Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Timoti 3:1-17

3  Ṣigba, hiẹ ni yọ́n ehe, dọ to azán godo tọn lẹ mẹ, ojlẹ awusinyẹn tọn he vẹawu nado pehẹ lẹ na wá tin.  Na gbẹtọ lẹ na yin wanyina mẹdetiti tọ́, wanyina akuẹtọ, mẹdezedagatọ, saklanọ, nùzantọ, tolivẹtọ do mẹjitọ go, mayọndagbenọ, nugbomadọtọ,  owanyi jọwamọ tọn matindotọ, mẹhe ma nọ tindo gbigbọ gbekọndopọ tọn, mẹhẹngbletọ, wazẹjlẹgonọ, kanylantọ, mẹhe ma tindo owanyi na dagbewà,  mẹdehiatọ, tasinyẹntọ, mẹhe nọ gbọn kikla dali yigo, wanyina gbẹdudu tọ́ kakati nido yin wanyina Jiwheyẹwhe tọ́,  yé tindo awusọhia mẹdezejo na Jiwheyẹwhe tọn ṣigba yé mọ́n huhlọn etọn; podọ omẹ ehelẹ dè wẹ hiẹ ni joagọ sọn.  Na sọn yewlẹ mẹ wẹ omẹ enẹlẹ he nọ yí ayiha gigẹdẹ do dín aliho biọ whédo lẹ mẹ nọ fọ́n sọn bo nọ hẹn yọnnu madogánnọ he ko tlọ biọ ylando mẹ lẹ zun kanlinmọ, mẹhe nọ yin anadena gbọn ojlo voovo lẹ dali,  bosọ nọ to nuplọn to whepoponu ṣogan bo ma penugo gbede nado tindo oyọnẹn he pegan nugbo tọn.  Todin, aliho he mẹ Jannesi po Jambele po diọnukunsọ Mose te, mọ wẹ omẹ ehelẹ ga to nukundiọsọ nugbo lọ do, yé mẹhe ko gblezọn mlẹnmlẹn to ayiha mẹ, bo ma yin alọkẹyi to yise lọ mẹ.  Etomọṣo, yé ma na tindo nukọnyiyi dogọ ba, na nulú yetọn na họnwun hezeheze na mẹlẹpo, yèdọ kẹdẹdile nulú omẹ awe enẹlẹ tọn họnwun do. 10  Ṣigba, hiẹ ko na ayidonugo sọwhiwhe tọn hlan nuplọnmẹ ṣie, aliho gbẹzan tọn ṣie, lẹndai ṣie, yise ṣie, linsinsinyẹn ṣie, owanyi ṣie, akọndonanu ṣie, 11  homẹkẹn ṣie lẹ, yajiji ṣie lẹ, nuhe nkọ jọ do go e to Antioku, to Ikonioni, to Listla, yèdọ homẹkẹn he nkọ yẹn doakọnna lẹ; ṣogan Oklunọ whlẹn mi sọn yemẹpo mẹ. 12  Na nugbo tọn, mẹhe to jijlo nado nọgbẹ̀ po mẹdezejo na Jiwheyẹwhe po to kọndopọ mẹ hẹ Klisti Jesu lẹpo na yin homẹkẹndo ga. 13  Ṣigba, omẹ ylankan lẹ po mẹblutọ lẹ po na to yinylan deji dogọ, yé na to mẹklọ bo nasọ to yinyin kiklọ. 14  Ṣigba, hiẹ ni zindonukọn to nuhe hiẹ ko plọn bo ko yin linlẹndiọna nado yise lẹ mẹ, na hiẹ yọ́n mẹhe dè hiẹ plọn yé sọn lẹ 15  podọ sọn ovu whenu gbọ́n wẹ hiẹ ko yọ́n kandai wiwe lẹ, ehe penugo nado hẹn we yin nuyọnẹntọ na whlẹngán gbọn yise he tin to kọndopọ mẹ hẹ Klisti Jesu gblamẹ. 16  Owe-wiwe lẹpo wẹ yin gbigbọdo sọn Jiwheyẹwhe dè bo yin alenu na mẹpinplọn, na wọhẹmẹ, na onú lẹ hinhẹn sọgbe, na mẹplọnlọdidomẹgo to dodowiwa mẹ, 17  na omẹ Jiwheyẹwhe tọn nido sọgan pegan to gigọ́ mẹ, bo yin hinhẹn sọgbe mlẹnmlẹn na azọ́n dagbe lẹpo.

Nudọnamẹ Odò Tọn