Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Kọlintinu lẹ 11:1-33

11  Yẹn jlo dọ mì ni sinyẹnlin hẹ mi to nulú vude ṣie mẹ. Ṣigba, na nugbo tọn, mìwlẹ ko to linsinyẹn hẹ mi!  Na yẹn nọ yí awuwhàn Jiwheyẹwhe tọn do whànwu do mì ji, na yẹn ko dopà nado na mì asu dopo to alọwle mẹ na yẹn nido sọgan hẹn mì wá na Klisti taidi awhli he to wiweji de.  Ṣigba, obu to didi mi dọ to aliho de mẹ, dile odàn yí ayiha gigẹdẹ etọn do klọ Evi do, ayiha mìtọn sọgan yin hinhẹn gblezọn sọn ahundoponọ-yinyin po wiwe-yinyin he jẹna Klisti po kọ̀n.  Nalete, eyin mẹde wá bo dọyẹwheho gando Jesu he gbọnvona dehe míwlẹ dọyẹwheho etọn na mì lọ go, kavi eyin mì mọ gbigbọ de yí he gbọnvona dehe mì ko mọyi, kavi wẹndagbe he gbọnvona dehe mì ko kẹalọyi, mìwlẹ nọ kẹalọyi i po awubibọ po.  Na yẹn lẹndọ yẹn ma ko do dee hia to onú dopo tata mẹ nado whè hú apọsteli dahodaho mìtọn lẹ gba.  Ṣigba, eyin yẹn ma tlẹ tindo nugopipe to hodidọ mẹ, e họnwun dọ yẹn wàmọ to oyọnẹn mẹ; ṣigba to aliho lẹpo mẹ, mí do e hia mì to onú lẹpo mẹ.  Kavi be ylando de wẹ yẹn wà nado whiwhẹ dee na mìwlẹ nido sọgan yin zizedaga, na yẹn yí ayajẹ do lá wẹndagbe Jiwheyẹwhe tọn na mì vọnu wutu ya?  Agun devo lẹ mẹ wẹ yẹn bẹ alọgọ agbasanu lẹ tọn sọn nado sọgan yilizọn na mì;  ṣogan to whenue yẹn tin to mì dè bo biọ nuhudo mẹ, yẹn ma lẹzun agbàn pinpẹn de na omẹ dopo tata gba, na mẹmẹsunnu he wá sọn Makedonia lẹ wleawu nuhe yẹn tindo nuhudo etọn lẹ tọn na mi susugege. Mọwẹ, yẹn hẹn dee ma nado yin nupẹnagbanmẹ de na mìwlẹ to aliho depope mẹ podọ yẹn nasọ hẹn dee domọ. 10  Yẹn nọ dọ nugbo lọ dile Klisti na wà do, enẹwutu awagundido ṣie ehe ma na doalọte to agbegbe Akaia tọn lẹ ji. 11  Na whẹwhinwhẹ́n tẹ wutu? Be na yẹn ma yiwanna mì wutu wẹ ya? Jiwheyẹwhe yọnẹn dọ yẹn yiwanna mì. 12  Todin, nuhe wà yẹn te wẹ yẹn na gbẹ́ to wiwà, na yẹn nido sọgan glọnalina yẹdoklọmẹ mẹhe to jijlo dọ yé ni nọ yin pinpọn nado sọzẹn hẹ mí to otẹn he yé to awagundo gandego lọ mẹ. 13  Na apọsteli lalo lẹ wẹ omẹ mọnkọtọn lẹ, azọ́nwatọ oklọ tọn lẹ, he nọ to adadiọna yede zun apọsteli Klisti tọn lẹ. 14  Podọ e ma yin nupaṣamẹ, na Satani lọsu nọ to adadiọna ede zun angẹli hinhọ́n tọn de. 15  Enẹwutu, e ma yin nupaṣamẹ eyin lizọnyizọnwatọ etọn lẹ lọsu nọ to adadiọna yede zun lizọnyizọnwatọ dodowiwa tọn lẹ. Ṣigba, opodo yetọn na sọgbe hẹ azọ́n yetọn lẹ. 16  Yẹn dọ whladopo dogọ dọ, Mì gbọ mẹdepope ni ma lẹndọ yẹn lunú blo. Ṣogan, na nugbo tọn, eyin mì wàmọ, mì kẹalọyi mi eyin yẹn tlẹ taidi nulunọ, na yẹnlọsu nido sọgan doawagun vude. 17  Nuhe yẹn to didọ, yẹn ma dọ to apajlẹ Oklunọ tọn hihodo mẹ gba, ṣigba taidi nulunọ, to jidide zẹjlẹgo he nọ dohiagona awagundido ehe mẹ. 18  To whenuena e yindọ mẹsusu to awagundo sọgbe hẹ agbasalan, yẹnlọsu na doawagun ga. 19  Na mìwlẹ nọ yí ayajẹ do sinyẹnlin hẹ nulunọ lẹ, mìwlẹ he nọ mọ mìde di lẹnpọn dagbenọ. 20  Na nugbo tọn, mì nọ sinyẹnlin hẹ mẹdepope he hẹn mì zun afanumẹ lẹ, mẹdepope he nọ dù nuhe mì tindo lẹ sudo, mẹdepope he nọ hò nuhe mì tindo lẹ yí, mẹdepope he nọ ze ede daga do mì ji, mẹdepope he nọ hò nukunmẹ na mì. 21  Yẹn dọ ehe na winyan míwlẹ tọn, taidi dọ otẹn mítọn ko yin madogánnọ. Ṣigba, eyin mẹdevo depope nọ yí adọgbigbo do yinuwa to nude mẹ—yẹn to hodọ di nulunọ—yẹnlọsu to nuyiwa po adọgbigbo po to e mẹ ga. 22  Heblu lẹ wẹ yé yin ya? Yẹnlọsu yinmọ. Islaelivi lẹ wẹ yé yin ya? Yẹnlọsu yinmọ. Okún Ablaham tọn wẹ yé yin ya? Yẹnlọsu yinmọ. 23  Lizọnyizọnwatọ Klisti tọn lẹ wẹ yé yin ya? Yẹn gblọn di tadunọ, yẹn wẹ yinmọ hugan: to tuklajijẹ mẹ, susugege, to gànpa mẹ, whlasusu, to nulimẹ mẹ, e zẹjlẹgo, to kúdonu, gbọzangbọzan. 24  Whla atọ́n wẹ Ju lẹ yí obá do hò mi whla kande e whè dopo, 25  whla atọ̀n wẹ yẹn yin hihò po opò lẹ po, whla dopo wẹ yẹn yin zannu dlan do, whla atọ̀n wẹ ohún siọ mi, yẹn ko nọ hùzànmẹ na ozán dopo, okle dopo; 26  to gbejizọnlin lẹ mẹ gbọzangbọzan, to owù lẹ mẹ to otọ̀ ji, to owù lẹ mẹ sọn aligbonamẹtọ lẹ dè, to owù lẹ mẹ sọn akọ̀ ṣie titi dè, to owù lẹ mẹ sọn akọta lẹ dè, to owù lẹ mẹ to tòdaho lẹ mẹ, to owù lẹ mẹ to danfafa ji, to owù lẹ mẹ to ohù ji, to owù lẹ mẹ to mẹmẹsunnu lalo lẹ ṣẹnṣẹn, 27  to tuklajẹ po magbọjẹ po mẹ, to amlọnmadọ́ to zánmẹ gbọzangbọzan lẹ mẹ, to huvẹ po nugbla po mẹ, to onú ma dù whlasusu mẹ, to avivọ po omẹ́jijẹ po mẹ. 28  Gbọnvona onú gbonu tọn enẹlẹ, nuhe nọ gbaṣinyọ́n mi egbesọegbesọ lẹ tin, yèdọ magbọjẹ na agun lẹpo. 29  Mẹnu wẹ yin madogánnọ, bọ yẹn ma yin madogánnọ? Mẹnu wẹ dahli, bọ homẹ ṣie ma jizò? 30  Eyin awagundido dona tin, be nuhe yin madogán ṣie lẹ go wẹ yẹn na doawagun gando. 31  Jiwheyẹwhe podọ Otọ́ Oklunọ Jesu tọn, yèdọ Omẹ lọ he dona yin pipà kakadoi yọnẹn dọ yẹn ma to lalodo. 32  To Damasku, ayimatẹn-gán lọ, to ahọlu Aleta glọ to tòdaho Damasku tọn ṣọ́ nado wle mi, 33  ṣigba, yẹn yin hinhẹn jẹte to ohà linlọ̀n de mẹ gbọn fleṣe he to adó lọ go de nù bọ yẹn họ̀ngán sọn alọ etọn lẹ mẹ.

Nudọnamẹ Odò Tọn