Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Kọlintinu lẹ 2:1-17

2  Na ehe wẹ nudide he yẹn ko basi na dee, ma nado wá mì dè whladopo dogọ to awubla mẹ.  Na eyin yẹn hẹn mì blawu, na nugbo tọn, mẹnu wẹ na tin to finẹ lo, he na hẹn homẹhun mi eyin e ma yin mẹhe yẹn ko hẹn blawu lọ lẹ?  Podọ enẹwutu wẹ yẹn kàn onú enẹ hlan mì, dọ to whenue yẹn wá, yẹn ma nado blawu na mẹhe wutu yẹn dona jaya lẹ; na yẹn tindo jidide to mìmẹpo mẹ dọ ayajẹ he yẹn tindo wẹ mìmẹpo tindo.  Na to nukunbibia susu po awufiẹsa ahun mẹ tọn po mẹ wẹ yẹn kanwe ehe hlan mì po dasin susu po, e ma yin nado hẹn mì blawu gba, ṣigba, na taun tọn, dọ mì nido sọgan yọ́n owanyi sisosiso he yẹn tindo na mì.  Todin, eyin mẹdepope ko hẹn awubla wá, e ma yin yẹn wẹ e hẹn awubla gba, ṣigba mìmẹpo wẹ e hẹnwa na jẹ obá de mẹ—yẹn ma jlo na yí hogbe he sinyẹn hugan lẹ zan.  Wọhẹ he yin nina gbọn suhugan mìtọn dali ehe ko pé na dawe mọnkọtọn,  bọ to vogbingbọn mẹ, todin, mìwlẹ nido jona ẹn sọn ojlo mẹ wá bo miọnhomẹna ẹn, na to aliho de kavi devo mẹ, dawe mọnkọtọn nikaa tlọ biọ awubla zẹjlẹgo mẹ.  Enẹwutu, yẹn dotuhomẹna mì nado hẹn ẹn deji dọ mì yiwanna ẹn.  Na ehe wutu ga wẹ yẹn to wekanhlan mì nado yọnẹn, eyin mì nọ setonu to onú lẹpo mẹ. 10  Eyin mì jo nudepope na mẹde sọn ojlo mẹ wá, yẹnlọsu wàmọ ga. Na nugbo tọn, na yẹn tọn, nudepope he yẹn ko jonamẹ sọn ojlo mẹ wá, eyin yẹn ko jo nudepope namẹ sọn ojlo mẹ wá, be na mìwlẹ tọn wutu wẹ to Klisti nukọn; 11  na alọ Satani tọn ma nado jẹ mí go, na mí ma to wunvi mẹ gando yanwle etọn lẹ go. 12  Todin, to whenue yẹn jẹ Tloa nado lá wẹndagbe lọ gando Klisti go, bọ ohọ̀n de yin hunhundonuvo na mi to Oklunọ mẹ, 13  yẹn ma mọ kọgbọ de na gbigbọ ṣie gba, na Titu mẹmẹsunnu ṣie he yẹn ma mọ wutu, ṣigba yẹn dọ e yì whedenu na yé bo dedo Makedonia. 14  Ṣigba, opẹ́ wẹ na Jiwheyẹwhe he nọ deanana mí nado zinzọnlin awhàngbigba tọn to kọndopọ mẹ hẹ Klisti to whepoponu bo nọ gbọn míwlẹ dali hẹn owán oyọnẹn etọn tọn yin sisè to filẹpo! 15  Na owán vivi Klisti tọn de wẹ míwlẹ yin na Jiwheyẹwhe to mẹhe to yinyin whinwhlẹngán lẹ ṣẹnṣẹn podọ to mẹhe to dindọn lẹ ṣẹnṣẹn; 16  owán de he to wiwá sọn okú jẹ okú na mẹhe to dindọn lẹ, owán de he to wiwá sọn ogbẹ̀ jẹ ogbẹ̀ na mẹhe to yinyin whinwhlẹngán lẹ. Podọ mẹnu wẹ pegan mlẹnmlẹn na onú ehelẹ? 17  Míwlẹ wẹ; na mí ma yin ohó Jiwheyẹwhe tọn sàtọ lẹ dile mẹsusu nọ wà do, ṣigba po ahundoponọ-yinyin po wẹ mí to hodọ, mọwẹ, dile Jiwheyẹwhe do mí hlan do, to Jiwheyẹwhe nukọn, to kọndopọ mẹ hẹ Klisti.

Nudọnamẹ Odò Tọn