Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Pita 2:1-25

2  Enẹwutu, mì gbẹ́ ylanwiwa lẹpo, mẹkiklọ lẹpo, yẹnuwiwa, nuvẹun lẹ, gọna ajàndido wunmẹ lẹpo dai,  podọ, taidi viyẹyẹ he yè ṣẹṣẹ ji, mì wleawuna ojlo vẹkuvẹku na anọ́sin he ma yin fuflusọ ohó lọ tọn, na mì nido sọgan whẹ́n gbọn dali etọn jẹ whlẹngán kọ̀n,  eyin mì ko dọ́ Oklunọ pọ́n bo mọdọ homẹdagbenọ wẹ ewọ.  Dile mì to e dè wá di hlan zannu ogbẹ̀nọ de dè, ehe na nugbo tọn yin gbigbẹdai gbọn gbẹtọ lẹ dali, ṣigba he yin dide, bosọ họakuẹ, to Jiwheyẹwhe dè,  mìwlẹ lọsu ga taidi zannu ogbẹ̀nọ lẹ to yinyin didó daga di ohọ̀ gbigbọmẹ tọn de na lẹndai yẹwhenọduta wiwe de tọn, nado sán avọ́ gbigbọmẹ tọn lẹ he yin alọkẹyi to Jiwheyẹwhe dè gbọn Jesu Klisti gblamẹ.  Na e tin to Owe-wiwe mẹ dọmọ: “Mì pọ́n! Yẹn to zannu de zedai to Ziọni, he yin dide, yèdọ zannu dodonu họ̀gosu tọn de, he họakuẹ; podọ mẹdepope he do yise hia to e mẹ ma na yin hinhẹn jẹflumẹ to aliho depope mẹ.”  Enẹwutu, mìwlẹ wẹ e họakuẹ na, na mì yin yisenọ wutu; ṣigba na mẹhe ma yise lẹ, “zannu dopolọ he họ̀dotọ lẹ gbẹ́ dai ko lẹzun gángánsu họ̀gosu tọn,”  podọ “zannu ahlìda tọn po osé gángán afọklẹn tọn de po.” Omẹ ehelẹ to ahlìda na yé vẹtolina ohó lọ wutu. Na yanwle ehe taun wutu wẹ yé yin dide ga.  Ṣigba mìwlẹ wẹ “akọ̀ dide de, yẹwhenọ he to sinsẹ̀n di ahọlu lẹ, akọta wiwe de, mẹhe yin dide nado yin nutindo vonọtaun lẹ, na mì nido lá gigo daho” omẹ lọ he ylọ mì sọn zinvlu mẹ wá hinhọ́n jiawu etọn mẹ tọn lẹ. 10  Na mìwlẹ ma yin akọta de dai, ṣigba mì ko yin akọta Jiwheyẹwhe tọn todin; mì wẹ mẹhe lẹblanu ma ko yin didohia dai, ṣigba mẹhe lẹblanu ko yin didohia todin. 11  Mẹyiwanna emi, yẹn to tudohomẹna mì taidi jonọ podọ gbéjinọtọ ojlẹ gli tọn lẹ nado nọ nọla na ojlo agbasalan tọn lẹ, yèdọ ojlo enẹlẹ he nọ to avùnho sọta alindọn. 12  Mì hẹn walọyizan dagbe mìtọn go to akọta lẹ ṣẹnṣẹn, dọ, to onú he mẹ yé to hodọ jẹagọdo mì taidi ylanwatọ lẹ te, na yé nido gbọn azọ́n dagbe mìtọn lẹ he yé to mimọ po nukun po dali pagigona Jiwheyẹwhe to azán dlapọn etọn tọn gbè. 13  Na Oklunọ tọn wutu, mì yin mẹmẹglọ na nuzedai gbẹtọ tọn lẹpo: vlavo na ahọlu taidi mẹhe yiaga 14  kavi na ayimatẹn-gán lẹ taidi mẹhe yin didohlan gbọn ewọ dali nado hẹn yasanamẹ wá ylanwatọ lẹ ji ṣigba nado na pipà mẹhe wà dagbe lẹ. 15  Na enẹ wẹ ojlo Jiwheyẹwhe tọn, dọ, gbọn dagbe wiwà dali mì ni doajànuna gbẹtọ nulunọ he to ohó wunvi tọn dọ lẹ. 16  Mì tin taidi mẹhe to yedekannu lẹ, ṣogan mì hẹn mẹdekannujẹ mìtọn go, e ma yin taidi nukunmẹṣinyọnnu de na ylanwiwa, ṣigba taidi afanumẹ Jiwheyẹwhe tọn lẹ. 17  Mì gbògbéna gbẹtọ wunmẹ lẹpo, mì tindo owanyi na pipli mẹmẹsunnu lẹ tọn pete, mì dibusi Jiwheyẹwhe, mì gbògbéna ahọlu. 18  Mì gbọ devizọnwatọ whégbè tọn lẹ ni nọ yin mẹmẹglọ na klunọ yetọn lẹ po budisi he jẹ lẹpo po, e ma yin na mẹdagbe po lẹnpọn dagbenọ lẹ kẹdẹ po gba, ṣigba na mẹhe e nọ vẹawu nado hẹn homẹhun lẹ ga. 19  Na eyin mẹde, na ayihadawhẹnamẹnu etọn to Jiwheyẹwhe nukọn wutu, nọ doakọnna nuhe nọ hẹn awubla wá lẹ bo nọ jiya mahuwhẹ, nuhe yin alọkẹyi de wẹ ehe. 20  Na ale tẹwẹ tin to e mẹ eyin mì nọ doakọnnanu to whenuena mì to ylando wà bọ yè to nuli mì? Ṣigba, eyin mì nọ doakọnna yajiji na mì to dagbe wà wutu, nuhe yin alọkẹyi to Jiwheyẹwhe dè wẹ ehe. 21  Na nugbo tọn, na aliho ehe ji wẹ mì yin yiylọ do, na Klisti lọsu jiya na mì, bo ze apajlẹ de dai na mì, na mì nido hodo afọdòmẹ etọn lẹ pẹkipẹki. 22  E ma wà ylando depope, mọjanwẹ oklọ ma yin mimọ to onù etọn mẹ. 23  To whenuena yè to vivlẹ ẹ, ewọ lọsu ma jẹ omẹ vlẹ ji. To whenuena ewọ to yaji, e ma jẹ adángblọn ji, ṣigba e zindonukọn nado ze ede do alọmẹ na omẹ lọ he nọ yí dodo do dawhẹ. 24  Ewọ lọsu hẹn ylando mítọn lẹ to agbasa ede tọn mẹ to pòtin ji, na mí nido sọgan vò sọn ylando lẹ si bo nọgbẹ̀ na dodowiwa. Podọ “gbọn bápa etọn lẹ dali mì yin azọ̀nhẹngbọna.” 25  Na mì ko taidi lẹngbọ he to dindanbu lẹ dai; ṣigba todin mì ko lẹkọ do lẹngbọhọtọ po nugopọntọ alindọn mìtọn lẹ tọn po dè.

Nudọnamẹ Odò Tọn