azọ́n alọ towe tọn. 11  Yé na dọ̀n, ṣigba hiẹ na gbọṣi aimẹ tẹgbẹ; podọ yemẹpo na dohó taidi awugbó de, 12  hiẹ nasọ bọ̀ yé kẹdẹdi awù daho de, yèdọ taidi awugbó de; yé nasọ yin didiọ, ṣigba hiẹ na yin dopolọ, bọ owhe towe ma na vọ̀ gbede.” 13  Ṣigba, detẹ to angẹli lẹ mẹ wẹ ewọ ko dọna pọ́n dọmọ: “Sinai to adusilọ ṣie mẹ, kaka yẹn nado yí kẹntọ towe lẹ do tokloafọligbe afọ towe lẹ tọn”? 14  Be e ma yin gbigbọ wẹ yemẹpo na sinsẹ̀nzọn gbangba tọn, bo yin didohlan nado yilizọn na mẹhe na wá dugu whlẹngán tọn lẹ ya?

Nudọnamẹ Odò Tọn