Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Filippinu lẹ 3:1-21

3  To popolẹpo mẹ, mẹmẹsunnu ṣie lẹ emi, mì nọ to ayajẹ to Oklunọ mẹ zọnmii. E ma sinyẹnawuna mi nado to onú dopolọ lẹ kàn hlan mì, ṣigba hihọ́ wẹ e yin na mì.  Mì nọ payi avún* lẹ go, mì nọ payi azọ́n ylankan watọ lẹ go, mì nọ payi mẹhe nọ sán awutugonu sẹ̀ lẹ* go.  Na míwlẹ wẹ tindo adàgbigbo nujọnu tọn lọ, bo to sinsẹ̀nzọn wiwe wà gbọn gbigbọ Jiwheyẹwhe tọn dali bosọ tindo awagundido mítọn to Klisti Jesu mẹ bo masọ ze jidide mítọn do agbasalan mẹ,  nalete, eyin mẹdepope na tindo dodonu lẹ na jidide to agbasalan mẹ, be yẹn wẹ. Eyin omẹ devo depope lẹndọ emi tindo dodonu lẹ na jidide to agbasalan mẹ, be yẹn wẹ wàmọ hugan:  yẹn gboadà to azán ṣinatọ̀ntọ gbè, bo wá sọn hukan whẹndo tọn Islaeli tọn mẹ, sọn hẹnnu Bẹnjamini tọn mẹ, bosọ yin Heblu de he yin jiji gbọn mẹjitọ Heblu lẹ dali; na nuhe dù osẹ́n, yẹn yin Falesi de;  na nuhe dù zohunhun, yẹn to homẹkẹndo agun lọ; na nuhe dù dodowiwa he yin gbọn osẹ́n gblamẹ, yẹn yin mẹhe do ede hia nado yin mẹhe madoblọ.  Ṣogan, nuhe yin ale na mi lẹ, onú ehelẹ wẹ yẹn ko pọnhlan di onú gúgú na Klisti tọn wutu.  Nalete, na nugbo tọn, na ehe tọn wutu wẹ yẹn pọ́n onú lẹpo hlan di onú gúgú na yẹyi daho hugan oyọnẹn Klisti Jesu Oklunọ ṣie tọn wutu. Na ewọ tọn wutu wẹ yẹn ko gbẹkọ onú lẹpo go podọ yẹn pọ́n yé hlan taidi ogbó lẹ, na yẹn nido sọgan duale Klisti tọn  bo na yin mimọ to kọndopọ mẹ hẹ ẹ, bo ma nasọ ze dodowiwa ṣie titi he nọ dekọtọn sọn osẹ́n mẹ dai, adavo enẹ he yin gbọn yise to Klisti mẹ lọ dali, yèdọ dodowiwa he nọ wá sọn Jiwheyẹwhe dè to dodonu yise tọn ji, 10  nado sọgan yọ́n ewọ po huhlọn fọnsọnku etọn tọn po gọna mahẹ tintindo to yajiji etọn lẹ mẹ, nado ze dee jo na okú he taidi ewọ tọn nkọ, 11  nado pọ́n eyin yẹn sọgan gbọn aliho depope mẹ mọ fọnsọnku tintan yí sọn oṣiọ lẹ mẹ. 12  E ma yindọ yẹn ko mọ ẹn yí kavi yẹn ko yin hinhẹn zun pipé todin wẹ gba, ṣigba yẹn to afọdona nado pọ́n eyin alọ ṣie sọgan jẹ enẹ he Klisti Jesu ko de mi na lọ go ga. 13  Mẹmẹsunnu lẹ emi, yẹn ma nọ pọ́n dee taidi dọ alọ ṣie ko jẹ e go todin gba; ṣigba onú dopo wẹ họnwun: Yẹn to jiwọn nuhe to godo lẹ go bo to vivẹnudo na nuhe to nukọn lẹ, 14  yẹn to afọdona yanwle lọ na ale oylọ olọn mẹ tọn he Jiwheyẹwhe nọ namẹ gbọn Klisti Jesu gblamẹ. 15  To whelọnu lo, mì gbọ mẹhe whèwhín to mí mẹ lẹpo ni tindo pọndohlan ehe; podọ eyin mìwlẹ tindo ayilinlẹn he gbọnvo to aliho depope mẹ, Jiwheyẹwhe na de pọndohlan he sọgbe lọ hia mì. 16  To popolẹpo mẹ, sọgbe hẹ obá he mẹ mí ko yinukọn jẹ, mì gbọ mí ni nọ to zọnlin jijlọ zìn sọgbe hẹ aliho nuyiwa tọn ehe dopolọ. 17  Mẹmẹsunnu lẹ emi, mì nọ hodo apajlẹ ṣie to pọmẹ bo ze nukun mìtọn do mẹhe to zọnlinzin to aliho he sọgbe hẹ apajlẹ he mí zedai na mì lẹ ji. 18  Na mẹsusu wẹ tin, yẹn nọ saba dọho gando yé go whẹwhẹ ṣigba todin, yẹn sọ yí avi do to hodọ gando yé go, yé mẹhe to zọnlinzin di kẹntọ yatin Klisti tọn lẹ, 19  podọ vasudo wẹ to tenọpọn yé, adọgo yetọn sọ wẹ yẹwhe yetọn, bọ yé nọ mọ gigo to nuhe dona huwinyan na yé lẹ mẹ, podọ yé nọ ze ayiha yetọn do onú aigba ji tọn lẹ ji. 20  Na míwlẹ tọn, olọn mẹ wẹ tòvi-yinyin mítọn te, fie mí sọ yí jejejininọ do to tenọpọn mẹwhlẹngántọ de sọn, yèdọ Oklunọ Jesu Klisti, 21  mẹhe na vọ́ agbasa mítọn he yìdo lọ jlado bo na hẹn ẹn sọgbe hẹ agbasa gigonọ etọn to kọndopọ mẹ hẹ nuyiwa huhlọn he e tindo tọn, yèdọ nado hẹn onú lẹpo zun mẹmẹglọ na ede.

Nudọnamẹ Odò Tọn

Flp 3:2* Enẹ wẹ, gbẹtọ mawé lẹ.
Flp 3:2* Enẹ wẹ, mẹhe nọ gboadà lẹ.