Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Pita 5:1-14

5  Enẹwutu, yẹn to tudohomẹnamẹ ehe na sunnu mẹho he tin to mì ṣẹnṣẹn lẹ, na sunnu mẹho de wẹ yẹnlọsu yin hẹ yé podọ kunnudetọ yajiji Klisti tọn lẹ, yèdọ mimátọ gigo he na wá yin didehia lọ tọn:  Mì yìn lẹngbọpa Jiwheyẹwhe tọn he yin zizedo alọmẹ na mì, e yin po mananọmawà po blo, ṣigba sọn ojlo mẹ wá; mọdopolọ e yin po owanyi na ale mawadodo tọn po blo, ṣigba po jejejininọ po;  mọjanwẹ e ma yin nado duklunọ do mẹhe yin ogú Jiwheyẹwhe tọn lẹ ji gba, ṣigba nado yin apajlẹ na lẹngbọpa lọ.  Podọ to whenuena ogán lẹngbọhọtọ tọn lọ na ko yin hinhẹn sọawuhia, mì na mọ jẹgbakun gigo tọn he ma nọ kupẹ́ lọ yí.  Mọdopolọ, mì jọja sunnu lẹ, mì nọ yin mẹmẹglọ hlan sunnu mẹho lẹ. Ṣigba, na mìmẹpo ni nọ yí mẹdezewhè do blagbajana mìde to nuyiwa mìtọn hẹ ode awetọ mẹ, na Jiwheyẹwhe nọ diọnukunsọ saklanọ lẹ, ṣigba e nọ do nukundagbe majẹhẹ hia whiwhẹnọ lẹ.  Enẹwutu, mì nọ whiwhẹ mìde to alọ hlọnhlọnnọ Jiwheyẹwhe tọn glọ, na ewọ nido ze mì daga to ojlẹ sisọ mẹ;  dile mì to magbọjẹ mìtọn lẹpo bẹ dlan ewọ ji, na e to mìtọn hòpọn wutu.  Mì gbọṣi lẹnpọn dagbenọ-yinyin mẹ, mì nọ aṣeji. Kẹntọ mìtọn Lẹgba to dindanpe di kinnikinni de he to gbigbó, bo to mẹhe e na tlẹndu dín.  Ṣigba mì diọnukunsọ ẹ, bo lodo to yise mẹ, to yinyọnẹn mẹ dọ, onú dopolọ lẹ to yajiji-liho wẹ to yinyin hinhẹnwa pipli mẹmẹsunnu mìtọn lẹ tọn pete ji to aihọn mẹ. 10  Ṣigba, to whenuena mì ko jiya na ojlẹ vude godo, Jiwheyẹwhe nukundagbe majẹhẹ lẹpo tọn, he ylọ mì do gigo madopodo etọn mẹ to kọndopọ mẹ hẹ Klisti, ewọ lọsu titi na dotana azọ́nplọnmẹ mìtọn, e na hẹn mì lodo, e na hẹn mì yin huhlọnnọ. 11  Ewọ tọn wẹ hlọnhlọn kakadoi. Niṣẹ.* 12  Gbọn Silvanu* gblamẹ, yèdọ mẹmẹsunnu nugbonọ de, dile yẹn nọ pọ́n ẹn hlan do, yẹn ko kanwehlan mì to hogbe vude mẹ, nado na mì tuli bo dekunnu vẹkuvẹku dọ ehe wẹ nukundagbe majẹhẹ nugbo Jiwheyẹwhe tọn; mì nọte gligli to ehe mẹ. 13  Ewọ he to Babilọni, yèdọ mẹdide de taidi mìwlẹ, yí nudọdomẹ etọn lẹ hlan mì, podọ Malku visunnu ṣie lọsu wàmọ ga. 14  Mì yí nùdonùgo owanyi tọn do dọnudo ode awetọ mìtọn. Na mìmẹpo he tin to kọndopọ mẹ hẹ Klisti ni tindo jijọho.

Nudọnamẹ Odò Tọn

1Pi 5:11* Pọ́n Lo 1:25, nudọnamẹ odò tọn.
1Pi 5:12* Pọ́n 2Kọ 1:19, nudọnamẹ odò tọn.