Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

3 Johanu 1:1-14

1  Yẹn sunnu mẹho lọ, to wekanhlan Gaiu, mẹyiwanna lọ, he yẹn yiwanna nugbonugbo.  Mẹyiwanna, yẹn nọ hodẹ̀ dọ to onú lẹpo mẹ hiẹ ni tin to ninọmẹ dagbe mẹ bosọ tindo agbasalilo dagbe, kẹdẹdile alindọn towe tin to ninọmẹ dagbe mẹ do.  Na yẹn jaya tlala to whenuena mẹmẹsunnu lẹ wá bo dekunnu gando lehe hiẹ to nugbo lọ hẹn do go, kẹdẹdile hiẹ to zọnlinzin zọnmii to nugbo lọ mẹ do.  Yẹn ma tindo onú devo de he nọ hẹn mi jaya hú ehelẹ, dọ yẹn ni to sisè dọ ovi ṣie lẹ to zọnlinzin zọnmii to nugbo lọ mẹ.  Mẹyiwanna, hiẹ nọ yin nugbonọ to nudepope he hiẹ to wiwà na mẹmẹsunnu lẹ mẹ, mahopọnna dọ jonọ wẹ yé,  yèdọ, yé mẹhe ko dekunnu owanyi towe tọn to agun lọ nukọn. Omẹ ehelẹ wẹ hiẹ ni jaale bo dohlan yì fie yé jei to aliho he jẹ to Jiwheyẹwhe nukunmẹ de mẹ.  Na oyín etọn wutu wẹ yé do tọ́nyi, bo ma yí nudepope sọn omẹ akọta lẹ tọn si.  Enẹwutu, míwlẹ tin to dandannu glọ nado yí omẹ mọnkọtọn lẹ po gbigbọ johẹmẹ tọn po, na mí nido lẹzun azọ́nwatọ hatọ lẹ to nugbo mẹ.  Yẹn kàn owe de hlan agun lọ, ṣigba Diotlefe, he nọ jlo nado tin to otẹn tintan mẹ to ṣẹnṣẹn yetọn, ma nọ kẹalọyi nudepope sọn mí dè po sisi po. 10  Enẹ wẹ zọ́n bọ, eyin yẹn wá, yẹn na hẹn azọ́n etọn he e zindonukọn nado to wiwà lẹ wá oflin mẹ, yèdọ ohó ylankan he e nọ wlá dọ do mí go lẹ. Humọ, ehelẹ masọ pé e, ewọ lọsu ma nọ yí mẹmẹsunnu lẹ po sisi po, podọ mẹhe to jijlo nado yí yé lẹ, e nọ tẹnpọn nado glọnalina yé podọ nado yàn yé jẹgbonu sọn agun lọ mẹ. 11  Mẹyiwanna, ma hodo apajlẹ nuhe yin oylan tọn blo, ṣigba nuhe yin dagbe tọn. Ewọ he nọ wà dagbe wá sọn Jiwheyẹwhe dè. Ewọ he nọ wà oylan ma ko mọ Jiwheyẹwhe. 12  Ṣigba, gando Demetliu go, yemẹpo gọna nugbo lọ lọsu wẹ ko dekunnu ewọ tọn. Na nugbo tọn, míwlẹ lọsu ga to kunnude, podọ hiẹ yọnẹn dọ nugbo wẹ kunnudide mítọn. 13  Yẹn tindo nususu nado kàn hlan we, ṣogan yẹn ma jlo nado to wekanhlan we zọnmii gbọn wesin po wekantin po yiyizan dali. 14  Ṣigba yẹn to linlẹn nado mọ we to niyaniya mẹ, bọ mí na dọho nukun sọ nukun. Jijọho ni tin hlan we. Họntọn lẹ yí nudọdomẹ yetọn hlan we. Dọnudo họntọn lẹ dopodopo na mi gbọn yinkọ dali.

Nudọnamẹ Odò Tọn