Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Efesunu lẹ 3:1-21

3  Na ehe wutu, yẹn Paulu, he yin gàntọ de na Klisti Jesu tọn wutu do ota mì omẹ akọta lẹ tọn mẹ—  na nugbo tọn, eyin mìwlẹ ko sè gando họ̀nkọnsi-zọ́n he yin nukundagbe majẹhẹ Jiwheyẹwhe tọn he yin nina mi na mìtọn wutu lọ go,  na gbọn osọhia de dali wẹ aṣli wiwe lọ yin hinhẹn zun yinyọnẹn na mi, kẹdẹdile yẹn ko kàn to kleun mẹ do wayi.  Enẹwutu, mìwlẹ whenuena mì hia ehe, mì sọgan yọ́n nukunnumọjẹnumẹ he yẹn tindo gando aṣli wiwe Klisti tọn go.  To whẹndo he ko wayi lẹ mẹ, aṣli ehe ma ko yin hinhẹn zun yinyọnẹn na gbẹtọ lẹ dile e ko yin didehia apọsteli wiwe etọn lẹ po yẹwhegán lẹ po gbọn gbigbọ dali todin do,  yèdọ, na omẹ akọta lẹ tọn nido yin gudutọgbẹ́ podọ awutugonu agbasa dopolọ tọn lẹ po mahẹtọ opagbe lọ tọn lẹ po hẹ mí to kọndopọ mẹ hẹ Klisti Jesu gbọn wẹndagbe lọ gblamẹ.  Yẹn lẹzun lizọnyizọnwatọ ehe tọn sọgbe hẹ nunina vọnu nukundagbe majẹhẹ Jiwheyẹwhe tọn he ko yin nina mi to kọndopọ mẹ hẹ aliho he mẹ huhlọn etọn nọ yinuwa te.  Yẹn mẹhe whè hú mẹhe yin pẹvi pete to omẹ wiwe lẹpo mẹ wẹ nukundagbe majẹhẹ ehe yin nina, na yẹn nido lá wẹndagbe lọ gando dona susugege mayọnjlẹ Klisti tọn go na akọta lẹ  bo nado hẹn gbẹtọ lẹ nado mọ lehe aṣli wiwe lọ ko yin anadena do, yèdọ aṣli lọ he ko yin whiwhla* sọn ojlẹ dindẹn die gbọn Jiwheyẹwhe he dá onú lẹpo lọ dali. 10  Ehe yinmọ, na adà susu nuyọnẹn Jiwheyẹwhe tọn nido sọgan yin hinhẹn zun yinyọnẹn gbọn agun lọ gblamẹ todin na gandudu lẹ podọ na aṣẹpipa he tin to olọn mẹ lẹ, 11  sọgbe hẹ lẹndai madopodo he ewọ wleawu etọn to kọndopọ mẹ hẹ Klisti Jesu Oklunọ mítọn, 12  mẹhe gblamẹ míwlẹ tindo awuvivo hodidọ tọn ehe te podọ nado dọnsẹpọ po jidide po gbọn yise mítọn to ewọ mẹ gblamẹ. 13  Enẹwutu, yẹn biọ to mì si ma nado gbọjọ na nukunbibia ṣie ehelẹ do ota mìtọn mẹ wutu, na ehelẹ yin gigo na mì. 14  Na ehe wutu, yẹn jẹklo to Otọ́ lọ nukọn, 15  mẹhe dè whẹndo he tin to olọn mẹ podọ to aigba ji lẹ mọ oyín yetọn yí sọn, 16  na ewọ nido sọgan na mì sọgbe hẹ gigo susugege etọn nado sọgan hẹn gbẹtọ he mì yin to homẹ zun hlọnhlọnnọ gbọn huhlọn gbigbọ etọn tọn gblamẹ, 17  na Klisti nido nọ nọ̀ ahun mìtọn mẹ po owanyi po gbọn yise mìtọn gblamẹ; na mìwlẹ nido doadọ̀do bo yin hinhẹn lodo do dodonu lọ ji, 18  na mìwlẹ po omẹ wiwe lẹpo po nido sọgan penugo mlẹnmlẹn nado mọnukunnujẹ nuhe gbigblo, tedidi, jiyiyi po sisosiso po yin lọ mẹ, 19  podọ nado yọ́n owanyi Klisti tọn he yiaga hugan oyọnẹn, na mìwlẹ nido yin hinhẹn gọ́ po gigọ́-yinyin he Jiwheyẹwhe nọ namẹ lẹpo po. 20  Todin, sọgbe hẹ huhlọn etọn he to nuyiwa to mí mẹ, na omẹ lọ he sọgan wà susu tlala hú nuhe mí biọ kavi lẹn lẹpo, 21  ewọ wẹ gigo ni tin na gbọn agun lọ gblamẹ podọ gbọn Klisti Jesu gblamẹ hlan whẹndo lẹpo kakadoi podọ doidoi. Niṣẹ.*

Nudọnamẹ Odò Tọn

Efe 3:9* To paa mẹ, “yin whiwhla do Jiwheyẹwhe mẹ.”
Efe 3:21* Pọ́n Lo 1:25, nudọnamẹ odò tọn.