Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Filipinu lẹ 4:1-23

4  Enẹwutu, mẹmẹsunnu mẹyiwanna ṣie he yẹn tindo ojlo vẹkuvẹku na lẹ emi, mì mẹhe yin ayajẹ po jẹgbakun ṣie po, mì nọtegli to aliho ehe mẹ to Oklunọ mẹ.  Yẹn dotuhomẹna Euodia podọ yẹn dotuhomẹna Sintiki nado tindo linlẹn dopolọ to Oklunọ mẹ.  Mọwẹ, yẹn sọ biọ to hiẹ, azọ́nwahẹmẹtọ nugbo lọ si nado nọ to alọgọna yọnnu ehelẹ he ko dovivẹnu to kọndopọ mẹ hẹ mi to wẹndagbe lọ mẹ to pọmẹ hẹ Klementi gọna azọ́nwatọ hatọ ṣie he pò lẹ, mẹhe oyín yetọn tin to owe ogbẹ̀ tọn lọ mẹ.  Mì nọ jaya to Oklunọ mẹ to whepoponu. Yẹn na vọ́ dọ whladopo dogọ, Mì nọ jaya!  Mì gbọ lẹnpọn dagbenọ-yinyin mìtọn ni yin yinyọnẹn na gbẹtọ lẹpo. Oklunọ to yakẹ.  Mì yin magbọjẹnọ na nudepope blo, ṣigba to onú lẹpo mẹ, mì nọ yí odẹ̀, ovẹ̀, po pẹdido po do hẹn obiọ mìtọn lẹ zun yinyọnẹn na Jiwheyẹwhe;  jijọho Jiwheyẹwhe tọn he yiaga hugan linlẹn lẹpo nasọ họ́ ahun mìtọn po nugopipe apọ̀nmẹ tọn mìtọn po gbọn Klisti Jesu gblamẹ.  To popolẹpo mẹ, mẹmẹsunnu lẹ emi, onú depope he yin nugbo, onú depope he jẹna yẹyi, onú depope he yin dodo, onú depope he yin wiwe, onú depope he jẹna owanyi, onú depope he yè nọ dọho etọn dagbe, eyin jijọ dagbe de tin podọ eyin nuhe jẹna pipà de tin, mì nọ to onú ehelẹ lẹnpọn zọnmii.  Onú he mì ko plọn bo kẹalọyi bosọ sè bo mọ sọn dè e lẹ, mì nọ basi ehelẹ; Jiwheyẹwhe jijọho tọn nasọ nọhẹ mì. 10  Yẹn nọ jaya tlala to Oklunọ mẹ dọ todin, mìwlẹ ko sọ vọ́ jẹ nulẹnpọn ji gando yẹn go to godo mẹ, ehe mì ko nọ lẹnpọn dai na taun tọn, ṣigba mì ma tindo dotẹnmẹ hundote lọ. 11  Yẹn ma to hodọ gando matindo ṣie go gba, na yẹn ko plọn nado tindo pekọ mahopọnna ninọmẹ depope he mẹ yẹn tin te. 12  Na nugbo tọn, yẹn yọ́n lehe yẹn sọgan nọgbẹ̀ po onú vude po do, na nugbo tọn, yẹn yọ́n lehe yẹn sọgan nọgbẹ̀ po onú susugege po do. To onú lẹpo mẹ podọ to ninọmẹ lẹpo mẹ, yẹn ko plọn aṣli lehe yẹn sọgan dù gọ́ho do tọn podọ lehe yẹn sọgan nọ huvẹ do tọn, lehe yẹn sọgan tindo susugege do tọn podọ lehe yẹn sọgan jiya matindo tọn do. 13  To onú lẹpo mẹ, yẹn tindo huhlọn lọ gbọn ewọ he nọ na mi huhlọn dali. 14  Etomọṣo, mìwlẹ wà dagbe nado lẹzun mimátọ hẹ mi to nukunbibia ṣie mẹ. 15  Na taun tọn, mì Filippinu lẹ yọnẹn ga dọ to bẹjẹeji wẹndagbe lọ lilá tọn, to whenue yẹn tọ́n sọn Makedonia, agun depope ma tindo mahẹ po yẹn po to whẹho ninamẹ po mimọyi tọn po mẹ, adavo mìwlẹ kẹdẹ; 16  na etlẹ yin to Tẹsalonika, mìwlẹ do onú hlan mi whla dopo podọ whla awetọ na nuhudo ṣie. 17  E ma yindọ yẹn to nunina lọ dín vẹkuvẹku wẹ gba, ṣigba sinsẹ́n he nọ hẹn ale susu wá na mì lọ dín wẹ yẹn te vẹkuvẹku. 18  Ṣigba, yẹn tindo onú lẹpo to gigọ́ mẹ bo tindo susugege. Yẹn tindo pekọ, todin he yẹn ko mọ onú lẹ yí sọn mì dè gbọn Epafloditu dali, yèdọ owán vivi de, avọ́sinsan he yin alọkẹyi de, he nọ hẹn homẹhun Jiwheyẹwhe. 19  Taidi kọdetọn de, Jiwheyẹwhe na na mì nuhe mì tindo nuhudo etọn lẹpo to gigọ́ mẹ sọgbe hẹ adọkun gigonọ etọn gbọn Klisti Jesu gblamẹ. 20  Todin, gigo ni tin hlan Jiwheyẹwhe podọ Otọ́ mítọn kakadoi podọ doidoi. Niṣẹ.* 21  Mì yí nudọdomẹ ṣie lẹ na omẹ wiwe lẹpo he to kọndopọ mẹ hẹ Klisti Jesu. Mẹmẹsunnu he tin po yẹn po lẹ yí nudọdomẹ yetọn hlan mì. 22  Omẹ wiwe lẹpo, ṣigba titengbe mẹhe to whédo Sesali tọn mẹ lẹ yí nudọdomẹ yetọn hlan mì. 23  Nukundagbe majẹhẹ Oklunọ Jesu Klisti tọn ni tin hẹ gbigbọ he mì dohia.

Nudọnamẹ Odò Tọn

Flp 4:20 Pọ́n Lo 1:25, nudọnamẹ odò tọn.