Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Timoti 1:1-20

1  Paulu, apọsteli Klisti Jesu tọn de to gbedide Jiwheyẹwhe Mẹwhlẹngántọ mítọn po Klisti Jesu, todido mítọn tọn po glọ,  to wekanhlan Timoti, ovi nugbo de to yise mẹ: Na hiẹ ni tindo nukundagbe majẹhẹ, lẹblanu po jijọho po sọn Jiwheyẹwhe Otọ́ po Klisti Jesu Oklunọ mítọn po dè.  Kẹdẹdile yẹn ko na we tuli nado gbọṣi Efesu to whenue yẹn jlo na yì Makedonia do, mọ wẹ yẹn basi do todin, na hiẹ nido gbẹ́ na mẹdelẹ ma nado plọnmẹ nuplọnmẹ he gbọnvo,  kavi na ayidonugo otàn lalo lẹ podọ otàn kúnkan whẹndo tọn lẹ, ehe nọ dekọtọn do ovọ́ mẹ, ṣigba he nọ fọ́n kanbiọ dodinnanu tọn lẹ dote kakati nado wleawuna nudepope he nọ hẹn yise lodo sọn Jiwheyẹwhe dè.  Na nugbo tọn, yanwle gbedide ehe tọn wẹ owanyi sọn ahun wiwe de mẹ podọ sọn ayihadawhẹnamẹnu dagbe de mẹ podọ sọn yise matin yẹnuwiwa mẹ.  Gbọn kinklan sọn onú ehelẹ kọ̀n dali, mẹdelẹ ko lẹhlan hogblo lẹ didọ,  bo to jijlo nado yin osẹ́n plọnmẹtọ lẹ, ṣigba bo ma mọnukunnujẹ nuhe yé to didọ lẹ kavi nuhe ji yé to nùzindo sinsinyẹn lẹ mẹ.  Todin, mí yọnẹn dọ Osẹ́n lọ yọ́n eyin mẹlọ penukundego to aliho he sọgbe mẹ  to yinyọnẹn mẹ dọ osẹ́n yin didoai, e ma yin na dodonọ lẹ gba, ṣigba na sẹ́nhẹngbatọ lẹ po tasinyẹntọ lẹ po, mẹhe tindo jijọ-madi-Jiwheyẹwhe po ylandonọ lẹ po, mẹhe ma tindo dagbewanyi po mẹhe ma nọ do sisi hia na onú wiwe lẹ po, ovi he nọ hù otọ́ po ovi he nọ hù onọ̀ lẹ po, hlọnhutọ lẹ, 10  galọtọ lẹ, sunnu he nọ zanhẹ sunnu lẹ, mẹfintọ lẹ, lalonọ lẹ, mẹhe nọ yí lalo do whlé lẹ, podọ onú devo depope he jẹagọdo oplọn he pegan 11  sọgbe hẹ wẹndagbe gigonọ Jiwheyẹwhe ayajẹnọ lọ tọn, ehe yin zizedo alọmẹ na mi. 12  Yẹn dopẹna Klisti Jesu Oklunọ mítọn, mẹhe na mi huhlọn, na ewọ mọ mi di nugbonọ gbọn lizọnyizọn de zizedo alọmẹ na mi dali, 13  dile etlẹ yindọ nùzantọ, homẹkẹndomẹtọ po kanylantọ de po wẹ yẹn yin dai. Etomọṣo, lẹblanu yin didohia mi, na wunvi po yise matindo po mẹ wẹ yẹn yinuwa te wutu. 14  Ṣigba, nukundagbe majẹhẹ Oklunọ mítọn tọn sù tlala to pọmẹ hẹ yise po owanyi po to kọndopọ mẹ hẹ Klisti Jesu. 15  Nugbo wẹ ohó lọ bosọ jẹna alọkẹyi mlẹnmlẹn dọ Klisti Jesu wá aihọn mẹ nado whlẹn ylandonọ lẹ gán. Yẹn yin tọ́ntlọ́ngbọ́n to omẹ ehelẹ mẹ. 16  Etomọṣo, whẹwhinwhẹ́n he wutu lẹblanu yin didohia mi wẹ yindọ gbọn yẹn gblamẹ taidi omẹ tọ́ntlọ́ngbọ́n lọ, Klisti Jesu nido sọgan do linsinsinyẹn etọn lẹpo hia taidi apajlẹ de na yé he jlo na ze yise yetọn sinai do ewọ ji na ogbẹ̀ madopodo. 17  Todin, gbégbò po gigo po ni tin hlan Ahọlu madopodo, he ma sọgan gble, mayinukundomọ lọ, yèdọ Jiwheyẹwhe dopo kẹdẹ lọ kakadoi podọ doidoi. Niṣẹ.* 18  Gbedide ehe wẹ yẹn zedo alọmẹ na we, hiẹ Timoti, ovi ṣie, to gbesisọ mẹ hẹ dọdai he dlẹnalọdo we tlọlọ, dọ gbọn ehelẹ dali hiẹ nido sọgan zindonukọn to awhàn dagbe lọ fùnfùn mẹ; 19  bo tẹdo yise po ayihadawhẹnamẹnu dagbe de po go, ehe mẹdelẹ ko sisẹ́ do apadopo bọ yise yetọn ko siọ taidi tọjihun de. 20  Himeneu po Alẹkzandle po tin to omẹ ehelẹ mẹ, podọ yẹn ko ze yé do alọmẹ na Satani na yé nido sọgan yin pinplọn gbọn mẹplọnlọdomẹgo dali ma nado nọ zánnu.

Nudọnamẹ Odò Tọn

1Ti  1:17* Pọ́n Lo 1:25, nudọnamẹ odò tọn.