Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Kọlintinu lẹ 12:1-21

12  Yẹn dona doawagun. E ma doale; ṣigba yẹn na diọ jẹ numimọ jiawu lẹ po osọhia Oklunọ tọn lẹ po ji.  Yẹn yọ́n dawe de he to kọndopọ mẹ hẹ Klisti, mẹhe yin zize sọyi olọn atọ̀ntọ mẹ to owhe wiẹnẹ die—vlavo to agbasa mẹ wẹo, yẹn ma yọnẹn, kavi e ma yin to agbasa mẹ wẹo, yẹn ma yọnẹn; Jiwheyẹwhe wẹ yọnẹn.  Mọwẹ, yẹn yọ́n dawe mọnkọtọn de—vlavo to agbasa mẹ kavi e ma yin po agbasa po, yẹn ma yọnẹn, Jiwheyẹwhe wẹ yọnẹn—  bọ ewọ yin zize sọyi paladisi mẹ bo sè ohó he ma dona yin didọ lẹ he yè ma na dotẹnmẹ mẹdepope nado dọ.  To dawe mọnkọtọn mẹ wẹ yẹn na doawagun te, ṣigba yẹn ma na doawagun to dee mẹ gba, adavo gando madogán ṣie lẹ go.  Na eyin e wá jọ bọ yẹn jlo na doawagun gbede, yẹn ma na yin nulunọ, na yẹn na dọ nugbo lọ. Ṣigba, yẹn dapana, na mẹdepope nikaa lẹn mi jẹ hú nuhe e mọ bọ yẹn yin kavi nuhe e sè sọn dè e,  na osọhia susu tlala lẹ tọn wutu. Enẹwutu, na yẹn nikaa ze dee daga zẹjlẹgo, owùn de yin nina mi to agbasalan mẹ, yèdọ angẹli Satani tọn, nado to nuli mi, bọ yẹn ma nado ze dee daga zẹjlẹgo.  Na ehe wutu, whla atọ̀n wẹ yẹn vẹ̀ Oklunọ na e nido sọgan de e sọn yẹn mẹ;  ṣogan e dọna mi na taun tọn dọmọ: “Nukundagbe majẹhẹ ṣie ko pé na we; na huhlọn ṣie to yinyin hinhẹn zun pipé to madogán towe mẹ.” Enẹwutu, yẹn na kuku gbọ bo yí ayajẹ daho do doawagun gando madogán ṣie lẹ go, na huhlọn Klisti tọn nido sọgan gbọṣi oji e taidi gòhọ de. 10  Enẹwutu, homẹ nọ hùn mi to madogán lẹ mẹ, to mẹzunzun lẹ mẹ, to nuhudo lẹ mẹ, to homẹkẹn lẹ po awusinyẹnnamẹnu lẹ po mẹ, na Klisti tọn wutu. Na to whenue yẹn yin madogánnọ, whenẹnu wẹ yẹn yin huhlọnnọ. 11  Yẹn ko lẹzun nulunọ. Mìwlẹ wẹ hẹn mi nado yinmọ, na mìwlẹ dona ko pà mi. Na yẹn ma do dee hia whè hú apọsteli dahodaho mìtọn lẹ to onú dopo tata mẹ, eyin yẹn ma tlẹ yin nude. 12  Na nugbo tọn, ohia apọsteli-yinyin tọn lẹ yin didohia to ṣẹnṣẹn mìtọn gbọn akọndonanu lẹpo dali, podọ gbọn ohia lẹ po nudabla lẹ po gọna azọ́n huhlọnnọ lẹ dali. 13  Na aliho tẹ mẹ wẹ mìwlẹ whè hú agun he pò lẹ te, bọ e ma yindọ yẹn ma lẹzun agbàn pinpẹn de na mì poun wẹ? Mì jo oylan ehe na mi sọn ojlo mẹ wá. 14  Mì pọ́n! Whla atọ̀ntọ die he yẹn wleawufo nado wá mì dè, ṣogan yẹn ma na lẹzun agbàn pinpẹn de. Na yẹn ma to nutindo mìtọn lẹ dín gba, adavo mìlọsu lẹ; na e ma yin ovi lẹ wẹ dona bẹ onú lẹ pli na mẹjitọ yetọn lẹ gba, ṣigba mẹjitọ lẹ na ovi lẹ. 15  Na yẹn tọn, yẹn na yí ayajẹ do yí dee zan bo na yí dee zan to gigọ́ mẹ na alindọn mìtọn. Eyin yẹn yiwanna mì sisosiso, be e ma jẹ dọ mìlọsu lẹ ni yiwanna mi domọ ya? 16  Ṣigba, depope he e sọgan yin, yẹn ma doagban pinpẹn de na mì. Etomọṣo, mìwlẹ dọ dọ, yẹn yin “ayiha wintinwintinnọ” podọ “ayiha gigẹdẹ” wẹ yẹn yí do wle mì. 17  Na nuhe dù depope to mẹhe yẹn dohlan mì lẹ mẹ, yẹn ma hò mì dù gbọn yé gblamẹ, kavi yẹn wàmọ wẹ? 18  Yẹn dotuhomẹna Titu podọ yẹn do mẹmẹsunnu lọ hlan po e po. Titu ma hò mì dù paali, kavi e wàmọ wẹ? Gbigbọ dopolọ mẹ wẹ mí zinzọnlin te, kavi e ma yin mọ wẹ? To afọdòmẹ dopolọ lẹ mẹ, kavi e ma yin mọ wẹ? 19  Be linlẹn wẹ mìwlẹ te sọn tẹgbẹ dọ avunlọ yí na mídelẹ wẹ mí te to nukọn mìtọn ya? Jiwheyẹwhe nukọn wẹ mí to hodọ te to kọndopọ mẹ hẹ Klisti. Ṣigba, mẹyiwanna lẹ emi, onú lẹpo wẹ tin na jijlọdote mìtọn. 20  Na obu to didi mi dọ to aliho de mẹ, to whenue yẹn na wá, yẹn nido sọgan mọ mì, e ma yin dile yẹn na ko jlo do podọ yẹn nido sọgan sọawuhia, e ma yin dile mìwlẹ na ko jlo do gba, ṣigba, kakatimọ, to aliho de mẹ, avùn, awuwhàn, adánjijẹ whẹwhẹ, wiwọ́, ajàndido, mẹnudidọ, kikla, bẹwlu na tin to ṣẹnṣẹn mìtọn. 21  Vlavo, eyin yẹn lẹkọwa, Jiwheyẹwhe ṣie sọgan dowinyan mi to ṣẹnṣẹn mìtọn bọ yẹn nado sọgan nọ aluẹmẹ na susu mẹhe waylando wayi ṣigba bo ma ko lẹnvọjọ na mawé yetọn po galilọ po gọna wantuntun he yé ko basi lẹ.

Nudọnamẹ Odò Tọn