Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Kọlintinu lẹ 6:1-18

6  Dile mí to azọ́nwa dopọ hẹ ẹ, mí sọ to mìwlẹ vẹ̀ ma nado kẹalọyi nukundagbe majẹhẹ Jiwheyẹwhe tọn bo gbọ lẹndai etọn go.  Na ewọ dọmọ: “Yẹn sè towe to ojlẹ alọkẹyi tọn mẹ, podọ yẹn gọalọna we to azán whlẹngán tọn gbè.” Pọ́n! Din wẹ ojlẹ alọkẹyi tọn lọ na taun tọn. Pọ́n! Din wẹ azán whlẹngán tọn lọ.  Mí ma to ahlidanu depope hẹnwa to aliho depope mẹ, na lizọnyizọn mítọn ma nado yin homọdọdego;  ṣigba míwlẹ nọ do mídelẹ hia taidi lizọnyizọnwatọ Jiwheyẹwhe tọn lẹ to aliho lẹpo mẹ, gbọn akọndidona nususu dali, gbọn nukunbibia lẹ dali, gbọn nuhudo lẹ dali, gbọn awusinyẹnnamẹnu lẹ dali,  gbọn hihò lẹ dali, gbọn gànpamẹninọ lẹ dali, gbọn akọndona bẹwlu lẹ dali, gbọn tuklajijẹ lẹ dali, gbọn amlọnmadọ́ to zánmẹ lẹ dali, gbọn ojlẹ onú ma dù tọn lẹ dali,  gbọn wiwejininọ dali, gbọn oyọnẹn dali, gbọn linsinsinyẹn dali, gbọn homẹdagbe dali, gbọn gbigbọ wiwe dali, gbọn owanyi matin yẹnuwiwa dali,  gbọn ohó nugbo didọ dali, gbọn huhlọn Jiwheyẹwhe tọn dali; gbọn adanwànu dodowiwa tọn lẹ hinhẹn to adusilọ po amiyọnlọ mẹ po gblamẹ,  gbọn gigo po winyan po gblamẹ, gbọn linlin ylankan po linlin dagbe po gblamẹ; taidi mẹklọtọ lẹ ṣogan yin nugbodọtọ lẹ,  taidi mẹhe ma yin yinyọnẹn ṣogan yin yinyọnẹn ganji, taidi mẹhe to kúkú ṣogan, pọ́n! mí to ogbẹ̀, taidi mẹhe yin mẹplọnlọ do e go ṣogan ma yin jijo na okú, 10  taidi mẹhe to awubla ṣigba nọ to ayajẹ tẹgbẹ, taidi wamọnọ ṣigba nọ to mẹsusu hẹn zun adọkunnọ, taidi mẹhe ma tindo nude ṣogan tindo onú lẹpo. 11  Mì Kọlintinu lẹ emi, míwlẹ dọhona mì madoadúdẹji, ahun mítọn sọ hùndonuvo. 12  Mí ma dọ̀n owanyi sisosiso mítọn do godo sọn mì dè gba, ṣigba mìwlẹ wẹ glọnalina mìde ma nado do owanyi sisosiso hia. 13  Enẹwutu, taidi ahọsumẹ de—yẹn to hodọ taidi hlan ovi ṣie lẹ—mìlọsu ga, mì hùndonuvo. 14  Mì biọ zẹgẹ he ma sọzẹn de glọ hẹ mayisenọ lẹ blo. Na haṣinṣan tẹwẹ dodowiwa po sẹ́nhẹngba po tindo? Kavi mahẹ tẹwẹ hinhọ́n tindo hẹ zinvlu? 15  Humọ, kọndopọ tẹwẹ tin to Klisti po Beliali po ṣẹnṣẹn? Kavi mimá tẹwẹ nugbonọ de tindo hẹ mayisenọ de? 16  Podọ kọndopọ tẹwẹ tẹmpli Jiwheyẹwhe tọn tindo hẹ boṣiọ lẹ? Na tẹmpli Jiwheyẹwhe ogbẹ̀nọ tọn de wẹ míwlẹ yin; kẹdẹdile Jiwheyẹwhe dọ do dọmọ: “Yẹn na nọ nọ̀ ṣẹnṣẹn yetọn bo na nọ zinzọnlin to ṣẹnṣẹn yetọn, yẹn nasọ yin Jiwheyẹwhe yetọn, bọ yewlẹ na yin omẹ ṣie lẹ.” 17  “‘Enẹwutu, mì tọ́n sọn ṣẹnṣẹn yetọn, bo klan mìde dovo,’ wẹ Jehovah dọ, ‘mì sọ doalọ onú mawé go ba blo’”; “‘yẹn nasọ kẹalọyi mì.’” 18  “‘Podọ yẹn na yin otọ́ de na mì, bọ mìwlẹ na yin visunnu lẹ po viyọnnu lẹ po na mi,’ wẹ Jehovah Ganhunupotọ lọ dọ.”

Nudọnamẹ Odò Tọn