Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Pita 3:1-18

3  Mẹyiwanna lẹ emi, ehe wẹ wekanhlanmẹ awetọ he yẹn to kinkàn hlan mì todin, to ehe mẹ yẹn gbọn nuflinmẹ dali do to nugopipe nulẹnpọn ganji tọn mìtọn lẹ fọndote, kẹdẹdile yẹn ko basi do to tintan lọ mẹ,  na mì nido flin nuhe yẹwhegán wiwe lẹ ko dọ wayi lẹ podọ gbedide Oklunọ po Mẹwhlẹngántọ lọ po tọn he yin nina gbọn apọsteli mìtọn lẹ gblamẹ.  Na mì yọ́n ehe whẹ́, dọ to azán godo tọn lẹ mẹ, mẹṣankotọ lẹ na wá po mẹṣanko yetọn po, bo na to zọnlinzin sọgbe hẹ ojlo yetọn titi lẹ  bo na to didọmọ: “Fie wẹ tintin tofi etọn he yin opagbe etọn dó lọ te? Yèdọ, sọn azán he gbè tọgbo mítọn lẹ ko damlọn to okú mẹ, mọ wẹ onú lẹpo gbẹ́ te kẹdẹdile e te do pẹpẹ sọn bẹjẹeji nudida tọn gbọ́n.”  Na, sọgbe hẹ ojlo yetọn, yé wọnji nugbo ehe go dọ, gbọn ohó Jiwheyẹwhe tọn dali, olọn lẹ ko tin sọn hohowhenu po aigba de po he mlindopọ jẹgbonu sọn osin mẹ podọ to osin ṣẹnṣẹn;  podọ gbọn onú enẹlẹ dali, aihọn whenẹnu tọn yin vivasudo to whenuena yè yí osin do gọ́ ẹ.  Ṣigba gbọn ohó dopolọ dali, olọn lẹ po aigba lọ po he tin todin yin whiwhla na miyọ́n bo to yinyin hihla dai na azán whẹdida tọn po vasudo omẹ jijọ-madi-Jiwheyẹwhe tọn lẹ tọn po.  Etomọṣo, mẹyiwanna lẹ emi, mì dike bo wọn nugbo dopo ehe blo, dọ azán dopo to Jehovah dè taidi owhe fọtọ́n podọ owhe fọtọ́n taidi azán dopo.  Jehovah ma to gbàndọn gando opagbe etọn go, dile mẹdelẹ nọ lẹn gbàndindọn do, ṣigba e to homẹfa na mìtọn wutu, na e ma jlo dọ mẹdepope ni yin vivasudo ṣigba jlo dọ mẹlẹpo ni wá lẹnvọjọ kọ̀n. 10  Ṣogan azán Jehovah tọn na wá taidi ajotọ, to ehe mẹ olọn lẹ na juwayi plaun to nudidọ sinsinyẹn de mẹ, ṣigba nugonu he hùnmiyọ́n sinsinyẹn lẹ na yọ́, bọ aigba po azọ́n he tin to e mẹ lẹ po na yin didehia. 11  To whenuena e yindọ onú ehe lẹpo na gbọnmọ dali yin hinhẹn yọ́, omẹ nankọ wẹ e jẹ dọ mìwlẹ ni yin to walọ wiwe lẹ po nuyiwa mẹdezejo na Jiwheyẹwhe tọn lẹ po mẹ, 12  dile mì to tenọpọn bo to hinhẹn tintin tofi azán Jehovah tọn do ayiha mẹ gligli, to ehe mẹ olọn he to miyọ́n ji lẹ na yọ́ bọ nugonu he hùnmiyọ́n sinsinyẹn lẹ na yọ́! 13  Ṣigba kẹdẹdi opagbe etọn, olọn yọyọ lẹ po aigba yọyọ de po tin he míwlẹ to tenọpọn, podọ ofi ehelẹ wẹ dodowiwa na nọ nọ̀. 14  Enẹwutu, mẹyiwanna lẹ emi, to whenuena e yindọ mì to tenọpọn onú ehelẹ, mì wà nuhe go mì pé lẹpo na ewọ nido mọ mì to godo mẹ madodiho, madoblọ podọ to jijọho mẹ. 15  Humọ, mì nọ pọ́n homẹfa Oklunọ mítọn tọn hlan taidi whlẹngán, kẹdẹdile mẹmẹsunnu mẹyiwanna mítọn Paulu ko kanwe etọn hlan mì do ga sọgbe hẹ nuyọnẹn he yin nina ẹn, 16  bo to hodọ gando onú ehelẹ go dile ewọ nọ wà do to wekanhlanmẹ etọn lẹpo mẹ. Ṣigba, onú delẹ tin to yé mẹ he vẹawu nado mọnukunnujẹemẹ, ehe mẹhe gbọagba nupinplọn tọn po mẹhe ma lodo lẹ po nọ to kọslona, kẹdẹdile yé nọ basi do ga na pipotọ Owe-wiwe lẹ tọn, na vasudo yedetiti tọn. 17  Enẹwutu, mì mẹyiwanna lẹ emi, na mì ko yọ́n ehe jẹnukọn, mì nọ họ́ mìde na mì nikaa yin dindọn yì gbọn nuṣiwa mẹhe nọ diọnukunsọ osẹ́n lẹ tọn dali bo jai sọn tenọgligli mìtọn mẹ. 18  Lala, ṣigba mì to whinwhẹ́n zọnmii to nukundagbe majẹhẹ po oyọnẹn Oklunọ Mẹwhlẹngántọ mítọn Jesu Klisti po tọn mẹ. Ewọ tọn wẹ gigo todin podọ kaka yì ojlẹ madopodo.

Nudọnamẹ Odò Tọn