Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Tẹsalonikanu lẹ 3:1-18

3  To popolẹpo mẹ, mẹmẹsunnu lẹ emi, mì nọ gbọṣi odẹ̀ mẹ na mí, na ohó Jehovah tọn nido sọgan to nukọnzindo po awuyiya po bo to yinyin gigopana kẹdẹdile e yin na mìwlẹ do na taun tọn;  podọ na mí nido sọgan yin whinwhlẹn sọn danuwatọ po mẹylankan lẹ po si, na yise ma yin nutindo mẹlẹpo tọn.  Ṣigba nugbonọ wẹ Oklunọ, podọ e na hẹn mì lodo bo nasọ whlá mì sọn mẹylankan lọ si.  Humọ, mí tindo jidide to Oklunọ mẹ gando mì go, dọ mì to nuhe mí degbè etọn na mì lẹ wà bo nasọ to yé wà zọnmii.  Na Oklunọ ni zindonukọn nado to anadena ahun mìtọn to aliho dagbe mẹ to owanyi Jiwheyẹwhe tọn mẹ podọ to akọndonanu na Klisti tọn wutu mẹ.  Todin, mẹmẹsunnu lẹ emi, mí to gbedena mì to oyín Oklunọ Jesu Klisti tọn mẹ, nado nọ nọla na mẹmẹsunnu depope he to nuyiwa to aliho bẹwlu tọn mẹ bọ e ma yin sọgbe hẹ aṣa he mì mọyi sọn mí dè.  Na mìlọsu lẹ yọ́n aliho he mẹ mì dona hodo apajlẹ mítọn te, na mí ma yinuwa to aliho bẹwlu tọn mẹ to ṣẹnṣẹn mìtọn gba,  mọdopolọ mí ma dùnú sọn mẹdepope dè vọnu. Kakatimọ, gbọn tuklajijẹ po magbọjẹ po to ozán po okle po dali wẹ míwlẹ nọ wazọ́n ma nado doagban pinpẹn na depope to mì mẹ to akuẹzinzan-liho.  E ma yindọ mí ma tindo jlọjẹ wẹ gba, ṣigba na mí nido do mídelẹ hia di apajlẹ de, na mìwlẹ nido nọ hodo. 10  Humọ, na nugbo tọn, to whenuena mí tin to mì dè, mí nọ saba na mì gbedide ehe dọmọ: “Eyin mẹdepope ma jlo nado wazọ́n, mọdopolọ mì dike ewọ dùnú blo.” 11  Na mí sè dọ mẹdelẹ to nuyiwa to aliho bẹwlu tọn mẹ to ṣẹnṣẹn mìtọn, bo ma nọ jlo nado wazọ́n paali ṣigba nọ to didá do nuhe ma dù yé mẹ. 12  Omẹ mọnkọtọn lẹ wẹ mí to gbedena bo to tudohomẹna to Oklunọ Jesu Klisti mẹ dọ gbọn abọẹninọ yíyí do wazọ́n dali, yé ni nọ dù núdùdù he yelọsu lẹ wleawuna. 13  Mẹmẹsunnu lẹ emi, na mìwlẹ tọn, mì gbọjọ to nuhe sọgbe wiwà mẹ blo. 14  Ṣigba, eyin mẹdepope ma setonuna ohó mítọn he tin to wekanhlanmẹ ehe mẹ, mì payi omẹ ehe go, mì sọ dogbẹ́ hẹ ẹ ba blo, na winyan nido sọgan hù i. 15  Etomọṣo, mì pọ́n ẹn taidi kẹntọ de blo, ṣigba mì zindonukọn nado nọ to tudohomẹna ẹn taidi mẹmẹsunnu. 16  Todin, na Oklunọ jijọho tọn lọsu ni na mì jijọho to whepoponu to aliho lẹpo mẹ. Oklunọ ni tin hẹ mìmẹpo. 17  Nudọdomẹ ṣie die, he yẹn Paulu yí alọ ṣie titi do kàn, ehe yin ohia de to wekanhlanmẹ lẹpo mẹ; lehe yẹn nọ kanwe do die. 18  Nukundagbe majẹhẹ Oklunọ mítọn Jesu Klisti tọn ni tin hẹ mìmẹpo.

Nudọnamẹ Odò Tọn