Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Timoti 4:1-16

4  Ṣigba, ohó gbọdo lọ dọ hezeheze dọ to ojlẹ sọgodo tọn lẹ mẹ, mẹdelẹ na jai sọn yise mẹ, bo na nọ na ayidonugo ohó gbọdo mẹhẹn buali tọn lẹ podọ nuplọnmẹ aovi lẹ tọn lẹ,  gbọn yẹnuwiwa mẹhe nọ dolalo lẹ tọn dali, he ayihadawhẹnamẹnu yetọn ko yin hiadogona taidi po ogàn miyọnawu de po;  yé nọ to gbigbẹ́ namẹ ma nado wlealọ, bosọ nọ degbè dọ yè ni dapana núdùdù he Jiwheyẹwhe ko dá, ehe mẹhe tindo yise bo yọ́n nugbo lọ hezeheze lẹ na nọ gbọn pẹdido dali do dù.  Nuhewutu ehe do yinmọ wẹ yindọ nudida Jiwheyẹwhe tọn lẹpo wẹ yọ́n, bọ nudepope ma dona yin gbigbẹdai eyin e yin alọkẹyi po pẹdido po,  na e ko yin hinhẹn zun wiwe gbọn ohó Jiwheyẹwhe tọn po dẹ̀hiho do e ji po dali.  Gbọn ayinamẹ ehelẹ nina mẹmẹsunnu lẹ dali, hiẹ na yin lizọnyizọnwatọ Klisti Jesu tọn dagbe de, he nọ yí ohó yise tọn lẹ po oplọn dagbe he hiẹ ko hodo pẹkipẹki po do yìn dewe.  Ṣigba, nọ gbẹ́ otàn lalo he nọ kọnmasin do onú wiwe go podọ ehe yọnnu yọnhonọ lẹ nọ dọ lẹ dai. Humọ, nọ to dewe plọn po yanwle lọ po nado tindo mẹdezejo na Jiwheyẹwhe.  Na agbasa yiyizan yin alenu na onú vude; ṣigba mẹdezejo na Jiwheyẹwhe yin alenu na onú lẹpo, na e tindo opagbe ogbẹ̀ dintọn podọ dehe ja lọ tọn.  Nugbo wẹ ohó lọ bosọ jẹna alọkẹyi mlẹnmlẹn. 10  Na ehe wẹ zọ́n bọ míwlẹ do to azọ́n sinsinyẹn wà bo to kanván, na mí ko ze todido mítọn sinai do Jiwheyẹwhe ogbẹ̀nọ lọ ji wutu, yèdọ mẹhe yin Mẹwhlẹngántọ gbẹtọ wunmẹ lẹpo tọn, titengbe nugbonọ lẹ tọn. 11  Nọ to gbedide ehelẹ namẹ bosọ nọ to yé plọnmẹ. 12  A dike mẹdepope yí nukunpẹvi do pọ́n jọja-yinyin towe gbede blo. Kakatimọ, lẹzun apajlẹ de na nugbonọ lẹ to hodidọ mẹ, to walọyizan mẹ, to owanyi mẹ, to yise mẹ, to walọ wiwe mẹ. 13  Kaka yẹn nado wá, zindonukọn nado nọ jo dewe na wehihia gbangba tọn, na tudohomẹnamẹ, na mẹpinplọn. 14  A gbẹkọ nunina he to hiẹ mẹ lọ go blo, ehe yin nina we gbọn dọdai de dali podọ to whenue pipli sunnu mẹho lẹ tọn ze alọ yetọn do oji we. 15  Nọ lẹnnupọndo onú ehelẹ ji; jo dewe na yé, na nukọnyiyi towe nido sọgan họnwun na gbẹtọ lẹpo. 16  Nọ payi dewe po mẹpinplọn towe po go to whepoponu. Nọ tẹdo onú ehelẹ go, na gbọn ehe wiwà dali, hiẹ na whlẹn dewe po mẹhe nọ dotoaina we lẹ po gán.

Nudọnamẹ Odò Tọn