Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Efesunu lẹ 2:1-22

2  Humọ, mìwlẹ wẹ Jiwheyẹwhe ko hẹnwa ogbẹ̀ dile mì tlẹ ko yin oṣiọ to sẹ́nmẹjijẹ po ylando mìtọn lẹ po mẹ,  ehe mẹ mìwlẹ ko nọ zinzọnlin te to ojlẹ de mẹ wayi sọgbe hẹ titonu aihọn ehe tọn, to kọndopọ mẹ hẹ ogán he paṣẹ do jẹhọn ji, yèdọ gbigbọ he to nuyiwa todin to tolivẹtọ lẹ mẹ.  Mọwẹ, mímẹpo wẹ ko to ṣẹnṣẹn yetọn to ojlẹ de mẹ wayi bo ko nọ yinuwa to kọndopọ mẹ hẹ ojlo agbasalan mítọn tọn lẹ, bosọ nọ to nuhe yin ojlo agbasalan po linlẹn tọn lẹ po wà, podọ to jọwamọ-liho ovi homẹgble tọn wẹ míwlẹ kẹdẹdi mẹhe pò lẹ.  Ṣigba, Jiwheyẹwhe, mẹhe lẹblanu etọn sù tlala, na owanyi daho etọn he e yí do yiwanna mí lọ wutu,  ko hẹn mí wá ogbẹ̀ dopọ hẹ Klisti, to whenue míwlẹ tlẹ ko yin oṣiọ to sẹ́nmẹjijẹ lẹ mẹ—gbọn nukundagbe majẹhẹ dali, mìwlẹ ko yin whinwhlẹngán—  podọ ewọ hẹn mí gọwá ogbẹ̀ dopọ bo hẹn mí sinai dopọ to olọn mẹ to kọndopọ mẹ hẹ Klisti Jesu,  na to titonu he ja lẹ mẹ, nukundagbe majẹhẹ susugege he ma yọnjlẹ etọn nido sọgan yin didohia mí to lẹblanu etọn hlan mí mẹ to kọndopọ mẹ hẹ Klisti Jesu.  Na nugbo tọn, gbọn nukundagbe majẹhẹ ehe dali, mìwlẹ ko yin whinwhlẹngán gbọn yise gblamẹ; podọ ehe ma yin na vivẹnudido mìtọn wutu, nunina Jiwheyẹwhe tọn wẹ.  Lala, e ma yin na azọ́n lẹ wutu, na omẹ depope nikaa tindo dodonu nado doawagun. 10  Na azọ́n alọ etọn tọn wẹ mí yin bo yin didá to kọndopọ mẹ hẹ Klisti Jesu na azọ́n dagbe lẹ, ehe Jiwheyẹwhe ko wleawu etọn dai na mí jẹnukọn nado zinzọnlin to yé mẹ. 11  Enẹwutu, mì nọ hẹn do ayiha mẹ dọ, omẹ akọta lẹ tọn wẹ mìwlẹ yin dai to agbasalan-liho; “adàmagbonọ” wẹ mẹhe yè yí alọ do “gboadà” na to agbasalan-liho lẹ nọ ylọ mì dọ— 12  dọ to ojlẹ enẹ mẹ, mìwlẹ ma tindo Klisti, bo jẹla na akọta Islaeli tọn bosọ yin jonọ lẹ na alẹnu opagbe lọ tọn lẹ, podọ mì ma tindo todido depope bo masọ tindo Jiwheyẹwhe to aihọn mẹ. 13  Ṣigba, to kọndopọ mẹ hẹ Klisti Jesu, mì mẹhe ko to olá to ojlẹ de mẹ wayi ko wá sẹpọ todin gbọn ohùn Klisti tọn dali. 14  Na ewọ wẹ yin jijọho mítọn, ewọ he hẹn adà awe lọ lẹ yin dopo bo họ́ adó* he gbò ṣẹnṣẹn yetọn lọ sẹ̀. 15  Gbọn agbasalan etọn dali, ewọ de okẹ̀n lọ sẹ̀, yèdọ Osẹ́n lọ he bẹ gbedide lẹ po osẹ́ndoai lẹ po hẹn, na ewọ nido sọgan yí omẹ awe lọ lẹ do dá omẹ yọyọ dopo to kọndopọ mẹ hẹ ede bo na hẹn jijọho wá; 16  na ewọ nido sọgan gbọwhẹ na omẹ awe lọ lẹ mlẹnmlẹn to agbasa dopo mẹ hlan Jiwheyẹwhe gbọn yatin lọ gblamẹ, na ewọ ko sukúndona okẹ̀n lọ gbọn edetiti gblamẹ. 17  Podọ ewọ wá bo lá wẹndagbe jijọho tọn na mì, yèdọ mì mẹhe to olá lẹ po mẹhe sẹpọ lẹ po, 18  na gbọn ewọ gblamẹ, mí omẹ awe lẹ penugo nado dọnsẹpọ Otọ́ lọ gbọn gbigbọ dopo dali. 19  Enẹwutu, e họnwun dọ, mì masọ yin jonọ lẹ po mẹhe to jonọ-gbéji lẹ po ba, ṣigba mì yin tòvi hatọ omẹ wiwe lẹ tọn podọ hagbẹ whédo Jiwheyẹwhe tọn tọn lẹ, 20  mì ko sọ yin didó daga do dodonu apọsteli lẹ po yẹwhegán lẹ po tọn ji, to whenuena e yindọ Klisti Jesu lọsu wẹ dodonu họ̀gosu tọn lọ. 21  To kọndopọ mẹ hẹ ewọ, na ohọ̀ lọ blebu ko yin kinkọndopọ pẹkipẹki wutu, e to whinwhẹ́n zun tẹmpli wiwe de na Jehovah. 22  To kọndopọ mẹ hẹ ewọ, mìlọsu lẹ ga to yinyin didó daga dopọ zun nọtẹn de na Jiwheyẹwhe nado nọ nọ̀ gbọn gbigbọ dali.

Nudọnamẹ Odò Tọn

Efe 2:14* Alọdlẹndonu he ma yin tlọlọ hlan adó he gbò tẹmpli lọ mẹ bo nọ glọnalina Kosi lẹ ma nado nọ biọ awánu he yin Ju lẹ kẹdẹ tọn lẹ mẹ.