Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Johanu 5:1-21

5  Mẹdepope he yise dọ Jesu wẹ Klisti lọ ko yin jiji sọn Jiwheyẹwhe dè, podọ mẹdepope he yiwanna otọ́ lọ nọ yiwanna omẹ lọ he ko yin jiji sọn ewọ dè.  Gbọn ehe dali wẹ míwlẹ yọnẹn dọ mí yiwanna ovi Jiwheyẹwhe tọn lẹ, eyin mí yiwanna Jiwheyẹwhe bo to gbedide etọn lẹ yìn.  Na ehe wẹ nuhe owanyi Jiwheyẹwhe tọn zẹẹmẹdo, dọ, mí ni yìn gbedide etọn lẹ; ṣogan gbedide etọn lẹ ma pẹnagbanmẹ,  Na mẹhe yin jiji sọn Jiwheyẹwhe dè lẹpo nọ gbawhàn aihọn tọn. Podọ ehe wẹ onú lọ he ko gbawhàn aihọn tọn, yèdọ yise mítọn.  Mẹnu wẹ yin mẹlọ he gbawhàn aihọn tọn bọ e ma yin ewọ he yise dọ Jesu wẹ Visunnu Jiwheyẹwhe tọn?  Ehe wẹ omẹ lọ he wá gbọn osin po ohùn po gblamẹ, yèdọ Jesu Klisti; e ma yin gbọn osin kẹdẹ dali gba, ṣigba gbọn osin po ohùn po dali. Podọ gbigbọ lọ wẹ enẹ he to kunnude, na gbigbọ lọ wẹ nugbo.  Na kunnudetọ atọ̀n wẹ to kunnude,  yèdọ gbigbọ, osin po ohùn po, podọ atọ̀n lẹ kọngbedopọ.  Eyin mí nọ kẹalọyi kunnudide gbẹtọ tọn, kunnudide Jiwheyẹwhe tọn klohu, na okunnu he Jiwheyẹwhe de die, yèdọ nugbo lọ dọ ewọ ko dekunnu gando Visunnu etọn go. 10  Mẹhe tindo yise to Visunnu Jiwheyẹwhe tọn mẹ yise to okunnu he yin dide na ewọ lọsu titi mẹ. Mẹhe ma tindo yise to Jiwheyẹwhe mẹ ko hẹn ẹn zun lalonọ de, na e ma ko tindo yise to kunnudide lọ mẹ, ehe Jiwheyẹwhe taidi kunnudetọ ko de gando Visunnu etọn go. 11  Podọ ehe wẹ kunnudide lọ, dọ Jiwheyẹwhe na mí ogbẹ̀ madopodo, podọ ogbẹ̀ ehe tin to Visunnu etọn mẹ. 12  Ewọ he tindo Visunnu lọ tindo ogbẹ̀ ehe; ewọ he ma tindo Visunnu Jiwheyẹwhe tọn ma tindo ogbẹ̀ ehe. 13  Yẹn to onú ehelẹ kàn hlan mì, na mìwlẹ nido sọgan yọnẹn dọ mì tindo ogbẹ̀ madopodo, yèdọ mì mẹhe tindo yise to oyín Visunnu Jiwheyẹwhe tọn mẹ lẹ. 14  Podọ ehe wẹ jidide he mí tindo to ewọ mẹ, dọ, nudepope he mí biọ sọgbe hẹ ojlo etọn, ewọ nọ sè mítọn. 15  Humọ, eyin mí yọnẹn dọ e nọ sè mítọn gando nudepope he mí to bibiọ go, mí yọnẹn dọ mí na mọ nuhe yin bibiọ lẹ yí, to whenuena e yindọ mí ko biọ yé sọn ewọ dè. 16  Eyin mẹde sọnukunmọ mẹmẹsunnu etọn bọ e to ylando he ma nọ hẹn okú wá de wà, e na basi ovẹvivẹ do ota etọn mẹ, podọ ewọ na na ẹn ogbẹ̀. Ehe gando mẹhe to ylando he ma nọ hẹn okú wá de wà lẹ go. Ṣigba ylando de tin he nọ hẹn okú wá. Yẹn ma dọna ẹn nado basi obiọ gando ylando enẹ go gba. 17  Mawadodo lẹpo wẹ yin ylando; ṣogan ylando de tin he ma nọ hẹn okú wá. 18  Mí yọnẹn dọ mẹdepope he ko yin jiji sọn Jiwheyẹwhe dè ma nọ hẹn ylando zun aṣa, ṣigba Omẹ lọ he yin jiji sọn Jiwheyẹwhe dè nọ basi hihọ́na ẹn, bọ alọ mẹylankan lọ tọn ma nọ jẹ e go. 19  Mí yọnẹn dọ Jiwheyẹwhe dè wẹ míwlẹ wá sọn, ṣigba aihọn lọ pete tin to huhlọn mẹylankan lọ tọn glọ. 20  Ṣigba mí yọnẹn dọ Visunnu Jiwheyẹwhe tọn ko wá, podọ e ko na mí nugopipe nukunnumọjẹnumẹ tọn na mí nido sọgan yọ́n omẹ nugbo lọ. Podọ mí tin to kọndopọ mẹ hẹ omẹ nugbo lọ, gbọn Visunnu etọn Jesu Klisti gblamẹ. Ehe wẹ Jiwheyẹwhe nugbo lọ po ogbẹ̀ madopodo po. 21  Yọpọ lẹ emi, mì họ́ mìde sọta boṣiọ lẹ.

Nudọnamẹ Odò Tọn