Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

2 Kọlintinu lẹ 10:1-18

10  Todin, yẹnlọsu Paulu yí walọmimiọn po homẹdagbe Klisti tọn po do vẹ̀ mì, dile etlẹ yindọ awusọhia ṣie to ṣẹnṣẹn mìtọn yin mẹhe yìdo tọn, yẹn nọ yin adọgbotọ de na mì to whenue yẹn ma tin to finẹ.  Na nugbo tọn, yẹn vẹ̀ mì, na to whenue yẹn na wá, yẹn nikaa yinuwa po adọgbigbo po dile yẹn lẹn do bo na ze afọdide sinsinyẹn lẹ sọta mẹdelẹ he nọ pọ́n mí hlan taidi dọ mí to zọnlinzin sọgbe hẹ nuhe mí yin to agbasalan mẹ.  Na dile etlẹ yindọ mí nọ zinzọnlin sọgbe hẹ agbasalan, mí ma nọ funawhàn sọgbe hẹ nuhe mí yin to agbasalan mẹ.  Na adanwànu awhànfunfun tọn mítọn lẹ ma yin agbasalan tọn lẹ gba, ṣigba Jiwheyẹwhe wẹ hẹn yé yin huhlọnnọ nado họ́ nuhe hẹnai lẹ liai.  Na mí to hoyijlẹdohogo agọ̀ lẹ podọ onú dahodaho lẹpo he yin zizedaga sọta oyọnẹn Jiwheyẹwhe tọn họliai; podọ mí to linlẹn lẹpo hẹnwa mẹmẹglọ mẹ nado hẹn yé setonuna Klisti;  mí sọ to awuwledaina mídelẹ nado hẹn yasanamẹ wá na tolivivẹ lẹpo, to whenue mìwlẹ na ko do tonusise mìtọn titi hia to gigọ́ mẹ.  Mìwlẹ nọ pọ́n onú lẹ hlan sọgbe hẹ awusọhia gbonu tọn yetọn. Eyin mẹdepope nọ dejido ede go dọ emi yin Klisti tọn, mì gbọ ewọ nisọ vọ́ lẹnnupọndo nugbo ehe ji na ede, dọ kẹdẹdile ewọ yin Klisti tọn do, mọ wẹ mílọsu yin do ga.  Na eyin yẹn na tlẹ doawagun vude zẹjlẹgo gando aṣẹ he Oklunọ na mí nado jlọ mì dote bọ e ma yin nado zìn mì dai lọ go, yẹn ma na yin winyando,  bọ e ma na taidi dọ yẹn jlo na yí wekanhlanmẹ ṣie lẹ do dobuna mì. 10  Na yé nọ dọmọ: “Wekanhlanmẹ etọn lẹ pẹ̀n bo tindo huhlọn, ṣigba tintin tofi ewọ lọsu tọn yin madogánnọ podọ ohó etọn nọ vlẹ.” 11  Mì gbọ omẹ mọnkọtọn ni lẹnnupọndo ehe ji, dọ nuhe mí yin to ohó he mí kàn do wekanhlanmẹ mítọn mẹ lẹ mẹ to whenue mí ma tin to finẹ, nudopolọ wẹ mí nasọ yin ga to nuyiwa mítọn mẹ to whenue mí na tin to finẹ. 12  Na mí ma hà nado ze mídelẹ do otẹn dopolọ mẹ po mẹdelẹ po kavi yí mídelẹ jlẹdo mẹdelẹ he nọ pà yedelẹ go. Na taun tọn, to nujinọtedo yedelẹ tọn yiyijlẹdo yedelẹ tọn go mẹ podọ to yedelẹ yiyijlẹdo yedelẹ go mẹ, yé ma tindo nukunnumọjẹnumẹ. 13  Na míwlẹ tọn, mí na doawagun, e ma yin zẹ̀ dogbó he yin didena mí lẹ go gba, ṣigba sọgbe hẹ dogbó aigba-denamẹ he Jiwheyẹwhe má na mí lọ tọn, bo dlẹnkanna ẹn, yèdọ kakajẹ mì dè. 14  Na nugbo tọn, mí ma to dogbó aigba-denamẹ mítọn tọn lẹ hẹngblo deji taidi dọ e ma dlẹnkan jẹ mì dè wẹ nkọ, na míwlẹ wẹ yin omẹ tintan he wá kaka mì dè nado lá wẹndagbe lọ gando Klisti go. 15  Lala, mí ma to awagundo zẹ̀ dogbó he yin didena mí lẹ go to tuklajẹ mẹdevo tọn lẹ mẹ gba, ṣigba mí tindo todido dọ, dile yise mìtọn to jijideji, míwlẹ nido sọgan tindo nuwadotana daho to ṣẹnṣẹn mìtọn to aigba-denamẹ mítọn ji. To whenẹnu wẹ mí na sudeji dogọ, 16  nado lá wẹndagbe lọ to otò devo lẹ mẹ he zẹ̀ mìtọn go, bọ mí ma nado doawagun to aigba-denamẹ mẹdevo tọn ji fie onú lẹ ko yin awuwlena dote te. 17  “Ṣigba, ewọ he to awagundo, gbọ e ni nọ doawagun to Jehovah mẹ.” 18  Na e ma yin mẹhe nọ pà ede wẹ nọ yin alọkẹyi gba, ṣigba omẹ lọ he Jehovah pà.

Nudọnamẹ Odò Tọn