Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Johanu 1:1-13

1  Yẹn sunnu mẹho lọ, to wekanhlan yọnnu dide lọ po ovi etọn lẹ po, he yẹn yiwanna nugbonugbo, podọ e ma yin yẹn kẹdẹ, ṣigba mẹhe ko wá yọ́n nugbo lọ lẹpo ga.  Míwlẹ yiwanna mì na nugbo he gbọṣi mí mẹ lọ wutu, podọ e na tin hẹ mí kakadoi.  Nukundagbe majẹhẹ, lẹblanu po jijọho po sọn Jiwheyẹwhe Otọ́ dè podọ sọn Jesu Klisti Visunnu Otọ́ lọ tọn dè na tin hẹ mí, to nugbo po owanyi po mẹ.  Yẹn nọ jaya tlala na yẹn ko mọdọ delẹ to ovi towe lẹ mẹ to zọnlinzin to nugbo lọ mẹ, kẹdẹdile mí ko mọ gbedide lọ yí sọn Otọ́ lọ dè do.  Enẹwutu, yẹn to bibiọ to hiẹ si todin, hiẹ yọnnu e, taidi mẹhe to wekanhlan we, e ma yin gando gbedide yọyọ de go, ṣigba gando dehe mí ko mọyi sọn whẹwhẹwhenu lọ go, dọ mí ni yiwanna ode awetọ.  Podọ ehe wẹ nuhe owanyi zẹẹmẹdo, dọ mí ni to zọnlinzin zọnmii sọgbe hẹ gbedide etọn lẹ. Ehe wẹ gbedide lọ, kẹdẹdile mìwlẹ ko sè do sọn whẹwhẹwhenu, dọ mì ni to zọnlinzin to e mẹ zọnmii.  Na mẹklọtọ susu wẹ ko sọawuhia to aihọn mẹ, yé he ma yigbe dọ Jesu Klisti wá to agbasalan mẹ lẹ. Mẹklọtọ lọ po agọjẹdoklistitọ lọ po niyẹn.  Mì payi mìde go, na mì nikaa hẹn sinsẹ́n azọ́n he mí ko wà lẹ tọn bu, ṣigba na mì nido sọgan mọ ale gigọ́ yí.  Mẹdepope he yinukọn zẹ̀ nuplọnmẹ Klisti tọn go bo ma gbọṣi e mẹ ma tindo Jiwheyẹwhe. Ewọ he gbọṣi nuplọnmẹ ehe mẹ, ewọ wẹ tindo Otọ́ lọ po Visunnu lọ po. 10  Eyin mẹdepope wá mì dè bo ma hẹn nuplọnmẹ ehe, mì yí i do owhé mìtọn gbè kavi dọnudo e gbede blo. 11  Na ewọ he dọnudo e yin mimátọ to azọ́n ylankan etọn lẹ mẹ. 12  Dile etlẹ yindọ yẹn tindo nususu nado kàn hlan mì, yẹn ma jlo nado wàmọ gbọn wema po wesin po yiyizan dali gba, ṣigba yẹn to linlẹn nado wá mì dè podọ nado dọho hẹ mì nukun sọ nukun, na ayajẹ mìtọn nido yin to gigọ́ mẹ. 13  Ovi nọviyọnnu towe, he yin mẹdide lọ tọn lẹ yí nudọdomẹ yetọn hlan we.

Nudọnamẹ Odò Tọn