Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Galatianu lẹ 1:1-24

1  Paulu, apọsteli de, he ma yin sọn gbẹtọ lẹ dè mọjanwẹ e ma yin gbọn gbẹtọ de gblamẹ, ṣigba gbọn Jesu Klisti podọ Jiwheyẹwhe Otọ́ lọ gblamẹ, mẹhe fọ́n ẹn sọn oṣiọ lẹ mẹ,  podọ mẹmẹsunnu he tin to dè e lẹpo, to wekanhlan agun Galatia tọn lẹ:  Na nukundagbe majẹhẹ po jijọho po ni tin hẹ mì sọn Jiwheyẹwhe Otọ́ mítọn podọ Oklunọ Jesu Klisti dè.  Ewọ ze ede jo na ylando mítọn lẹ, na e nido sọgan whlẹn mí sọn titonu ylankan ehe mẹ sọgbe hẹ ojlo Jiwheyẹwhe podọ Otọ́ mítọn tọn,  mẹhe tọn gigo yin kakadoi podọ doidoi. Niṣẹ.*  E paṣa mi dọ mìwlẹ yawu to Omẹ lọ he yí nukundagbe majẹhẹ Klisti tọn do ylọ mì jodo bo to lilẹhlan wẹndagbe wunmẹ devo kọ̀n.  Ṣigba e ma yin devo; mẹdelẹ wẹ to bẹwlu hẹn biọ mì mẹ poun bo to jijlo nado sọtadona wẹndagbe lọ he gando Klisti go.  Ṣigba, eyin etlẹ yin míwlẹ kavi angẹli de sọn olọn mẹ lá nudevo na mì taidi wẹndagbe bọ e gbọnvona nuhe míwlẹ ko lá na mì taidi wẹndagbe, mì gbọ ewọ ni yin mẹhodẹ̀do.  Dile mí ko dọ do to aga, todin yẹn sọ to vivọdọ whladopo dogọ, Mẹdepope he e na yin he to nudevo lá na mì taidi wẹndagbe gbọnvona nuhe mìwlẹ ko kẹalọyi, mì gbọ ewọ ni yin mẹhodẹ̀do. 10  Na nugbo tọn, be gbẹtọ lẹ wẹ yẹn to tintẹnpọn nado diọlinlẹnna kavi Jiwheyẹwhe? Kavi be gbẹtọ lẹ wẹ yẹn to dindin nado hẹn homẹhun ya? Eyin yẹn gbẹ́ to homẹ gbẹtọ lẹ tọn hẹn hùn, yẹn ma na yin afanumẹ Klisti tọn. 11  Na, mẹmẹsunnu lẹ emi, yẹn hẹn zun yinyọnẹn na mì dọ wẹndagbe lọ he yẹn lá na mì taidi wẹndagbe ma wá sọn gbẹtọ dè; 12  na yẹn ma mọ ẹn yí sọn gbẹtọ dè, mọjanwẹ yè ma yí i do plọn mi, adavo gbọn osọhia Jesu Klisti tọn dali. 13  Na nugbo tọn, mìwlẹ ko sè gando walọyizan ṣie dai tọn go to Sinsẹ̀n Ju lẹ tọn mẹ, dọ yẹn nọ dohomẹkẹn agun Jiwheyẹwhe tọn zẹjlẹgo bo nọ gbà ẹ do, 14  podọ yẹn to nukọnyiyi daho tindo to Sinsẹ̀n Ju lẹ tọn mẹ hugan susu mẹhe to ohá ṣie ji to akọ̀ ṣie mẹ lẹ tọn, na yẹn yin zohunhunnọ tlala na aṣa otọ́ ṣie lẹ tọn lẹ wutu. 15  Ṣigba, to whenue Jiwheyẹwhe, mẹhe hẹn mi nado yin jiji bo ylọ mi gbọn nukundagbe majẹhẹ etọn gblamẹ, mọdọ e yọ́n 16  nado do Visunnu etọn hia gbọn yẹn gblamẹ, na yẹn nido sọgan lá wẹndagbe lọ gando ewọ go na akọta lẹ, yẹn ma yì to afọdopolọji nado kàn ayinamẹ mẹdevo tọn biọ. 17  Mọdopolọ, yẹn ma hẹji yì Jelusalẹm, yèdọ yì mẹhe yin apọsteli jẹnukọnna mi lẹ dè, ṣigba yẹn tọ́nyi Alabia, podọ yẹn sọ vọ́ lẹkọwa Damasku. 18  To enẹgodo, to owhe atọ̀n godo, yẹn hẹji yì Jelusalẹm nado dla Kefa pọ́n, yẹn sọ nọ e dè na azán fọtọ̀n. 19  Ṣigba, yẹn ma mọ apọsteli devo de, adavo Jakọbu nọvisunnu Oklunọ tọn kẹdẹ. 20  Todin, gando nuhe yẹn to owe etọn kàn hlan mì lẹ go, mì pọ́n! to nukun Jiwheyẹwhe tọn mẹ, yẹn ma to lalodo. 21  To enẹgodo, yẹn yì agbegbe Silia po Silisia po tọn lẹ ji. 22  Ṣigba, agun he tin to Jude lẹ he to kọndopọ mẹ hẹ Klisti ma ko mọ mi nukun sọ nukun pọ́n; 23  yé nọ sè poun wẹ dọ: “Dawe he nọ dohomẹkẹn mí dai lọ ko to wẹndagbe lọ lá todin gando yise he ewọ ko nọ hẹn zun ovọ́ dai lọ go.” 24  Enẹwutu, yé jẹ gigopana Jiwheyẹwhe ji na yẹn tọn wutu.

Nudọnamẹ Odò Tọn

Ga 1:5* Pọ́n Lo 1:25, nudọnamẹ odò tọn.