Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Timoti 4:1-22

4  Yẹn degbena we vivẹvivẹ to Jiwheyẹwhe nukọn podọ to Klisti Jesu nukọn, yèdọ mẹhe yin dide nado dawhẹna mẹhe to ogbẹ̀ po oṣiọ lẹ po, podọ gbọn awusọhia etọn po ahọluduta etọn po dali,  dọ hiẹ ni nọ dọyẹwheho ohó lọ tọn, gbọṣi e kọ̀n po niyaniya-yinyin po to ojlẹ he bọawu mẹ podọ to ojlẹ awusinyẹn tọn mẹ, nọ yí linsinsinyẹn po azọ́nyinyọnẹn mẹpinplọn tọn lẹpo po do wọhẹmẹ, do gbẹnunamẹ, do dotuhomẹnamẹ.  Na ojlẹ lọ ja whenuena yé ma na nọ tẹdo oplọn he pegan lọ go, ṣigba to kọndopọ mẹ hẹ ojlo yetọn titi lẹ, yé na bẹ mẹplọntọ lẹ pli he na nọ dọ nuhe otó yetọn jlo na sè lẹ na yé;  podọ yé na lẹ́ otó yetọn sọn nugbo lọ ji, yé nasọ lẹhlan otàn lalo lẹ kọ̀n.  Ṣigba, hiẹ ni gbọṣi lẹnpọn dagbenọ-yinyin towe mẹ to onú lẹpo mẹ, nọ jiya kanyinylan tọn, bo nọ wà azọ́n wẹndagbe-jlatọ tọn, bosọ nọ hẹn lizọnyizọn towe di to gigọ́ mẹ.  Na yẹn ko to yinyin kinkọnyinai taidi avọ́nunina nùnù de, podọ ojlẹ sisọ lọ na tundote ṣie ko sẹpọ.  Yẹn ko hoavùn dagbe lọ, yẹn ko họ̀n alèwezun lọ jẹ vivọnu, yẹn ko tẹdo yise lọ go.  Sọn din sọyi, jẹgbakun dodowiwa tọn ko yin zizewhla na mi, ehe Oklunọ, whẹdatọ dodonọ lọ na na mi taidi ale de to azán enẹ gbè, ṣogan e ma yin na yẹn kẹdẹ, ṣigba na mẹhe yiwanna awusọhia etọn lẹpo ga.  Wà nuhe go a pé lẹpo nado wá dè e to madẹnmẹ. 10  Na Dema ko gbẹ́ mi dai, na ewọ yiwanna titonu dintọn lọ wutu, podọ e ko yì Tẹsalonika; Klẹskẹni yì Galatia, Titu yì Dalmatia. 11  Luku kẹdẹ wẹ tin to dè e. Plan Malku bo hẹn ẹn wá, na ewọ yọ́n-na-yizan na mi na lizọnyizọn lọ. 12  Ṣigba, yẹn ko do Tikiku hlan Efesu. 13  Eyin hiẹ ja, hẹn awù daho he yẹn jodo Tloa wá po Kalpu po, gọna owe-hihá lọ lẹ, titengbe ayú-wema lẹ. 14  Alẹkzandle he yin ayátọ gànvẹẹ tọn wà oylan susu do mi—Jehovah na suahọ ẹ sọgbe hẹ walọ etọn lẹ— 15  podọ hiẹ lọsu ga ni họ́ dewe gando e go, na ewọ diọnukunsọ ohó mítọn lẹ zẹjlẹgo. 16  To avùnlọyiyi ṣie tintan mẹ, mẹdepope ma wá adà ṣie mẹ, ṣigba yemẹpo wẹ jẹ gbigbẹ́ mi dai ji—na e ni ma yin hihia dokọna yé blo— 17  ṣigba Oklunọ ṣite to dè e bo na mi huhlọn, na yẹn nido sọgan dọyẹwheho lọ mlẹnmlẹn, na akọta lẹpo nido sọgan sè e; podọ yẹn yin whinwhlẹn sọn onù kinnikinni tọn mẹ. 18  Oklunọ na whlẹn mi sọn azọ́n ylankan lẹpo mẹ bo na whlẹn mi gán bo nasọ hẹn mi biọ ahọluduta olọn tọn etọn mẹ. Gigo ni tin hlan ewọ kakadoi podọ doidoi. Niṣẹ.* 19  Yí nudọdomẹ ṣie lẹ na Pliska po Akuila po gọna whédo Onesifọlu tọn. 20  Elastu gbọṣi Kọlinti, ṣigba Tlofimu to azọ̀njẹ bọ yẹn jo e do Miletu. 21  Wà nuhe go a pé lẹpo nado wá jẹnukọnna ojlẹ avivọ-whenu tọn. Eubulu yí nudọdomẹ etọn lẹ hlan we, Pudeni, Linu, Klaudia po mẹmẹsunnu lẹpo po wàmọ ga. 22  Oklunọ ni tin hẹ gbigbọ he hiẹ dohia. Nukundagbe majẹhẹ etọn ni tin hẹ mì.

Nudọnamẹ Odò Tọn

2Ti  4:18* Pọ́n Lo 1:25, nudọnamẹ odò tọn.