Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Galatianu lẹ 2:1-21

2  Enẹgodo, to owhe wiẹnẹ godo, yẹn hẹji yì Jelusalẹm po Balnaba po, yẹn sọ plan Titu hẹn ga.  Ṣigba, yẹn hẹji yì na osọhia de he yin didohia mi wutu. Yẹn sọ ze wẹndagbe he yẹn to yẹwheho etọn dọ to akọta lẹ ṣẹnṣẹn lọ donukọnna yé, ṣigba mẹhe yin nukundeji lẹ kẹdẹ wẹ yẹn zedonukọnna, bọ e ma nado yindọ yẹn to wezundo kavi ko dowezun to ovọ́ mẹ.  Etomọṣo, Titu, mẹhe tin po yẹn po ma tlẹ yin hinhẹn nado gboadà dile etlẹ yindọ Glẹkinu de wẹ ewọ.  Ṣigba, na mẹmẹsunnu lalo he yin hinhẹnwa to nuglọ lẹ wutu, yèdọ mẹhe lìn wá nado bẹ̀ mẹdekannujẹ mítọn he mí tindo to kọndopọ mẹ hẹ Klisti Jesu pọ́n lẹ, na yé nido sọgan hẹn mí zun afanumẹ mlẹnmlẹn—  mí ma na dotẹnmẹ omẹ ehelẹ gbọn taliliaina yé dali, lala, e ma tlẹ yin na gànhiho dopo, na nugbo wẹndagbe lọ tọn nido sọgan gbọṣi mì dè.  Ṣigba, na nuhe dù mẹhe nọ yin pinpọn taidi mẹjọmẹ lẹ tọn—mahopọnna omẹ he nkọ yé ko yin dai, enẹ ma dù mi—Jiwheyẹwhe ma nọ pọ́n awusọhia gbonu tọn gbẹtọ tọn—na nugbo tọn, na yẹn tọn, omẹ nukundeji enẹlẹ ma plọnmẹ onú yọyọ depope.  Ṣigba, to vogbingbọn mẹ, to whenue yé mọdọ wẹndagbe mẹhe ma gboadà lẹ tọn ko yin zizedo alọmẹ na mi, kẹdẹdile mẹhe gboadà lẹ tọn yin zize na Pita do—  na Omẹ lọ he na Pita nugopipe lọ he yin dandan na apọsteli-zọ́n gando mẹhe gboadà lẹ go dopolọ wẹ na yẹnlọsu nugopipe lọ gando omẹ akọta lẹ tọn go;  mọwẹ, to whenuena yé wá yọ́n nukundagbe majẹhẹ lọ he yin nina mi, Jakọbu po Kefa po gọna Johanu, yèdọ omẹ lọ lẹ he taidi dòtin lẹ, na adusilọ yẹn po Balnaba po taidi ohia gbekọndopọ tọn, na míwlẹ nido sọgan yì akọta lẹ dè, ṣigba yewlẹ yì mẹhe gboadà lẹ dè. 10  Nuhe yé dọna mí poun wẹ yindọ mí dona nọ hẹn wamọnọ lẹ do ayiha mẹ. Onú ehe lọ na taun tọn wẹ yẹn sọ to vivẹnudo vẹkuvẹku nado wà. 11  Ṣigba, to whenue Kefa wá Antioku, yẹn pannukọn ẹn bo dọna ẹn tlọlọ, na ewọ jẹna whẹgbledo. 12  Na jẹnukọnna wiwá sunnu delẹ tọn sọn Jakọbu dè, ewọ ko nọ dùnú hẹ omẹ akọta lẹ tọn; ṣigba to whenuena yé wá, e jẹ yonu dọ̀n do godo ji bo to ede klandovo, na e to budina mẹhe gboadà lẹ wutu. 13  Ju he pò lẹ sọ kọnawudopọ hẹ ẹ to yẹnuwiwa etọn mẹ, sọmọ bọ Balnaba lọsu tlẹ yin dindọn biọ yẹnuwiwa yetọn mẹ ga. 14  Ṣigba, to whenue yẹn mọdọ yé ma to zọnlin jijlọ zìn sọgbe hẹ nugbo wẹndagbe tọn, yẹn dọna Kefa to yemẹpo nukọn dọmọ: “Eyin hiẹ, mahopọnna dọ hiẹ yin Ju de, to gbẹnọ dile akọta lẹ nọ wà do, bọ e ma yin dile Ju lẹ nọ wà do, naegbọn hiẹ do to omẹ akọta lẹ tọn hẹn nado nọgbẹ̀ sọgbe hẹ aṣa Ju lẹ tọn lo?” 15  Míwlẹ he yin Ju gbọn jọwamọ dali, bọ e ma yin ylandonọ lẹ sọn akọta lẹ mẹ, 16  míwlẹ yọnẹn dọ e ma yin gbọn azọ́n osẹ́n tọn lẹ dali wẹ gbẹtọ nọ yin lilá di dodonọ, ṣigba gbọn yise to Klisti Jesu mẹ kẹdẹ gblamẹ, mọdopolọ mí ko tindo yise to Klisti Jesu mẹ, na mí nido sọgan yin lilá di dodonọ na yise to Klisti mẹ wutu, bọ e ma yin na azọ́n osẹ́n tọn lẹ wutu, na agbasalan depope ma na yin lilá di dodonọ na azọ́n osẹ́n tọn lẹ wutu. 17  Todin, dile míwlẹ to dindin nado yin lilá di dodonọ gbọn Klisti gblamẹ, eyin mílọsu lẹ yin mimọ nado yin ylandonọ lẹ, be enẹ ma dohia dọ Klisti nọ na tuli mí nado waylando ya? Enẹ ni ma jọ gbede blo! 18  Na eyin yẹn to onú lọ he yẹn ko họliai to ojlẹ de mẹ wayi vọ́ jlọ dote, be yẹn do dee hia nado yin sẹ́nhẹngbatọ. 19  Na yẹn tọn, gbọn osẹ́n gblamẹ, yẹn kú na osẹ́n wutu, na yẹn nido sọgan gọwá ogbẹ̀ na Jiwheyẹwhe wutu. 20  Yẹn yin whiwhè do núgo hẹ Klisti. E masọ yin yẹn wẹ to gbẹnọ ba, ṣigba Klisti wẹ to gbẹnọ to kọndopọ mẹ hẹ mi. Na nugbo tọn, ogbẹ̀ he yẹn to ninọ to agbasalan mẹ todin, yẹn to ninọ gbọn yise he yẹn tindo to Visunnu Jiwheyẹwhe tọn mẹ lọ dali, yèdọ mẹhe yiwanna mi bo ze ede jo do ota ṣie mẹ. 21  Yẹn ma gbẹkọ nukundagbe majẹhẹ Jiwheyẹwhe tọn go; na eyin gbọn osẹ́n gblamẹ wẹ dodowiwa nọ wá, be na taun tọn, ovọ́ mẹ wẹ Klisti kú do.

Nudọnamẹ Odò Tọn