Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Johanu 4:1-21

4  Mẹyiwanna lẹ emi, mì ma nọ yí ohó gbọdo lẹpo sè blo, ṣigba mì nọ tẹ́n ohó gbọdo lẹ pọ́n nado yọnẹn eyin yé wá sọn Jiwheyẹwhe dè, na yẹwhegán lalo susu wẹ ko sọawuhia to aihọn mẹ.  Lehe mì na yọ́n ohó gbọdo he wá sọn Jiwheyẹwhe dè gbọn die: Ohó gbọdo lẹpo he yigbe dọ Jesu Klisti wá to agbasalan mẹ, wá sọn Jiwheyẹwhe dè,  ṣigba ohó gbọdo lẹpo he ma yigbe Jesu tọn ma wá sọn Jiwheyẹwhe dè. Humọ, ehe wẹ ohó gbọdo agọjẹdoklistitọ lọ tọn he mì ko sè dọ e ja, podọ e ko tin to aihọn mẹ todin.  Yọpọ lẹ emi, Jiwheyẹwhe dè wẹ mì wá sọn, podọ mì ko gbawhàn omẹ enẹlẹ tọn, na ewọ he tin to kọndopọ mẹ hẹ mì klohu ewọ he tin to kọndopọ mẹ hẹ aihọn.  Aihọn dè wẹ yé wá sọn; enẹ wẹ zọ́n bọ yé nọ dọ nuhe wá sọn aihọn dè bọ aihọn nọ sè yetọn.  Jiwheyẹwhe dè wẹ míwlẹ wá sọn. Ewọ he yọ́n Jiwheyẹwhe nọ sè mítọn; ewọ he ma wá sọn Jiwheyẹwhe dè ma nọ sè mítọn. Gbọnmọ dali wẹ mí nọ yọ́n ohó gbọdo nugbo tọn po ohó gbọdo lalo tọn po.  Mẹyiwanna lẹ emi, mì gbọ mí ni zindonukọn nado nọ yiwanna ode awetọ, na Jiwheyẹwhe dè wẹ owanyi wá sọn, podọ mẹdepope he tindo owanyi ko yin jiji sọn Jiwheyẹwhe dè bosọ yọ́n Jiwheyẹwhe.  Ewọ he ma tindo owanyi ma ko wá yọ́n Jiwheyẹwhe, na Jiwheyẹwhe wẹ owanyi.  Gbọn ehe dali wẹ owanyi Jiwheyẹwhe tọn ko yin didohia to whẹho mítọn mẹ, na Jiwheyẹwhe do Visunnu detọ́n dopo akàn etọn hlan aihọn mẹ na mí nido sọgan mọ ogbẹ̀ gbọn ewọ gblamẹ. 10  Ehe mẹ wẹ owanyi lọ te, e ma yindọ míwlẹ wẹ ko yiwanna Jiwheyẹwhe gba, ṣigba dọ ewọ wẹ yiwanna mí bo do Visunnu etọn hlan taidi avọ́sinsan oyẹsu tọn de na ylando mítọn lẹ. 11  Mẹyiwanna lẹ emi, eyin mọ wẹ Jiwheyẹwhe yiwanna mí do, to whelọnu lo míwlẹ lọsu tin to dandannu glọ nado yiwanna ode awetọ. 12  Mẹdepope ma ko mọ Jiwheyẹwhe pọ́n gbede. Eyin mí zindonukọn nado nọ yiwanna ode awetọ, Jiwheyẹwhe nọ gbọṣi mí mẹ podọ owanyi etọn nọ yin hinhẹn zun pipé to mí mẹ. 13  Gbọn ehe dali wẹ míwlẹ yọnẹn dọ mí gbọṣi kọndopọ mẹ hẹ ẹ podọ ewọ to kọndopọ mẹ hẹ mí, na ewọ ko na mí gbigbọ etọn. 14  To yidogọ mẹ, míwlẹ lọsu ko mọ bosọ to kunnude dọ Otọ́ lọ ko do Visunnu etọn hlan di Mẹwhlẹngántọ aihọn tọn. 15  Mẹdepope he yigbe dọ Jesu Klisti wẹ Visunnu Jiwheyẹwhe tọn, Jiwheyẹwhe nọ gbọṣi kọndopọ mẹ hẹ omẹ mọnkọtọn podọ ewọ to kọndopọ mẹ hẹ Jiwheyẹwhe. 16  Podọ míwlẹ lọsu ko wá yọnẹn bo ko sọ yise to owanyi he Jiwheyẹwhe tindo na mí mẹ. Jiwheyẹwhe wẹ owanyi, podọ ewọ he gbọṣi owanyi mẹ nọ gbọṣi kọndopọ mẹ hẹ Jiwheyẹwhe podọ Jiwheyẹwhe nọ gbọṣi kọndopọ mẹ hẹ ẹ. 17  Ehe wẹ aliho he mẹ owanyi ko yin hinhẹn zun pipé te to whẹho mítọn mẹ, na mí nido sọgan tindo awuvivo hodidọ tọn to azán whẹdida tọn gbè, na, kẹdẹdile ewọ te do, mọ wẹ míwlẹ lọsu te to aihọn ehe mẹ. 18  Obu ma tin to owanyi mẹ, ṣigba owanyi pipé nọ yàn obu jẹgbonu, na obu nọ glọnalinamẹ. Na nugbo tọn, ewọ he to budi ma ko yin hinhẹn zun pipé to owanyi mẹ. 19  Na míwlẹ tọn, mí tindo owanyi, na ewọ whẹ́ wẹ yiwanna mí wutu. 20  Eyin mẹdepope dọ dọ: “Yẹn yiwanna Jiwheyẹwhe,” ṣogan bo gbẹwanna mẹmẹsunnu etọn, lalonọ de wẹ ewọ. Na ewọ he ma yiwanna mẹmẹsunnu etọn, he e mọ, ma sọgan yiwanna Jiwheyẹwhe, mẹhe e ma mọ. 21  Podọ gbedide ehe wẹ mí mọyi sọn ewọ dè, dọ mẹhe yiwanna Jiwheyẹwhe dona yiwanna mẹmẹsunnu etọn ga.

Nudọnamẹ Odò Tọn